Luc 10
10
A.D. 32. —
1 Crist yn anfon allan ar unwaith ddeg disgybl a thri ugain i wneuthur gwyrthiau, ac i bregethu; 17 yn eu rhybuddio hwy i fod yn ostyngedig, ac ym mha beth y gorfoleddent: 21 yn diolch i’w Dad am ei ras: 23 yn mawrygu dedwydd gyflwr ei eglwys: 25 yn dysgu y cyfreithiwr y modd i gael bywyd tragwyddol, ac i gymryd pawb yn gymydog iddo, a’r a fo ag eisiau ei drugaredd ef arno: 41 yn argyhoeddi Martha, ac yn canmol Mair ei chwaer hi.
1Wedi’r pethau hyn yr ordeiniodd yr Arglwydd ddeg a thrigain eraill hefyd, ac a’u danfonodd hwynt bob yn ddau o flaen ei wyneb i bob dinas a man lle yr oedd efe ar fedr dyfod. 2Am hynny efe a ddywedodd wrthynt, Y #Mat 9:37; Ioan 4:35cynhaeaf yn wir sydd fawr, ond y gweithwyr yn anaml: #2 Thess 3:1gweddïwch gan hynny ar Arglwydd y cynhaeaf, am ddanfon allan weithwyr i’w gynhaeaf. 3Ewch: #Mat 10:16wele, yr wyf fi yn eich danfon chwi fel ŵyn ymysg bleiddiaid. 4#Mat 10:9, 10; Marc 6:8Na ddygwch god, nac ysgrepan, nac esgidiau; ac #2 Bren 4:29na chyferchwch well i neb ar y ffordd. 5#Mat 10:12Ac i ba dŷ bynnag yr eloch i mewn, yn gyntaf dywedwch, Tangnefedd i’r tŷ hwn. 6Ac o bydd yno fab tangnefedd, eich tangnefedd a orffwys arno: os amgen, hi a ddychwel atoch chwi. 7#1 Cor 10:27Ac yn y tŷ hwnnw arhoswch, gan fwyta ac yfed y cyfryw bethau ag a gaffoch ganddynt: canys #1 Cor 9:4, &c; 1 Tim 5:18teilwng yw i’r gweithiwr ei gyflog. Na threiglwch o dŷ i dŷ. 8A pha ddinas bynnag yr eloch iddi, a hwy yn eich derbyn, bwytewch y cyfryw bethau ag a rodder ger eich bronnau: 9Ac iachewch y cleifion a fyddo ynddi, a dywedwch wrthynt, #Mat 3:2; 4:17Daeth teyrnas Dduw yn agos atoch. 10Eithr pa ddinas bynnag yr eloch iddi, a hwy heb eich derbyn, ewch allan i’w heolydd, a dywedwch, 11#Mat 10:14; Pen 9:5; Act 13:51; 18:6Hyd yn oed y llwch, yr hwn a lynodd wrthym o’ch dinas, yr ydym yn ei sychu ymaith #10:11 yn eich erbyn chwi. fel Pen 9:5i chwi: er hynny gwybyddwch hyn, fod teyrnas Dduw wedi nesáu atoch. 12Eithr dywedaf wrthych, mai esmwythach fydd i Sodom yn y dydd hwnnw, nag i’r ddinas honno. 13#Mat 11:21Gwae di, Chorasin! gwae di, Bethsaida! canys pe gwnelsid yn Nhyrus a Sidon #10:13 y nerthoedd.y gweithredoedd nerthol a wnaethpwyd yn eich plith chwi, hwy a edifarhasent er ys talm, gan eistedd mewn sachliain a lludw. 14Eithr esmwythach fydd i Dyrus a Sidon yn y farn, nag i chwi. 15A thithau, Capernaum, yr hon a ddyrchafwyd hyd y nef, a dynnir i lawr hyd yn uffern. 16#Mat 10:40; Ioan 13:20Y neb sydd yn eich gwrando chwi, sydd yn fy ngwrando i; #1 Thess 4:8a’r neb sydd yn eich dirmygu chwi, sydd yn fy nirmygu i; a’r neb sydd yn fy nirmygu i, sydd yn dirmygu’r hwn a’m hanfonodd i.
17A’r deg a thrigain a ddychwelsant gyda llawenydd, gan ddywedyd, Arglwydd, hyd yn oed y cythreuliaid a ddarostyngir i ni, yn dy enw di. 18Ac efe a ddywedodd wrthynt, Mi a welais Satan megis mellten, yn syrthio o’r nef. 19Wele, #Marc 16:18; Act 28:5yr ydwyf fi yn rhoddi i chwi awdurdod i sathru ar seirff ac ysgorpionau, ac ar holl gryfder y gelyn: ac nid oes dim a wna ddim niwed i chwi. 20Eithr yn hyn na lawenhewch, fod yr ysbrydion wedi eu darostwng i chwi; ond llawenhewch yn hytrach, am fod #Exod 32:32; Salm 69:28; Esa 4:3; Dan 12:1; Phil 4:3; Heb 12:23; Dat 13:8; 20:12; 21:27eich enwau yn ysgrifenedig yn y nefoedd.
21 #
Mat 11:25
Yr awr honno yr Iesu a lawenychodd yn yr ysbryd, ac a ddywedodd, Yr wyf yn diolch i ti, O Dad, Arglwydd nef a daear, am guddio ohonot y pethau hyn oddi wrth y doethion a’r deallus, a’u datguddio ohonot i rai bychain: yn wir, O Dad; oblegid felly #10:21 Gr. yr oedd boddlonrwydd.y gwelid yn dda yn dy olwg di. 22#10:22 Amryw hen gopïau a ychwanegant y geiriau hyn, A chan droi at ei ddisgyblion, efe a ddywedodd.#Mat 28:18; Ioan 3:35; 17:2Pob peth a roddwyd i mi gan fy Nhad: ac #Ioan 1:18; 6:44, 46ni ŵyr neb pwy yw’r Mab, ond y Tad; na phwy yw’r Tad, ond y Mab, a’r neb y mynno’r Mab ei ddatguddio iddo.
23Ac efe a drodd at ei ddisgyblion, ac a ddywedodd o’r neilltu, #Mat 13:16Gwyn fyd y llygaid sydd yn gweled y pethau yr ydych chwi yn eu gweled: 24Canys yr wyf yn dywedyd i chwi, #1 Pedr 1:10ewyllysio o lawer o broffwydi a brenhinoedd weled y pethau yr ydych chwi yn eu gweled, ac nis gwelsant; a chlywed y pethau yr ydych chwi yn eu clywed, ac nis clywsant.
25Ac wele, rhyw gyfreithiwr a gododd, gan ei demtio ef, a dywedyd, #Mat 19:16; 22:35Athro, pa beth a wnaf i gael etifeddu bywyd tragwyddol? 26Yntau a ddywedodd wrtho, Pa beth sydd ysgrifenedig yn y gyfraith? pa fodd y darlleni? 27Ac efe gan ateb a ddywedodd, #Deut 6:5Ti a geri yr Arglwydd dy Dduw â’th holl galon, ac â’th holl enaid, ac â’th holl nerth, ac â’th holl feddwl; #Lef 19:18a’th gymydog fel ti dy hun. 28Yntau a ddywedodd wrtho, Ti a atebaist yn uniawn: gwna hyn, a #Lef 18:5; Esec 20:11, 13, 21byw fyddi. 29Eithr efe, yn ewyllysio ei gyfiawnhau ei hun, a ddywedodd wrth yr Iesu, A phwy yw fy nghymydog? 30A’r Iesu gan ateb a ddywedodd, Rhyw ddyn oedd yn myned i waered o Jerwsalem i Jericho, ac a syrthiodd ymysg lladron; y rhai wedi ei ddiosg ef, a’i archolli, a aethant ymaith, gan ei adael yn hanner marw. 31Ac ar ddamwain rhyw offeiriad a ddaeth i waered y ffordd honno: a phan ei gwelodd, #Salm 38:11efe a aeth o’r tu arall heibio. 32A’r un ffunud Lefiad hefyd, wedi dyfod i’r fan, a’i weled ef, a aeth o’r tu arall heibio. 33Eithr rhyw Samariad, wrth ymdaith, a ddaeth ato ef: a phan ei gwelodd, a dosturiodd, 34Ac a aeth ato, ac a rwymodd ei archollion ef, gan dywallt ynddynt olew a gwin; ac a’i gosododd ef ar ei anifail ei hun, ac a’i dug ef i’r llety, ac a’i hamgeleddodd. 35A thrannoeth wrth fyned ymaith, efe a dynnodd allan ddwy geiniog, ac a’u rhoddes i’r lletywr, ac a ddywedodd wrtho, Cymer ofal drosto: a pha beth bynnag a dreuliech yn ychwaneg, pan ddelwyf drachefn, mi a’i talaf i ti. 36Pwy gan hynny o’r tri hyn, yr ydwyt ti yn tybied ei fod yn gymydog i’r hwn a syrthiasai ymhlith y lladron? 37Ac efe a ddywedodd, Yr hwn a wnaeth drugaredd ag ef. A’r Iesu am hynny a ddywedodd wrtho, Dos, a gwna dithau yr un modd.
38A bu, a hwy yn ymdeithio, ddyfod ohono i ryw dref: a rhyw wraig, a’i henw #Ioan 11:1; 12:2, 3Martha, a’i derbyniodd ef i’w thŷ. 39Ac i hon yr oedd chwaer a elwid Mair, #1 Cor 7:32, &cyr hon hefyd #Act 22:3a eisteddodd wrth draed yr Iesu, ac a wrandawodd ar ei ymadrodd ef. 40Ond Martha oedd drafferthus ynghylch llawer o wasanaeth: a chan sefyll gerllaw, hi a ddywedodd, Arglwydd, onid oes ofal gennyt am i’m chwaer fy ngadael i fy hun i wasanaethu? dywed wrthi gan hynny am fy helpio. 41A’r Iesu a atebodd ac a ddywedodd wrthi, Martha, Martha, gofalus a thrafferthus wyt ynghylch llawer o bethau: 42Eithr #Salm 27:4un peth sydd angenrheidiol: a Mair a ddewisodd y rhan dda, yr hon ni ddygir oddi arni.
اکنون انتخاب شده:
Luc 10: BWM1955C
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society
