Exodus 12
12
1 Newid dechreuad y flwyddyn. 3 Ordeinio y Pasg. 11 Defod y Pasg. 15 Bara croyw. 29 Marwolaeth y cyntaf‐anedig. 31 Gyrru yr Israeliaid allan o’r tir. 37 Hwythau yn dyfod i Succoth. 43 Ordinhad y Pasg.
1Yr Arglwydd hefyd a lefarodd wrth Moses ac Aaron yn nhir yr Aifft, gan ddywedyd, 2Y mis hwn fydd i chwi yn ddechreuad y misoedd: cyntaf fydd i chwi o fisoedd y flwyddyn.
3Lleferwch wrth holl gynulleidfa Israel, gan ddywedyd, Ar y degfed dydd o’r mis hwn cymerant iddynt bob un oen, yn ôl teulu eu tadau, sef #12:3 Neu, myn.oen dros bob teulu. 4Ond os y teulu fydd ry fychan i’r oen, efe a’i gymydog nesaf i’w dŷ a’i cymer, wrth y rhifedi o ddynion; pob un yn ôl ei fwyta a gyfrifwch at yr oen. 5Bydded yr oen gennych #Lef 22:20, 21; Mal 1:8; Heb 9:14; 1 Pedr 1:19yn berffaith‐gwbl, yn wryw, ac yn llwdn blwydd: o’r defaid, neu o’r geifr, y cymerwch ef. 6A bydded yng nghadw gennych hyd y pedwerydd dydd ar ddeg o’r mis hwn: a #Lef 23:5; Num 9:3; 28:16; Deut 16:1lladded holl dyrfa cynulleidfa Israel ef #12:6 Heb. rhwng y ddau hwyr, Pen 16:6yn y cyfnos. 7A chymerant o’r gwaed, a rhoddant ar y ddau ystlysbost, ac ar gapan drws y tai y bwytânt ef ynddynt. 8A’r cig a fwytânt y nos honno, wedi ei rostio wrth dân, a #1 Cor 5:8bara croyw; gyda dail surion y bwytânt ef. 9Na fwytewch ohono yn amrwd, na chwaith wedi ei ferwi mewn dwfr, eithr wedi ei rostio wrth dân; ei ben gyda’i draed a’i ymysgaroedd. 10#Pen 23:18; 34:25Ac na weddillwch ddim ohono hyd y bore: a’r hyn fydd yng ngweddill ohono erbyn y bore, llosgwch yn tân.
11Ac fel hyn y bwytewch ef; wedi gwregysu eich lwynau, a’ch esgidiau am eich traed, a’ch ffyn yn eich dwylo: a bwytewch ef ar ffrwst; Pasg yr Arglwydd ydyw efe. 12Oherwydd mi a dramwyaf trwy wlad yr Aifft y nos hon, ac a drawaf bob cyntaf‐anedig o fewn tir yr Aifft, yn ddyn ac yn anifail; #Num 33:4a mi a wnaf farn yn erbyn holl #12:12 Neu, dywysogion.dduwiau yr Aifft: myfi yw yr Arglwydd. 13A’r gwaed fydd i chwi yn arwydd ar y tai lle byddoch chwi; a phan welwyf y gwaed, yna yr af heibio i chwi, ac ni bydd pla #12:13 Heb. yn ddinistr.dinistriol arnoch chwi, pan drawyf dir yr Aifft. 14A’r dydd hwn fydd yn goffadwriaeth i chwi; a chwi a’i cedwch ef yn ŵyl i’r Arglwydd trwy eich cenedlaethau: cedwch ef yn ŵyl trwy ddeddf dragwyddol. 15#Pen 13:6; 23:15; 34:18, 25Saith niwrnod y bwytewch fara croyw; y dydd cyntaf y bwriwch surdoes allan o’ch tai: oherwydd pwy bynnag a fwytao fara lefeinllyd o’r dydd cyntaf hyd y seithfed dydd, #Gen 17:14yr enaid hwnnw a dorrir ymaith oddi wrth Israel. 16Ar y dydd cyntaf hefyd y bydd i chwi gymanfa sanctaidd, a chymanfa sanctaidd ar y seithfed dydd: dim gwaith ni wneir ynddynt, onid yr hyn a fwyty pob #12:16 Heb. enaid.dyn, hynny yn unig a ellwch ei wneuthur. 17Cedwch hefyd ŵyl y bara croyw; oherwydd o fewn corff y dydd hwn y dygaf eich lluoedd chwi allan o wlad yr Aifft: am hynny cedwch y dydd hwn yn eich cenedlaethau, trwy ddeddf dragwyddol.
18 #
Lef 23:5; Num 28:16 Yn y mis cyntaf, ar y pedwerydd dydd ar ddeg o’r mis yn yr hwyr, y bwytewch fara croyw, hyd yr unfed dydd ar hugain o’r mis yn yr hwyr. 19Na chaffer surdoes yn eich tai #Deut 16:3saith niwrnod: canys pwy bynnag a fwytao fara lefeinllyd, yr enaid hwnnw a dorrir ymaith o gynulleidfa Israel, yn gystal y dieithr a’r priodor. 20Na fwytewch ddim lefeinllyd: bwytewch fara croyw yn eich holl drigfannau.
21A galwodd Moses am holl henuriaid Israel, ac a ddywedodd wrthynt, Tynnwch a chymerwch i chwi #12:21 Neu, fyn.oen yn ôl eich teuluoedd, a lleddwch y Pasg. 22#Heb 11:28A chymerwch dusw o isop, a throchwch ef yn y gwaed a fyddo yn y cawg, a rhoddwch ar gapan y drws, ac ar y ddau ystlysbost, o’r gwaed a fyddo yn y cawg; ac nac aed neb ohonoch allan o ddrws ei dŷ hyd y bore. 23Oherwydd yr Arglwydd a dramwya i daro’r Eifftiaid: a phan welo efe y gwaed ar gapan y drws, ac ar y ddau ystlysbost, yna yr Arglwydd a â heibio i’r drws, ac #Esec 9:6; Dat 7:3; 9:4ni ad i’r dinistrydd ddyfod i mewn i’ch tai chwi i ddinistrio. 24A chwi a gedwch y peth hyn yn ddeddf i ti, ac i’th feibion yn dragywydd. 25A phan ddeloch i’r wlad a rydd yr Arglwydd i chwi, megis yr addawodd, yna cedwch y gwasanaeth hwn. 26#Jos 4:6A bydd, pan ddywedo eich meibion wrthych, Pa wasanaeth yw hwn gennych? 27Yna y dywedwch, Aberth Pasg yr Arglwydd ydyw, yr hwn a aeth heibio i dai meibion Israel yn yr Aifft, pan drawodd efe yr Eifftiaid, ac yr achubodd ein tai ni. Yna #Pen 4:31yr ymgrymodd y bobl, ac yr addolasant. 28A meibion Israel a aethant ymaith, ac a wnaethant megis y gorchmynasai yr Arglwydd wrth Moses ac Aaron; felly y gwnaethant.
29Ac #Pen 11:4ar hanner nos y trawodd #Num 8:17; 33:4; Salm 78:51; 105:36; 135:8; 136:10yr Arglwydd bob cyntaf‐anedig yng ngwlad yr Aifft, #Pen 4:23o gyntaf‐anedig Pharo yr hwn a eisteddai ar ei frenhinfainc, hyd gyntaf‐anedig y gaethes oedd yn y #12:29 Heb. tŷ y pydew.carchardy; a phob cyntaf‐anedig i anifail. 30A Pharo a gyfododd liw nos, efe a’i holl weision, a’r holl Eifftiaid; ac yr oedd gweiddi mawr yn yr Aifft: oblegid nid oedd dŷ a’r nad ydoedd un marw ynddo.
31Ac #Salm 105:38efe a alwodd ar Moses ac Aaron liw nos, ac a ddywedodd, Codwch, ewch allan o fysg fy mhobl, #Pen 10:9chwi a meibion Israel hefyd; ac ewch, a gwasanaethwch yr Arglwydd, fel y dywedasoch. 32#Pen 10:26Cymerwch eich defaid, a’ch gwartheg hefyd, fel y dywedasoch, ac ewch ymaith, a bendithiwch finnau. 33A’r Eifftiaid a fuant daerion ar y bobl, gan eu gyrru ar ffrwst allan o’r wlad; oblegid dywedasant, Dynion meirw ydym ni oll. 34A’r bobl a gymerodd eu toes cyn ei lefeinio, a’u #12:34 cafnau tylino.toes oedd wedi ei rwymo yn eu dillad ar eu hysgwyddau. 35A meibion Israel a wnaethant yn ôl gair Moses; ac #Pen 3:22; 11:2a fenthyciasant gan yr Eifftiaid dlysau arian, a #12:35 dodrefn.thlysau aur, a gwisgoedd. 36A’r Arglwydd a roddasai i’r bobl hawddgarwch yng ngolwg yr Eifftiaid, fel yr echwynasant iddynt: a #Gen 15:14; Pen 3:22; Salm 105:37hwy a ysbeiliasant yr Eifftiaid.
37A #Num 33:3, 5meibion Israel a aethant o #Gen 47:11Rameses i Succoth, ynghylch #Pen 38:26; Num 1:46; 11:21chwe chan mil o wŷr traed, heblaw plant. 38A phobl gymysg lawer a aethant i fyny hefyd gyda hwynt; defaid hefyd a gwartheg, sef da lawer iawn. 39A hwy a bobasant y toes a ddygasant allan o’r Aifft yn deisennau croyw; oherwydd yr oedd heb ei lefeinio: canys #Pen 6:1; 11:1gwthiasid hwynt o’r Aifft, ac ni allasant aros, ac ni pharatoesent iddynt eu hun luniaeth.
40A phreswyliad meibion Israel, tra y trigasant yn yr Aifft, oedd #Gen 15:13; Act 7:6; Gal 3:17ddeng mlynedd ar hugain a phedwar can mlynedd. 41Ac ymhen y deng mlynedd ar hugain a phedwar can mlynedd, ie, o fewn corff y dydd hwnnw, yr aeth holl luoedd yr Arglwydd allan o wlad yr Aifft. 42#Edrych Deut 16:6Nos yw hon i’w chadw i’r Arglwydd, ar yr hon y dygwyd hwynt allan o wlad yr Aifft: #12:42 Heb. nos cadwraeth.nos yr Arglwydd yw hon, i holl feibion Israel i’w chadw trwy eu hoesoedd.
43Yr Arglwydd hefyd a ddywedodd wrth Moses ac Aaron, Dyma ddeddf y Pasg: na fwytaed neb dieithr ohono. 44Ond pob gwasanaethwr wedi ei brynu am arian, gwedi yr enwaedych ef, a fwyty ohono. 45Yr alltud, a’r gwas cyflog, ni chaiff fwyta ohono. 46Mewn un tŷ y bwyteir ef: na ddwg ddim o’r cig allan o’r tŷ; ac #Num 9:12; Ioan 19:36na thorrwch asgwrn ohono. 47Holl gynulleidfa Israel a wnânt hynny. 48A #Num 9:14phan arhoso dieithr gyda thi, ac ewyllysio cadw Pasg i’r Arglwydd, enwaeder ei holl wrywiaid ef, ac yna nesaed i wneuthur hynny; a bydded fel yr hwn a aned yn y wlad: ond na fwytaed neb dienwaededig ohono. 49Yr un gyfraith fydd i’r priodor, ac i’r dieithr a arhoso yn eich mysg. 50Yna holl feibion Israel a wnaethant fel y gorchmynasai yr Arglwydd wrth Moses ac Aaron; felly y gwnaethant. 51Ac o fewn corff y dydd hwnnw y dug yr Arglwydd feibion Israel o wlad yr Aifft, #Pen 6:26yn ôl eu lluoedd.
اکنون انتخاب شده:
Exodus 12: BWM1955C
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society