Lawa a wúlu-bɔlen 20
20
Zɛnaa ǹ siin laanka dɔlɔ
1Dɛnaa Lawa boo da ka Muizu ni á pɛ nɛ: 2N die n pɛ Izirayeli minin lɛn manɛ: min woo min, á n Izirayeli min lɛa, hinlaa á n gùli lɛa Izirayeli gána nɛ, bɛ kɔn baran a nɛ kɔ, mà ǹ wúlu bɔ nɛ, dì Molɛki kɛ ganaa wa. Bɛ̀ min mɛn bɛ zɛnaa, gána lɛ a minin nə kɔlɔ kaã bɔ a ganaa, ǹ dɛ a gã. 3Masɛ dinmaa n die n bɔyɛɛ, man yɔrɔ da bɛa dɛnaa kɛ lɛ la, ma bɔ ma bɔ Izirayeli tɔrɔn bii. A giala, a ná a nɛ kɔ Molɛki la. Bɛ̀ min mɛn dɔ́ bɛ zɛnaa, ǹ dɛnaa na á maa kion sonbore kɛ gɔgɔrɛ kɔ, á ma tɔ sonbore kɛ ziziɛ̃. 4Bɛ̀ gána lɛ a minin nə́ bɛ miã siin lɛn yɛ, ǹ nə́ n yii tã a ganaa, ǹ nə́ ǹ ba li ǹ nə ǹ dɛnaa dɛ wa, 5masɛ dinmaa á die n bɔyɛɛ man yɔrɔ da bɛa dɛnaa laanka a tanlɛ minin la, min mɛn tumaa bɛ́ re Molɛki lɛ guguru koe kun ni, ma ǹ waa, ma ǹ bɔ Izirayeli tɔrɔ bii.
6Bɛ̀ min mɛn woo gere nyín bíi boon kion, a n goon ka ǹ dɛnaa na á dì wúlu bɔ. Bɛ̀ min mɛn bɛ zɛnaa, masɛ á die n bɔyɛɛ man yɔrɔ da bɛ la, ma bɔ ma bɔ maa tɔrɔ minin bii.
7Ka ka dinin kũ Lawa wɔn lɛa, ka goã *yoreene. A giala, masɛ din Dɛnaa Lawa n kaa Lawa lɛa.
8Ka masɛ a landa boon kɛn tamaa, ǹ bɛ́ màn mɛn pii, ka bɛ zɛnaa. Ma din Dɛnaa Lawa n má ka bɔ, má ka baa ma din wɔn lɛa. 9#BBN 21.17; MAT 15.4; MAR 7.10. Bɛ lɛ nɛ, bɛ̀ min mɛn sɔ kɔ ǹ di hinlaa ǹ dan ganaa, ka ǹ dɛnaa dɛ a gã. Ǹ dɛnaa a gɛ̀ lɛ a dɔlɔ na a din mìi ni, a giala, a na á sɔ kɔ ǹ di laanka ǹ dan ganaa.
10 #
BBN 20.14; LWS 18.20; TDP 5.18. Bɛ̀ giĩ mɛn naarɛbaa zɛnaa kun ka ǹ miã kɔsɔ a lɔ nɛ, giĩ mɛn naarɛbaa lɛ zɛnaa, a zɛnaa kun ka lɔ mɛn dɔ nɛ, ka ǹ paanan dɛ ǹ gã.
11 #
LWS 18.8; 27.20. Bɛ̀ giĩ mɛn giã kun ka ǹ di a lɔ nɛ, a n goon ka a na á sìi da ǹ di ganaa. A din laanka lɔ lɛ nɛ, ka ǹ paanan dɛ ǹ gã. Ǹ gɛ̀ lɛ a dɔlɔ nə ǹ dinin mìi ni.
12 #
LWS 18.15. Bɛ̀ giĩ mɛn giã kun ka ǹ manaa nɛ, a din laanka ǹ manaa lɛ nɛ, ǹ nə ǹ paanan dɛ ǹ gã. A giala, maǹ nə́ sii gɛsɛ zɛnaa. Ǹ gɛ̀ lɛ a dɔlɔ nə ǹ dinin mìi ni.
13 #
LWS 18.22. Bɛ̀ giĩ mɛn giã kun ka ǹ miã giĩ ni, ka ǹ bɛ́ giɛ̃ kun ka lɔ-n lɔn, sii bɔbɔnɛɛ nɛ, ǹ dinin paanan nə́ zɛnaa. Ǹ nə ǹ dɛ ǹ gã. Ǹ gɛ̀ lɛ a dɔlɔ nə ǹ dinin mìi ni.
14 #
LWS 18.17; TDP 27.23. Bɛ̀ giĩ lɔ saa, á wusoo á ǹ daãlɛ dɔ saa a lɔ lɛa, kɔrɔbaa nɛ. Ǹ bɛa giĩ lɛ laanka lɔ min paa lɛ kaa tɛ-n. Bɛ̀ ka zɛnaa miɛ̃, bɛa kɔrɔbaa kɛ miã ba n zɛnɛɛ ka bii doo wa.
15 #
BBN 22.19; LWS 18.23; TDP 27.21. Bɛ̀ giĩ mɛn giã kun ka tɔɔ nɛ, ǹ giĩ lɛ dɛ a gã, ǹ tɔɔ lɛ dɔ dɛ.
16Bɛ̀ lɔ mɛn nə́ n mɔrɔ tɔɔ ganaa á giã kun ni, ǹ lɔ lɛ laanka tɔɔ lɛ dɛ. Ǹ nə ǹ dɛ, ǹ gɛ̀ lɛ a dɔlɔ nə ǹ dinin mìi ni.
17 #
LWS 18.9; TDP 27.22. Bɛ̀ giĩ nə́ ǹ miãnɛn saa lɔ lɛa, ta ǹ dinɛ nɛ, ta ǹ dannɛ nɛ, bɛ̀ ǹ nə́ kɔn dɔ̃, sìi gole ne. Ǹ na a dɔlɔ bɔ ǹ ganaa, ǹ tɔrɔ minin lɛn tumaa yii ni. Giĩ lɛ bɛ́ na á giã kun ka ǹ miãnɛn nɛ, a din tá re n toɛ̃ ka a sii baraa a guĩ ni.
18 #
LWS 18.19. Bɛ̀ giĩ mɛn giã kun ka lɔ nɛ, lɔ lɛ a mui dɔ ná a ganaa, bɛ̀ lɔ lɛ dɔ́ lɛ kɔ á n din kɔ la, giĩ lɛ ná a lɛawaa yɛ a ganaa, ǹ nə ǹ dinin paanan dɛ, ǹ bɔ Izirayeli tɔrɔn bii.
19 #
LWS 18.12-14. Giĩ kɔn baran toa a giã kun ka ǹ dan nə ǹ dɔɔ̃nlɔ-n wa, hinlaa ka ǹ dɛlan nɛ wa. A giala, bɛ̀ giĩ mɛn bɛ zɛnaa, ǹ dɛnaa na á giã kun ka a din tɔrɔ nɛ. A din laanka lɔ lɛ nɛ, ǹ dinin paanan tá re n toɛ̃ ka ǹ sii baraa a guĩ ni.
20Bɛ̀ min mɛn giã kun ka ǹ di n dɔɔ̃n a lɔ nɛ, a n goon ka ǹ dɛnaa na á ǹ di n dɔɔ̃n lɛ tontoro da. A din laanka lɔ lɛ nɛ, ǹ dinin paanan tá re n toɛ̃ ka ǹ sii baraa a guĩ ni. Ǹ tá re giɛ̃, nɛ wɛɛ nɛ.
21 #
LWS 18.16. Bɛ̀ giĩ mɛn nə́ ǹ dɔɔ̃n a lɔ saa a wɔ lɛa, sii gɔgɔrɛ na á zɛnaa. A n goon ka ǹ dɛnaa na á ǹ dɔɔ̃n lɛ tontoro da. Ǹ tá re giɛ̃, nɛ wɛɛ nɛ.
22Ka maa landa boon kɛn tumaa laanka maa sii yɔrɔ bɔ ǹ boon kɛn tumaa tamaa. Ǹ bɛ́ màn mɛn pii, ka bɛ zɛnaa. Bɛ̀ ka zɛnaa miɛ̃, ma bɛ́ woe giã ǹ bǎã koe ka la gána mɛn nɛ, bɛa gána lɛ a die n boe ka li wa. 23Ma bɛ́ re tɔrɔn mɛnɛn lui ma ǹ bɔ ka nyɛɛnɛ, ka nyan toa ka n saa bɛn landa siin kɛn li wa. A giala, bɛa siin kɛn lɛn tumaa a zɛnaa na á toa, ǹ tìĩ bɔ ma nyin ni. 24Bɛ lɛ na á toa má tɔ́n pɛ kɛnɛn:
Ǹ tán lɛ n die ka dinin wɔ biɛ,
ma din nə die ǹ tán lɛ koe ka la,
gána kɛ lɛ tɔɔ too laanka tán-kɔsiɛ n bǐɛ̃ koe a nɛ.
Ma din Dɛnaa Lawa n kaa Lawa lɛa,
má ka na,
má ka bɔ kɔn ka tɔrɔ kɔsɔn nɛ.
25Siĩ gòã siinaan laanka bàanan nɛ, ǹ mɛn bɛ́ yoreene, ǹ mɛn bɛ́ gɔgɔrɛ, ka bɛ dɔ a bɔkɔnlɛ wɔ. Siĩ gòã siinaan nɛ, bàanan nɛ, ka màn baaran mɛn tumaa bɛ́ tɔ we a nɔ̀ la, ma bɛn mɛnɛn na má ǹ kaa ǹ gɔrɔn màn gɔgɔrɛn lɛa, ka baran n dinin zaãbaa ka bɛn nɛ wa.
26Ka goã ma din wɔn lɛa yoreene. A giala, Dɛnaa Lawa dinmaa n yoreene. Ma din ni má ka na má ka bɔ kɔn ka tɔrɔ kɔsɔn nɛ, màn mɛn bɛ́ toɛ, ka maa wɔn baa.
27Bɛ̀ giĩ hinlaa lɔ tá boobaa ǹ dí nyɛɛ minin manɛ, ka kɔlɔ kaã bɔ ǹ ganaa, ka ǹ dɛ ǹ gã. Ǹ gɛ̀ lɛ a dɔlɔ nə ǹ dinin mìi ni.
اکنون انتخاب شده:
Lawa a wúlu-bɔlen 20: SCE2013
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Catholic Edition Bible © Bible Society of Burkina Faso, 2013.