Lawa a wúlu-bɔlen 12
12
Nɛ ǹ dan burun a gɔ̀ bɔma-a
1Dɛnaa Lawa boo da ka Muizu ni á pɛ nɛ: 2A pɛ Izirayeli minin lɛn manɛ: Bɛ̀ lɔ nɛginin yɛ, a n goɛ̃ gɔ̀dɛnaa lɛa lɛawaa sɔbaa gɔ́ɔ̃ nɛ, ka a bɛ́ a lɛa lɔn a lɔn lɛawaa biikoo li. 3#SGK 17.12; LUK 2.21. Lɛawaa kiwisibaa ǹ wɔ pinaa, ǹ nɛ lɛ kuru. 4Bɛ kio, a n yii da lɛawaa pɔsɔɔwensɔɔ gɔ́ɔ̃ nɛ, ǹ tɔn nɛ yɛ ǹ *gɔ̀ bɔ a ganaa. A ba n gɔn diɛ màn yoreen kɔn ganaa wa, a die Lawa a kion sonbore kɛ dɔ-n wa, yǎa a nɛ yɛ ǹ gɔ̀ bɔma-a ǹ lɛawaan lɛn lɛ piɛ̃. 5Bɛ̀ a na á nɛlɔ yɛ, a n goɛ̃ gɔ̀dɛnaa lɛa piizii paa gɔ́ɔ̃ nɛ, ka a bɛ́ a lɛa lɔn a lɔn lɛawaa biikoo li. Bɛ kio, a n yii da lɛawaa pɔsɔrɔwensɔrɔ gɔ́ɔ̃ nɛ, ǹ tɔn nɛ yɛ ǹ gɔ̀ bɔ a ganaa. 6Bɛ̀ a gɔ̀ bɔma-a ǹ lɛawaan lɛn lɛ pã, tà nɛginin hinlaa nɛlɔ na á yɛ, a da lɛ̀ goon sère nɛ kɔ Lawa a wúlu-bɔle la, *wúlu màn tiɛ̃ lɛa, ka zɛrɛkantoan hinlaa wuruun ni, a bɛ baa sii baraa sawaa ǹ wúlu màn lɛa, kɔn yɛ ka Lawa nɛ ǹ kion kɛ a kiɛnlɛ-a. 7Wúlu-bɔle lɛ bɛa mànan lɛn nyaa Lawa nɛ ǹ sii zɛnaa kɔn yɛ ka Lawa nɛ ǹ kion kɛ yɔrɔ-a. Bɛ̀ wúlu-bɔle lɛ gɔ̀ bɔma-a ǹ landa zɛnaa a lɛa, a nɛ yɛ ǹ gɔ̀ á die n boe a ganaa. Bɛ̀ lɔ nɛginin hinlaa nɛlɔ yɛ, landa mɛn bɛ́ a tan a wɔ paǹ li, a din lɛ n ka bɛ nɛ.
8 #
LUK 2.24. Bɛ̀ wɔrɔ ba lɔ lɛ gɔn á n doe sère nɛ ganaa wa, a wuruun màn paa hinlaa zɛrɛkantoan màn paa kũ, a goon baa wúlu màn tiɛ̃ lɛa, a goon baa sii baraa sawaa ǹ wúlu màn lɛa. Bɛ̀ wúlu-bɔle lɛ gɔ̀ bɔma-a ǹ landa zɛnaa a lɛa, a gɔ̀ na á n bɔ a ganaa.
اکنون انتخاب شده:
Lawa a wúlu-bɔlen 12: SCE2013
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Catholic Edition Bible © Bible Society of Burkina Faso, 2013.