G%E9nesis 33
33
Uchomarsaxik kib' ma Jacob ru' ma Esaú
1I ma Jacob are xril panoq chi ktijin uk'unik ma Esaú, je rachi'ilam li jumo' (400) achiyab'; are uri ma Jacob le juntir xeujach b'i ak'alab' chke kichuch chi ati Lea, ati Raquel xaq chke i keb' ajke'elab'. 2I keb' ajke'elab' le xeunab'saj b'ik junam ku' i kak'al, te'uri xuterejsaj b'i ati Lea junam ku' i rak'al pa k'isb'al re xuterejsaj b'i ati Raquel junam ru' a José. 3I ma Jacob le xnab'ej b'i chkiwach, wuqmul xuki'ik, xuqajsaj upalaj k'a chwach ulew tz'aqat xkik'ulaj kib' ru' i ratz chi ma Esaú. 4Are uri ma Esaú le pa'anem xpe la chuk'ulaxik ucha', chi ma Jacob, xuk'aq u'ab' chuqul, xutz'ulej xaq xutz'ub'aj; are uri chekeb' xe'o'ik. 5Te'uri ma Esaú xaqte'et xeril pan ixoqib' xaq i ak'alab', are uri xutz'onoj che ucha' chi ma Jacob:
—¿Je pachin taq ike le chi je awachi'ilam loq?
I ma Jacob xub'ij che:
—Je are wak'al ile chi je uya'om i Dios chwe —xcha.
6I ajke'elab' junam ku' i kak'al xetejeb' panoq, xexuki'ik xkiqajsaj kipalaj k'a chwach ulew chwach ma Esaú. 7Xaq keje xu'an ati Lea junam ku' i rak'al, pa k'isb'al re xaq xxuki a José junam ru' uchuch chi ati Raquel. 8I ma Esaú xutz'onoj che ma Jacob: —¿Wach usuk' i jalajuj taq chikop le chi xeink'ulaj? I ma Jacob xub'ij che:
—Je innab'sam loq man kwaj yin kawil tob'al inwach, nim laj winaq —xcha.
9I ma Esaú xub'ij che:
—Incha', keink'am taj man lik je k'i inchikop yin je olik; che'ol ni awu' man i chikop le lik je awe yet —xcha.
10I ma Jacob xub'ij:
—We lik xawil tob'al inwach chak'ama uri i siponi chi kinsujuj chawe, man lik utz ink'ulaxik xa'ano; man i rilik awach yet ke'eloq pacha taq rilik uwach i Dios. 11Chak'ama i sipon chi ink'amom li chawe; man i Dios uya'om utzil chomal pinwi, rumali ronojel is o wu' —xcha.
I ma Jacob lik xu'an pen che, rumali ma Esaú xuk'am i sipon le. 12Te'uri xub'ij ma Esaú che ucha' chi ma Jacob:
—Jo', yin kinnab'ej b'i chawach —xcha. 13I ma Jacob xub'ij che i ratz:
—Watz, chi lik k'ax katinna'o, yet aweta'am chi ak'alab' kkich'ij ti b'e, xaq rajwaxik kewil i jalajuj taq inchikop chi o kak'al ch'utiq; man we kewoqtaj che i b'e, xa ru' jun ij keinkamsaj konojel. 14Rumali, utz we katnab'ej b'i yet chinwach, man yin kok'ilal kin-ek pacha i b'e kki'an i chikop chinwach, xaq pacha i b'e kki'an i ak'alab', k'a katinmaja ni chila pa Seir —xcha.
15I ma Esaú xub'ij: —Utzi', xwiri keinya kan keb' oxib' achiyab' awu' man katkachi'ilaj b'ik —xcha.
I ma Jacob xub'ij:
—Nti uchak, nim laj winaq, man inriqom chik rutzil ak'ux —xcha.
16Lik che i ij le xtzalij b'i ma Esaú pa Seir. 17Xwiri ma Jacob x-e pa Sucot; chila xu'an wi jun rachoch, xaq xu'an kimujb'al i jalajuj taq uchikop; rumali i k'ijib'al le xuya pub'i Sucot.
18I ma Jacob lik utz uwach are xupon chik chila pa tinimit Siquem, I Siquem le o chila chupam ulew Canaán, chila xjeqi wi chwach i tinimit Siquem, are xpe chila che i tinimit Padan-aram. 19Te'uri ru' jo'winaq (100) saqpwaq, xulo' jub'i' rulew chke i rak'al ma Hamor chi uqajaw ma Siquem, chila xu'an wi jun rachoch, 20xaq xuyijb'a jun sujb'al sipon chila, chi xuya pub'i El-Elohe-Israel.
اکنون انتخاب شده:
G%E9nesis 33: ACHICUB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Biblia Achí de Cubulco, Derechos reservados de Sociedad Bíblica de Guatemala