1 Corintios 6
6
Ch'oj chkiwach i aj-atol tzij chi kekojon ti che i Dios
1We o jun chiwe yix ku'an umak che jun qachalal, chiyijb'a chiwach yix. Utz taj we ke'e chwach i atb'al tzij chi re uwach i jyub' ta'aj. O uchak kitz'onoj u'atik tzij chiwach yix chi ix re i Dios. 2¿Iweta'am ti b'awa yix, chi ni'pa i je re i Dios, k-on panoq kki'at ni tzij pkiwi konojel i to' je re uwach i jyub' ta'aj? B'ay, we yix ki'at ni tzij puwi ronojel i jyub' ta'aj, ¿Xatab'a kixtiki ti chu'atik tzij che i ral taq ch'oj chixol yix? 3¿Iweta'am ti b'awa yix chi xaq kuriq ni ij chi yoj koj-ataw tzij pkiwi i ángel? ¿Xatab'a kojtiki ti uri chu'atik tzij chqe yoj waral chwach i jyub' ta'aj? Qatzij lik kojtiki'ik. 4We yix o ich'oj ij ij xa re waral chwach i jyub' ta'aj, ¿B'uchak uri kitz'onoj u'atik tzij piwi chke i winaq chi nti ke chiwe yix man ix re i Dios? 5Kinb'ij ile chiwe yab'al ik'ix, xaq suk'b'al iwe. ¿Xatab'a nti jun chiwe yix lik o uno'oj chi kuriq u'atik tzij chke i qachalal chwach i Cristo chi rajwaxik chke? 6O jujun qachalal chwach i Cristo kki'an ch'oj chkiwach Kmajaw nawi uri we jun qachalal keub'ija tzij chrij jun rachi'il? Kmajaw taj. Lik k'ixb'al ile we keub'ija chwach jun atb'al tzij chi re ti i Jesucristo.
7We o ch'oj chixol yix, alaj uri chi ya xixjech'ab'ik. Are i kmajawik chich'ija we o jun ku'an umak chiwe. Xaq kmajawik chiya che we kumaj ub'itaq iwe; mas utz ile chwach i kix-e taq yix pa atb'al tzij. 8Xwiri yix xa xsachnaq u'ankil. Lik are ki'an i suk'ul taj; lik are ne yix kimaj ub'itaq ke i jub'an, xaq kimaj i ke iwachalal chwach i Cristo.
9-10¿Iweta'am ti b'awa yix chi ni'pa i je aj-anol utz taj, nti ke che i ajawinik re i Dios? Mixt'ortajik, ni'pa i xa kkich'ak kimer chwach i kich'akul, xaq ni'pa i kekojow ki'ij i tiox chi xaril je antalik, xaq ni'pa i kkimin kib' ru' jun chik chi je k'ulinaq ti ru', xaq ni'pa i achiyab' chi kki'an puk'exel jun ixoq, ni'pa i ke'anaw taq ile, nti ke che i ajawinik re i Dios. Xaq keje ni'pa i je ali'omab', xaq ni'pa i to' kkaj kk'iyar kib'eyomal, xaq ni'pa i ke'ab'arik, xaq ni'pa i je ajtzukul tzij, xaq ni'pa i kkesaj ub'itaq re jun chik; je ni'pa i ke'anaw ile, nti ke che i ajawinik re i Dios. 11O jujun chiwe yix keje xki'an ile ujer, xwiri wo'or ix ch'ajtal chik pik'ux pub'i i Ajwal, ix jachtal chik che i uchak i Dios; wo'or i Dios u'anom chiwe ix utz chik chwach i Ajwal Jesús, xaq rumal ronojel wach u'anom i Utewal i Dios chiwe.
I elik chisaq re ti kojmakunik
12Moq kib'ij iri: “Yin is yatal chik chwe pachike kwaj kin-ano.” Qatzij i kib'ij le, Xwiri ronojel taj utz ki'ano. Qatzij, is utz pachike kiwaj ki'ano, xwiri miya che i utz taj we kurajawij irayijb'al. 13Xaq kb'ixik: “I qawa kunojsaj i qapam, xaq i qapam xa yab'al re i qawa”. Qatzij ile, xwiri k-on panoq i keb' b'iroxik le ksachsax ni uwach rumal i Dios. Xwiri i qach'akul are ti uchak ile chi to' kqa'an i ch'am taj ru' chi xa ch'akb'al taq qamer chwach. Are uchak i qach'akul are ku'anb'ej uchak i Ajwal; i are uchak i Ajwal kuto ni qach'akul. 14Pacha xu'an i Dios che i Ajwal, xuwalijsaj che i kamik, xaq keje ku'an ile chqe yoj, kojuwalijsaj ni ru' ucho'ab'.
15¿Iweta'am ti b'awa yix, chi i qach'akul ukwenta i uch'akul i Cristo? ¿Utz nawi uri we inch'akul le, chi ukwenta uch'akul i Cristo? We xa re kinch'akb'ej inmer chwach chu'anik i utz taj? Lik utz ti uri. 16¿Iweta'am ti b'awa yix, jun achi, we xeumina rib' ru' jun ixoq chi chwach uch'akul kuch'ak wi umer, ke'el uri chi i kich'akul lik xa jun ch'akulaj? Qeta'am ile man chupam uwuj i Dios tz'ib'tal iri: “Chekeb' keu'on xa jun ch'akulaj.” 17Xaq keje ile, we jun uya'om uk'ux che i Ajwal, xaq we i Ajwal o puk'ux ire, xaq ke'eloq xa je jun ch'akulaj.
18Mi'an i ch'am taj ru' ich'akul; ch'akb'al taq imer chwach, chijek'a iwib' che ile. I jub'an chik makunik chi ki'ano, nti re ich'akul che. Xwiri we xixmakun ru' ich'akul, ke'eloq chi lik ch'am ti chik ich'akul le. 19¿Iweta'am ti b'awa yix, chi ich'akul are i rachoch i Lo'laj Utewal i Dios? I Dios lik uya'om i Lo'laj Utewal chiwe, re kk'iji pik'ux. Yix iwajaw ti chik iwib'; lik ix re chik i Dios, 20man i Dios ix ulo'om chik, utojom chik iwajil, rumal Ire xixtotajik, rumali lik chikojo u'ij Ire ru' ich'akul, ru' iwanima, man lik ix re i Dios.
اکنون انتخاب شده:
1 Corintios 6: ACHICUB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Biblia Achí de Cubulco, Derechos reservados de Sociedad Bíblica de Guatemala