San Marcos 16
16
1Kaj mʌn u k'ini ku je'sik u bʌjo' a judíos, María Magdalena, ket yete María u nʌ' a Jacobo y Salomé, tu mʌno' a ts'urusta' a ne ki' u bok ti' u cho'iko' tu bʌk'e a Jesús. 2U k'ini u yʌjchuni semana#16.2 U k'ini u yʌjchuni semana: La' domingo., jach ne ja'ts'ka' tʌn u yʌj tichitʌ a k'ak' a k'in bino' tu mukra a Jesús. 3Ka tʌn u bino' chu'mpʌjo' u yei'ko' yete u bojo':
―¿Mok ku bin u bʌk'ʌstik ti' to' a tunich a ti' yʌn tu jor a tu muka' a Jesús?
4Chen kaj k'ucho' y ka' tu chʌ'to', tu yiro' ya k'uya' a tunich, y a lay a tunich jach ne nuk. 5Kaj oko' tu but'a u bake Jesús, tu yiro' junturi' xi'ra chijʌntʌ kurukba tu xax a lay a mukra winik y ne sʌk u nok' u tʌkmʌ y chukuch, a kato' ch'upra jak'i u yoro'. 6Chen a xi'ra chijʌntʌ tu ya'tio':
―Mu' jak'a a wore'x, a teche'x tʌn a kʌxtike'x a Jesús a ti' u tar tu kʌjta Nazaret, a mok bʌja' yok'o cruz. A ti' ka lik' tu kuxta, ya mo' tiʌ way, chʌ'te'x a wire tu ta t'ʌkunte'x u bʌk'e. 7Beje' xene'x, a'e'x ti' u kʌ'sa winiko', ket a wei'ke'x ti a Pedro: A Jesús ku bin tu lu'mi Galilea, lʌji' ku bin yʌn pʌti k'uchu, tita ka bin a wire'x a bex tu toj ao' te'x.
8Lʌji' kaj jok'o a ka'to' ch'upra yok'o u mukra winik p'is putsukao', tu ne jak'o u yoro' hasta tʌn u pek u bʌk'eo', y mix mok tu ya'tio' a ba' tu yiro' tu ne jak'o' u yoro'.
Jesús ku ye'sik u bʌj ti' a María Magdalena
(Jn. 20.11-18)
9Kaj lik' tu kuxta Jesús, u k'ini u yʌj chuni a semana jach ne ja'ts'ka', A Jesús lʌji' tu yʌj e'subʌj ti' a María Magdalena a mok lʌji' akʌ' ti ka'chik toj siete kisin. 10A María bini y tu ya'tio' a mok u yet mʌn uch a Jesús, a lʌjio' tʌn u ne tuko' y ok'ukao' 11Chen ka tu yuo' u yei'k a María ka' lik' tu kuxta Jesús y lʌji' tu yira, mo' tu ch'ao' u t'ʌn a María.
Jesús ku ye'sik u bʌj ti' ka'to' u kʌ'sa winik
(Mt. 24.13-35)
12Pachi Jesús tu ye'sa u bʌj ti' ka'to' u kʌ'sa winik a tʌn u bino' tu cho meje kʌjta. 13Y tio' bino' y bexi' tu ya'tio' a yʌno' u bojo', chen bexi' mo' tu ch'ao' u t'ʌno'.
Jesús ku ts'ek u meaj ti' u apóstoles
(Mt. 28.16-20; Mt. 24.36-49; Jn. 20.19-23)
14Pachi, Jesús tu ye'sa u bʌj ti a once u kʌ'sa winiko' tu kurukbʌjo' yok'o u pojche', chen tu k'eyo' tu ne chich u pixʌno' y tu mo' tu ch'ao' u t'ʌno' a mok tu yʌj ao' pʌti tio' a mok tu yʌj ira' a Jesús. 15Pachi tu ya'tio': «Xene'x yok'o tu woro u kʌjta a lu'm y tsikbʌte'x u jach tsoyi u t'ʌn K'uj ti' tu woro a winik. 16A mok a ku yaksik tu yor y ku but'a ja' ti', jeu taka' ten K'uj, chen a mok muj yaksik tu yor a lay binukaj ts'abati' u bo'tik u si'pi. 17A je' ku bij e'sa' ba' ti' a mok ku yaksik tu yor ti' ten: Yok'o in k'aba' ku bin u jaro' kisin a mok akʌ' ti', ku bin t'ʌno' tumen t'ʌn, 18yete u k'ʌo' ku bin u chuko' a kʌn y wa ku yuk'iko' yʌk ba' mʌnʌ' u kimo', bexi' binukao' u tʌro' a mok mo' utso' y layo' jeu ch'eno'.»
Jesús ku nʌ'kʌ ix kʌ'
(Lc. 24.50-53)
19Y ak Ts'uri Jesús, kaj ts'o'k u tsikba yete u kʌ'sa winiko', K'uj tu nʌ'sa ix kʌ' y tij kuraj tu xax. 20Y tio' jok'o' u tsikbʌto' u t'ʌn K'uj ch'ik tu woro kʌjta, y K'uj tu yʌnto' y bexi' tio' yete tio' tuk'in ne ya'p ba' ne tsoy ku metko' yete u ye'sa' ba' yete u muk' K'uj. Amén.
اکنون انتخاب شده:
San Marcos 16: PLacNaha
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Sociedad Biblica de México AC
