San Lucas 3
3
II. KU TOJ LAJ METKO' A BA' KU BIN U METIK A JESÚS
(3.1—4.13)
Juan a ku but'ik ja' a winiko' ku tsikbʌtik u t'ʌn a K'uj yok'o u lu'mi tu mʌnʌ' nukuch che' woro tikin lu'm yʌn
(Mt. 3.1-12; Mr. 1.1-8; Jn. 1.19-28)
1U k'ini yʌn quince yaxk'in lʌji' u t'oji wes u lu'mi Roma a Tiberio César, a Poncio Pilato tʌn u wesintik u lu'mi Judea. Y a Herodes tʌn u wesintik u lu'mi Galilea, y Felipe a lʌji' u xi'ra u bojo' tʌn u wesintik u lu'mi Iturea yete u lu'mi Traconite y a Lisanias ku wesintik u lu'mi Abilene. 2Anás yete a Caifás lʌji' u jach t'ojio' a mok ku meaj yok'o u yatoch K'uj, y K'uj tu t'ʌna a Juan u ti'a Zacarías yok'o u lu'mi tu mʌnʌ' nukuch che' woro tikin lu'm yʌn. 3Ij bini a Juan ch'ik tu woro u lu'mi xok'o yok'o u uk'un a Jordán y tʌn u tsikbʌtik ti'a winiko' wa ku sutik u t'ʌno' ti' K'uj y wa ku but'a ja' tio', je' u sa'sa' u k'ebo' ten K'uj, 4bex ts'ibʌ' toj u ju'ni a profeta Isaías, ku yei'k:
«Ti' yʌn mok tʌn u k'ʌ'm abot yok'o u lu'mi tu mʌnʌ' nukuch che' woro tikin lu'm yʌn, bex ku yei'k:
“Ki mete'x u ber ak Ts'uri;
ki tajkote'x u beri tuku bij k'uchu.
5Ku bin tursa' tu woro a lu'm tu k'o'mo' a xok'o yok'o wits y ku laj bij ketkinchʌ a wits,
a bej a mo' taj biu ka laj tajkinta'
y a bej k'o'pi'k'o'p biu ka laj tursa'.
6Y tu woro a winik ku bu yiro' u taka' ten K'uj.”»
7Y a Juan tʌn u yei'k ti' a pim a winik a mok ku tar ti', ti' u but'ko' ja' tu joo': «¡A teche'x mo' pajtie'x bex a kʌno'! ¿Mok tu ya'a ja' puts'e'x ti' a ku bin tar u ts'iki K'uj? 8Mete'x tsoy ba' ti' u yira' taj jach k'axe'x a tuku ti' K'uj y ma' wei'ke'x yete a boje'x; “a Abraham lʌji' ak nuke'x, ki wei'k teche'x, o K'uj u k'at toj jeu' waysik a jeo' a tunich u ti'a a Abraham”. 9Y bexi' toj ti'ʌ u bati ti' u ch'ʌka' a che', y tu woro a che' a muj ki' ichʌnkʌj, ku xat'a' y ku pura' ix k'ak'.»
10Y a winik ku k'atko' ti':
—¿Baij ki bi meto'?
11A Juan tu nuka tio':
—A mok yʌn ka'p'e u nok' a u ts'ati' jump'e a mok mʌnʌ' ti' y a mok yʌn u yo'ch bexi' a u ts'ati' a mok mʌnʌ' ti'.
12Bexi' taro' a winiko' a mok ku meaj ti' wes a ku k'atik u bo'ri u ba' u bojo' tiu but'a ja' tu joo' y tu k'ato' ti':
—Wʌjkʌ'si, ¿baij ki bi meto' a teno'?
13Y tu nuka tio':
—Ki' k'ate'x u bo'ri tia' boje'x a bex ku k'atik a wes y ma' nʌ'ske'x ti'.
14Bexi' tiʌ jujuntu a ba'kʌi tu k'ato' ti' a Juan:
—Y to' ¿baij ki bi meto'?
Y a Juan tu nuka tio':
—Ma' tajke'x ti' u bo'ri u meajo' y ma' pʌk' ku pach a boje'x y tsoykinte a wore'x yete u bo'ri a meaje'x.
15Chen a winiko' tʌn u ch'uktiko' y tʌn u tuko' wa a Juan lʌji' a Cristo.
16Ka tu ya'a Juan tu woro ti' u winiko' a judíos:
«A ten toj ja'ri' yete ja' kin but'ke'x, chen a juntu ku bij tar más ne chich u muk', a ti' ku bin u turse'x yete u muk' u Pixʌn K'uj y yete k'ak' y ten kin wi'k in bʌj ne mo' jach tsoyen ti' in pitik u k'ʌni u pechek xʌnʌ'.
17A mok ku ta pachi ku bi u jʌtse a to'o tsoy u tuku y a to'o mo' pati', a to'o tsoy u tuku bi u take, a mo' pati' bi u pure yok'o k'ak' a muj tu'pu.»
18Bex a je' y u jer ne ya'p t'ʌn, Juan ku tsikbʌtik ti'a winik jach u tsoy u t'ʌn K'uj. 19A Juan tu k'eya aj wes a lʌji' Herodes, tu tu ch'a a Herodías, a lʌji' u lak' a Felipe a lʌji' u xi'ra u bojo' a Herodes, y bexi' yok'o a tu woro a ba' mo' tsoy tu meta. 20Y bexi' a Herodes tu mʌka a Juan yok'o tu ku mʌka' winik.
Ku toj laj metko' a ba' ku bin u metik a Jesús
(3.21—4.13)
A Jesús ku but'a ja' ti'
(Mt. 3.13-17; Mr. 1.9-11)
21Tuk'in a Juan tʌn u but'ik ja' tu woro a winik bexi' a Jesús but'a ti' ja' y ka t'ʌn u t'ʌnik K'uj a Jesús, je'chʌj a kʌ'. 22Kaj tari u Pixʌn K'uj p'is aj uk ti' a Jesús, y u'a t'ʌn tiu tar ix kʌ' ku yei'k:
—Tech in ti'ech a jach otsi in wirik, jari tech ka jach tsoykintik in wor.
A u nuki a Jesús
(Mt. 1.1-17)
23Jesús yʌnti' treinta yaxk'in kaj chu'mpʌ u tsikbʌtik u t'ʌn K'uj, a winik u tuko' a Jesús lʌji' u tet José, a José laj u k'aba' u tet Elí, 24a Elí u k'aba' u tet Matat, a Matat u k'aba' u tet Leví, a Leví u k'aba' u tet Melqui, a Melqui u k'aba' u tet Jana, a Jana u k'aba' u tet José, 25a José u k'aba' u tet Matatías, a Matatías u k'aba' u tet Amós, a Amós u k'aba' u tet Nahum, a Nahum u k'aba' u tet Esli, a Esli u k'aba' u tet Nagai, 26a Nagai u k'aba' u tet Maat, a Maat u k'aba' u tet Matatías, a Matatías u k'aba' u tet Semei, a Semei u k'aba' u tet José, a José u k'aba' u tet Judá, 27a Judá u k'aba' u tet Joana, a Joana u k'aba' u tet Resa, a Resa u k'aba' u tet Zorobabel, a Zorobabel u k'aba' u tet Salatiel, a Salatiel u k'aba' u tet Neri, 28a Neri u k'aba' u tet Melqui, a Melqui u k'aba' u tet Adi. A Adi u k'aba' u tet Cosam, a Cosam u k'aba' u tet Elmodam. A Elmodam u k'aba' u tet Er, 29a Er u k'aba' u tet Josúe, a Josúe u k'aba' u tet Eliezer, a Eliezer u k'aba' u tet Jorim, a Jorim u k'aba' u tet Matat, 30a Matat u k'aba' u tet Leví, a Leví u k'aba' u tet Simeón, a Simeón u k'aba' u tet Judá, a Judá u k'aba' u tet José, a José u k'aba' u tet Jonán, a Jonán u k'aba' u tet Eliaquim, 31a Eliaquim u k'aba' u tet Melea, a Melea u k'aba' u tet Mainán, a Mainán u k'aba' u tet Matata, a Matata u k'aba' u tet Natán, 32a Natán u k'aba' u tet David, a David u k'aba' u tet Isaí, a Isaí u k'aba' u tet Obed, a Obed u k'aba' u tet Booz, a Booz u k'aba' u tet Salmón, a Salmón u k'aba' u tet Naasón, 33a Naasón u k'aba' u tet Aminadab, a Aminadab u k'aba' u tet Aram, a Aram u k'aba' u tet Esrom, a Esrom u k'aba' u tet Fares, a Fares u k'aba' u tet Judá, 34a Judá u k'aba' u tet Jacob, a Jacob u k'aba' u tet Isaac, a Isaac u k'aba' u tet Abraham, a Abraham u k'aba' u tet Taré, a Taré u k'aba' u tet Nacor, 35a Nacor u k'aba' u tet Serug, a Serug u k'aba' u tet Ragau, a Ragau u k'aba' u tet Peleg, a Peleg u k'aba' u tet Heber, a Heber u k'aba' u tet Sala, 36a Sala u k'aba' u tet Cainán, a Cainán u k'aba' u tet Arfaxad, a Arfaxad u k'aba' u tet Sem, a Sem u k'aba' u tet Noé, a Noé u k'aba' u tet Lamec, 37a Lamec u k'aba' u tet Matusalén, a Matusalén u k'aba' u tet Enoc, a Enoc u k'aba' u tet Jared, a Jared u k'aba' u tet Mahalaleel, a Mahalaleel u k'aba' u tet Cainán, 38a Cainán u k'aba' u tet Enós, a Enós u k'aba' u tet Set, a Set u k'aba' u tet Adán, a Adán u ti'a K'uj.
اکنون انتخاب شده:
San Lucas 3: PLacNaha
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Sociedad Biblica de México AC
