S. Juan 19
19
1Lʌji' a Pilato ka tu ch'a a Jesús y tu pura jʌts'a' yete sum. 2Y aj ba'kʌyo' tu meto' jump'e corona chen yete k'i'x tu jit'o' y tu tʌko' yok'o u jo' a Jesús y bexi' tu tʌko' jump'e u nok' chʌk yube'. 3Pachi xok'io' ti' a Jesús y tu yao' ti':
—¡Ka' kuxrak u Wesi a judíos!
Y tʌn u jʌts'ko' a Jesús yok'o u wich.
4A Pilato ka' jok'i y tu ya'tio':
—Ire'x a je' a xi'ra, ti tasa way jaknʌki, ti' a wike'x a ten mix kin wirik u si'pi a je' a xi'ra.
5Ka tu jaro' a Jesús u tʌkmo' yok'o u jo' a corona a tu meto' yete k'i'x y bexi' u tʌkmo' ti' u nok' chʌk yube'. Y a Pilato tu ya'a:
—¡A je' a xi'ra!
6Ka tu yiro' u t'ojio' a moko' ku meajo' yok'o u yatoch K'uj yete a ku kʌnʌntik u yatoch K'uj, chu'mpʌjo' u yaboto':
—¡Bʌje ix cruz! ¡Bʌje ix cruz!
A Pilato tu ya'tio':
—Ch'ae'x teche'x y bʌje'x a bʌjie'x, a ten mix k'ʌs kin wirik u si'pi a je' a xi'ra.
7A yʌn u kuch a judíos tu nuko':
—Teno' yʌnto' jump'e t'ʌn a li'sa ti' u meta' y ku yei'k yʌnti' u kimi a je' a xi'ra, a tu tu meta u bʌj tus lʌji' u Ti'a K'uj.
8Ka tu yua a Pilato u yei'ko' bex, más ne jak'i u yor. 9Ka' oki yok'o u palacio wes y tu k'ata ti' a Jesús:
—¿Tuba a tar a tech?
Chen a Jesús mo' tu nuka. 10A Pilato tu ya'ti':
—¿A ten maj bin a nuke in t'ʌn? ¿Yʌn ma' we wa yʌn in muk' ti purkech bʌja' ix cruz y bexi' ti' u siptech?
11A Jesús tu nuka ti':
—Mʌnʌ' a muk' ti' ten, wo K'uj muj cheik tech, la'jen bein, a mok tu k'uben ti' tech, lʌji' yʌn más u si'pi y tech mo' ne bex.
12Y lʌji' a Pilato kaj chu'mpʌ u kʌxtik bik u siptik a Jesús, chen a judíos tʌn u yaboto':
—¡Wo ka siptik a je' a xi'ra, mo' a bojo' a u t'oji wes a u k'aba' César! ¡Tu woro a mok ku metik u bʌj wes, ¡a lay mo' ket u yor yete u t'oji wes!
13Pilato ka tu yua a bex, tu jara a Jesús y tu kukinta yok'o a tribunal a tuba a t'ʌn a hebreo u k'aba' Gabata u nu'ku lʌji': «A mʌnʌ' woro tunich u chi' u yatoch». 14Lʌji' u k'ini tuk'in xok'o a Pascua y k'ak' chuk'in. A Pilato tu ya'ti' a judíos:
—¡A je' a Wesie'x!
15Chen tio' abotnʌjo':
—¡Jok'en!, ¡Jok'en!, ¡Bʌje ix cruz!
A Pilato tu k'ata tio':
—¿Jach to jʌy poch a wirke'x in bʌjik aj wesie'x?
U t'ojio' a moko' ku meajo' yok'o u yatoch K'uj, tu nuko':
—¡A to' mʌnʌ' u jer ak wes toj ja'ri' lʌji' a César!
16A Pilato tu ts'a a Jesús ti u bʌja' ix cruz y tio' tu ch'ao'.
A Jesús ku bʌja' ix cruz
17Jesús jok'i u kuchmʌ u che'i u cruz ti' u bin «yok'o u lu'mi u k'aba' Calavera,» (y u t'ʌni a hebreo u k'aba': Gólgota). 18Y tita bʌjʌ' a Jesús yete u jer kato', junxet' bʌja' a juntu y junxet' a juntu y Jesús chumuk p'ati. 19A Pilato tu ts'ibta jump'e ba' a to'o tu nich'kunta' yok'o u jo' tuj bʌja' a Jesús y bex ku yei'k tu ts'ibʌ': «A JE' A JESÚS U WINKI NAZARET, LɅJI' U WES A JUDÍOS.» 20Ne pim a judíos tu xako' a lay aj ts'ibta, tu xok'o tiʌ u kʌjto' tuj bʌja' a Jesús, y a tu ts'ibʌ', ts'ibʌ' yete u t'ʌni a Hebreo, latín y griego. 21La'jen u t'ojio' a moko' ku meajo' yok'o u yatoch K'uj u winki a Judíos tu yao' ti' a Pilato:
—Ma' ts'ibtik: “U wesi a judíos”, ts'ibte: “A mok ku yei'k u bʌj lʌji' u Wesi a judíos”.
22Chen a Pilato tu ya'a:
—A toj in ts'ibmʌ, bex ku p'ata. 23Kaj ts'ok u bʌja' a Jesús ten aj ba'kʌyo', aj ba'kʌyo' tu much'o' u nok' a Jesús, tu jʌto' y tu jaro' cuatro u xot'o y tu jʌtso' jump'ei' u xot'o jujuntu jujuntu. Y bexi' tu ch'ao' u chukuch nok', chen tu menʌ' toj jay jump'ei' chukbi nok'. 24A ba' kʌy tu ya'tio' bojo':
—Ma' ak jʌtik, kox ʌrʌk' y a mok ku kʌnʌnʌ ku ch'eik.
Y bex metchʌ a to'o toj bex ts'ibʌ' yok'o u ju'ni u t'ʌn K'uj ku yei'k: «tu jʌtso' yete tio' in nok' y ʌrʌknʌjo' ti' u yiko' mok ku ch'eik in chukuch nok'». A je' lʌji' a ba' tu meto' aj ba'kʌi.
25Xok'o yok'o u che'i a cruz tu bʌja' a Jesús, tita ti'ʌ a María u nʌ' a Jesús, u ch'upra u bojo' u nʌ', tiʌ a María a lʌji' u lak' a Jacobo y a María Magdalena. 26Tuk'in a Jesús tu yira u nʌ', y u kʌ'sa winik a to'o ne otsi u yirik, tu ya'a:
—Ch'upra, tiʌ tita a ti'a
27Pachi tu ya'ti' ti' u kʌ'sa winik:
—Tita tiʌ a nʌ'.
Toj laki, a lay u kʌ'sa winik tu ch'a a María yok'o u yatoch.
U kimi a Jesús
(Mt. 27.45-56; Mr. 15.33-41; Lc. 23.44-49)
28Che ts'ok u yei'k, a Jesús ya u yue laj metchʌ a ba' toj aʌ' y ti' u metchʌ a to'o ts'ibʌ' yok'o u t'ʌn K'uj, tu ya'a:
—Uk'ajen.
29Y tiʌ jump'e nukuch luch turu yete vinagre, y tio' tu ch'uro' yok'o jump'e a be tʌmʌn a nok' y tu k'ʌxo' yok'o jump'e u k'ʌ' che u k'aba' hisopo, ka tu nʌsa' y tu xoksa yok'o u chi' a Jesús. 30Tuk'in a Jesús tu yuk'a a vinagre, tu ya'a:
—Tu woro ya laj metchʌ.
Pachi tu yensa u jo' y tu ts'a u pixʌn ti' K'uj.
Lama' u ch'ʌrai a Jesús
31Xok'o u k'ini Pascua, a judíos mu' k'ato' a u bʌk'e ku p'ata ch'uita yok'o cruz a lay u k'ini sábado (a lay u k'ini u je'sik u bojo' a judíos jach k'ux tsoy u yirko' tio'), y a lay u k'ini a judíos tu k'ato' ti' a Pilato u laj p'ika' u yok a mok bʌjʌ' y ku juts'a' u bʌk'e. 32Aj ba'kʌyo' pachi bino' y tu p'ika u yok junturi', pachi a juntu a ch'uyʌ' bexi' a tu xax a Jesús. 33Tuk'in kaj xok'o' ti' Jesús, tu yiro' ya kimen. La'jen mo' tu p'iko' u yok.
34Chen junturi' a ba'kʌi, tu juplʌnta u ch'ʌrai a Jesús y toj se'p' jok' k'ik' yete ja'. 35A mok ku yei'k a je' a ba' mʌni, lʌji' a mok tu yira tu wich y taj ku yei'k, ti' u yue u bʌji' jach taj ku yei'k, ti' a jach ki ch'eike'x a je' a t'ʌn. 36A je' a ba' mʌni tiu metchʌ a ba' toj ts'ibʌ' uchik yok'o u t'ʌn K'uj a ku yei'k: «Mʌnʌ' u p'ika mix jump'eri' u bake.» 37Y bexi' yok'o u jer u t'ʌn K'uj a ts'ibʌ' uchik ku yei'k: «Ku bin u yiro' a mok tu juplʌnta.»
Jesús ku muka'
(Mt. 27.57-61; Mr. 15.42-47; Lc. 23.50-56)
38Pachi a José a ti' u winki Arimatea, a lʌji' bexi' u kʌ'sa winik a Jesús jay mukra'bi tu ku sʌjtik u t'ojio' a judíos. A je' a xi'ra bini tu tiʌ a Pilato y tu k'ata u bʌk'e a Jesús y a Pilato tu cha'a u ch'eik, ij bini y tu ch'a u bʌk'e a Jesús. 39Bexi' a Nicodemo, a mok tari uchik u ch'e'te a Jesús ak'bi, tu tasa treinta kilos a mirra xak'ʌ' yete áloe. 40Ka tu ch'ao' u bʌk'e a Jesús, tu tap'a yete nok' yete a ne ki' u bok a che' y u le' che', a toj bex t'ʌrʌ' u metko' a judíos ti' a mok ku muka'. 41Y a tuj bʌja' a Jesús, yʌn tita tuku laj pʌk'a tu woro ba' tak che'i y tita tiʌ jump'e tumen tuku mukra winik, a to'o mo' naj but'ak mix mok. 42Chen jach taki u k'uchu u k'ini sábado, y tu xok'o tiʌ a lay u mukra, la'jen tij but'a a Jesús.
اکنون انتخاب شده:
S. Juan 19: PLacNaha
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Sociedad Biblica de México AC
