Matiyu 8
8
Ɛnza ŋé kwáantɔ lɔ́ lákɛɛnyala
Maki 1.40-45; Luka 5.12-16
1Ɛnza ŋé í yíi kɛ bhɔ́ tii ó mán, tó yaman bá é bhyáa a fo nan. 2Cɛ kwáantɔ lɔ́ é í mángbaa kɛ í kúnmɛɛn ngbáan lúu lɔ́ a kɛɛnnan tó kɛ fɔ kó: «Mantii ó, ni i kɛ́ sɔ́n, ii sé kɛ́ né kɛ́ɛnya.» 3Ɛnza ŋé í bhóo láwii kɛ í bhóo túu a lá tó kɛ fɔ kó: «Ŋwɛ́ɛn sɔ́n, kɛ́ɛnya!» Íkɔlɔ téeman, cɛ óo kɛ́ɛnya, a yɛ kwáan óo bhɔ́ a man. 4Tó Ɛnza ŋé fɔ a yɛ kó: «Í tóomanlɔ: í kɛ́nan fɔ mɔɔn sí yɛ́ kó né lée í lákɛɛnya lɛ. Waa táa i yɛ́ɛ yáa faanlɛɛɲansebhaa ó lá. Musa é fáanlɛɛ mín ngófɔ sɛ́nnɛnyali ó ta fa ŋo fɛ́, ii ó bhɔ́ kɛ́ a yáa mɔɔn ólu lá kó i wɛ́ɛ kɛ́ɛnya.»
Ɛnza ŋwɛ́ɛn swaasikunndii lɔ́ yɛ́ bháalakɛdhye nakɛɛnya
Luka 7.1-10; Yaya 4.43-54
5Ɛnza ndɛ́ɛ lónan Kapɛnamu só ó lá sán mínnɔn, Lɔmu swaasikunndii lɔ́ é í mángbaa Ɛnza nan kɛ a dɛ́li tá kó: 6«Mantii o, ɲɛ́n bháalakɛdhye ŋó sé ŋólu wɛ́ɛ fáa a man, a lanin ŋé lúman, tɔ́lɔya óo a ka kóyoongɛ.» 7Ɛnza ngó a yɛ kó: «ɲáan táa a lákɛɛnya.» 8Wáa swaasikunndii óo fɔ kó: «Kaamɔɔn, i kɛ́nan i yɛ́ɛ sɛɛ, kó i káa lo né yɛ́ bhó ŋó kɔɔnnɔn, né mánngan ni ó lé. Oo lɔ mínngɛ, kóman kée nvɔ dɔ́lɔun, ké o kóman ó a ɲɛ́n bháalakɛdhye ŋo lákɛɛnya.#8.8 Swaasikunndii ó a lɔ ŋóo álee káafii le le; o bhóo ó mán, Yawudhyaa olu tá laanan o lɔ, Ɛnza ndɛ́ tɛ́ sé táala a fɛ́ta. 9Kɛ mansɔɔ kunndii lɔ́luu né bhóo, né ló ŋé swaasi lɔ́lu kunnan. Ní sé kɛ́ a fɔ o kée ɲɛ́n kó: ‹Táa yánun›, aa táa. Kɛ́ fɔ a lɔ́gbɛɛ yɛ́ kó: ‹Nan yánun›, aa nan. Kɛ́ fɔ ɲɛ́n yɔ ŋó yɛ́ kó: ‹Miin ngɛ́ ta›, aa ó kɛ.» 10Ɛnza ŋé o dhyáa ŋólu myɛ́n mínngɛ, aa káwakoya, tó aa fɔ a fongamaa olu yɛ kó: «Tó ní fɔ a yɛ́ tínɲan la ngó, né mán mɔɔn yé Izalayɛli mɔɔn olu lɔ bhá mín nanin ŋé né la kɛ tínmin cɛ míin nga. 11Aa céne, kíyamanwiilo ŋo kɛ́ bhɔ́ í lá, dínɲan ó fa mbɛ́ mɔɔn shɛ́ɛman ɲáan Ala yɛ́ Mansaya ó hɛ́lɛ o sɔ́ɔ, tó ilee ní Bulaaman ni Shaaka ní Yangubha lúu lɔ́min kɛ́ kéene ɛliyanan o lɔ. 12Wáa Ala yɛ́ Mansaya ó hɛ́lɛ o láanin ndɛ́ɛ mɔɔn mínnu yɛ, olu táa a sɔɔ, i yáa olu gbɛ́ kɛ i lábhɔ kɛ́ɛnman diwiba ó lɔ, tó ii kasi kɛ́ yénɔn ké i dinmisaninmba#8.12 Dinmisaninmba: O ywáa ó sɛ́wɛnin ŋé gɛlɛkikan nɔ́n tá ne kó ii í ɲín ŋó lákomankoman ɲɔ́ɔnman. ó yé.»
13Ɛnza ŋé wɛɛ kɛ fɔ swaasikunndii ó yɛ kó: «Í kwɔ́sɛɛ í fɛ́taa, íi kó mín dɛ́li lánanya bhóoman, o a kɛ́ o kó ó sɔ́ɔnin né í kwɔ́!» Swaasikunndii ó yɛ́ bháalakɛdhye ŋó kɛ́ɛnya o wáati kée ŋó lé lɔ.
Ɛnza ŋé yaangalotɔ shɛ́ɛman nákɛɛnyala
Maki 1.29-34; Luka 4.38-41
14 Ɛnza ŋé táa Piyɛli bhóo lúman. Aa táa o bhyáamuso lánin nzɔ́ɔ, kɛ mansɔɔ a fási tɛ́wɛɛ gban. 15Ɛnza ŋé í bhóo túu muso ó bhóola, tó fásigban óo wɛɛ, muso óo í wíi kɛ́ gbáamyaan í lá.
16Ywáa óo sé mínngɛ, mɔɔn ólu nan lámansayoondɔ shɛ́ɛman ne Ɛnza ɲɛn. Aa lámansa yóo ŋólu gbɛ́ i fɛ́ a kómankan ŋo la, tó kɛ yaangalotɔ ó bɛ́ lákɛɛnya. 17Aa o kɛ́ lé kó óo kó é kɛ céla Ezayi é kóman mín nvɔ, o a í lafa. A fɔnin ndɛ́ɛ céla Ezayi kwɔ́ tá ne kó: Aa í kún nó án ɲɛn shaaya ólu kɔɔ óni kɛ án ɲɛn yangalo olu bhɔ́ án nga.
Mɔɔn kákan kɛ bhyáa Ɛnza ngwɔ́ tɛ́nmɛnne
Luka 9.57-62
18 Ɛnza ŋé yamandhye ŋó yé a lamiin ŋo lɔ́ mínngɛ, aa fɔ a yɛ kaamɔɔndhye ŋolu yɛ kó ii táa bhá ó ɲán dɔ́ o mán. 19Sɛliya kaamɔɔn ó lɔ́ é í mangbaa kɛ fɔ a yɛ kó: «Mantii o, í kɛ́ táa ywáa óo ywáa lɔ, ɲáan kɛ́ í kwɔ́ka yénɔn.» 20Ɛnza ŋé a yawi kó: «Jáan é kuunwoosa ólu bhóo kɛ si lɔ, bhó ŋé sámankɔɔn ólu bhóo. Wáa mɔɔn Dhyénjɛ ó silaa tɛ́ o bhóo.»
21A yɛ kaamɔɔndhye ŋo lɔ́ é fɔ a yɛ kó: «Mantii o, í lɔ́ ké ndáa nvá sú ló ŋótun.» 22Ɛnza ŋé a yawi kó: «Bhyáa ngwɔ́ka, íi tó ké su ólu a i yɛ su ólu ló.»
Ɛnza ŋwɛ́ɛn fwɛ́ɛnba lɔ́ lálɔ
Maki 4.35-41; Luka 8.22-25
23Ɛnza ŋé í bhyáa kúun nɔ lɔ tó a yɛ kaamɔɔndhye ŋolu í yɛ́ɛ a saala. 24Íkɔlɔ téeman, fwɛ́ɛnba lɔ́ é wíi jí ó ka ndéeman, háanin fɔ́ kɛ kɛ́ óo jífwɛɛn o a Kúun ŋó lafa. Oo í lɔ́ ké Ɛnza ŋé sunnɔɔn lɔ́ Kúun ŋó lɔ. 25A yɛ kaamɔɔndhye ŋolu í mangbaa a lá kɛ a lakuun ni fɔ le kó: «Mantii o, án ngála! Án ngáa fáa!» 26Ɛnza ŋé i yawi kó: «Áa sháannan mínnɛɛn lé la? A ló ɲɛn lánanya ó a lɔ́ɔ kɛ́yi?» Aa í wíi téeman kɛ í táan fɔ́ fwɛ́ɛn óni jí ó yɛ. Oo kɛ́ mínngɛ fwɛ́ɛn óni jí óo í mányii lwɛ́hi. 27Oo í bɛ́ káwakoya, fɔ́ ii fɔ́la kó: «Cɛ míin ŋé mɔɔn síya mínnɛɛn le kɛɛ, yáanin fwɛ́ɛn óni jí ó bɛ́ɛ a bwóɲanla!»
Ɛnza ŋé cɛ lámansayoondɔ fyáa lákɛɛnyala
Maki 5.1-20; Luka 8.26-39
28Ɛnza ŋé lo mínngɛ bhá ó ɲán dɔ́ o mán, Gadalaka olu yɛ́ lánga ŋo lɔ, cɛ lámansayoondɔ fyáa é bhɔ́ kábulu ó lɔ kɛ́nan a kunmyɛ. I yɛ lámansa ólu fɛ́ɛya kóɲan o man, mɔɔn sí tɛ tɛ́ sɔnnan kɛ o sháa o ta. 29Ale lámansayoondɔ fyáa óo gbáa ndéeman ni fɔ le kó: «Mínnɛɛn án njɛ́, Ala dhyénjɛ ó? Í nánnin ŋé yánun án ndɔ́lɔ tɔ́ɔ le lɔ a, kéni wáati mín ŋé sii, o mán sé bhá ŋan?»
30Oo í lɔ́ ké gbóyoonin nzɛ́ɛ lɔ́lu tɛ́ɛ lɔ́minkɛla tii ó mán. O gbóyoonin ŋólu ywáa tɛ́ɛ já i la. 31Lámansa yóo ŋólu Ɛnza dɛ́li kó ni a kɛ i gbɛ́ kó aa i lalo o gbóyoonin ŋólu lɔ. 32Ɛnza ngó i yɛ kó: «Áa táa.» Oo kɛ́ mínngɛ ii bhɔ́ cɛ fyáa ó lɔ kɛ táa gbóyoonin ŋólu lɔ, tó gbóyoonin nzɛ́ɛ ólu í cɛ kɛ́ yɛ́ɛ tíi ó ka kɛ́ táa í bé bháji ó lɔ kɛ́ túun. 33Gbóyoonin ngunnansiibhaa olu bɛ́ɛ bwée, tó kɛ táa o kó o bɛ́ lɔsɔɔ só o kɔ́ɔnnɔn, óni lámansayoondɔ ólu tá kó óo tínmin ndɛ́nmɛn. 34O fɔ́nin ŋó kwɔ, sómɔɔn ó bɛ́ɛ bhɔ́ kɛ Ɛnza ngunmyɛ. Ii a yé mínngɛ, ii a dɛ́li kó aa táa kɛ bhɔ́ i yɛ lúu ó ka.
اکنون انتخاب شده:
Matiyu 8: MXX
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© (Active), Wycliffe Bible Translators, Inc. All rights reserved.
