Matiyu 25

Sáanan míin sínngbii tá ŋolu ka

1Ɛnza ŋé fɔ i yɛ kó: «Ala yɛ́ Mansaya ó káa kɛ́ tɛ́nmɛn, o lée nín: sínngbiinin ndá ŋé laman nu myáan í bhóokɔɔ kɛ táa kwɛ́ɛncɛ lɔ saala ló nɔ́ la kó ii táa kéene kwɛ́ɛnyakoywaa o lɔ. 2Sínngbiinin lóo tɛ́ɛ yénɔn hákii tɛ́ tɛ olu mán, tó lóo tɛ́ɛ yénɔn hákii tɛ́ɛ olu mán. 3-4Hákiinda ŋólu i yɛ laman ŋo tá, wáa i man táyi ta minnan nɔ kɔɔnnɔn. Táyi#25.3-4 Táyi: A fɔnin ŋé gɛlɛki kitabu o lɔ́ lé kó túu. déde tɛ́ tɛ́ olu bhóo.

5Kwɛ́ɛn ó tɛ́ɛ díla cɛ mín man, o cɛ ó mán nan mínngɛ jónan, sunnɔɔn é tínmin sínngbiinin ndá ŋolu ka. 6Lúutaa ó mán, mɔɔn lɔ́ é fɔ ni gbáa ne kó: ‹Kwɛ́ɛncɛ o wɛ́ɛ nan! Áa bhɔ́ kɛ́nan a labhyɛ!› 7Oo kɛ́ mínngɛ, sínngbii tá ŋolu o í wíi téeman kɛ i yɛ laman ŋolu lɔ́bhyɛ ŋo lámyaan. 8Tó hákii tɛ́ tɛ́ sínngbii mínnu mán i sɛɛ lɔ́ wé, olu fɔ hákiiman ŋólu yɛ kó: ‹Án ɲɛn laman ŋólu fɛ kɛ sa, áa án nzɔ a yɛ́ táyi o lɔ́ sɔ lé!› 9Hákiiman ŋólu fɔ i yɛ kó: ‹Ni o kɛ́ kɛ́, táyi o táa án nee ní ále tá laman ŋo bɛ́ bhɔ́. Oo lɔ mínngɛ, áa táa táyifelebhaa olu fɛ́ yénɔn kéene le kɛ táa a lɔ sá.› 10O fɔ́nin ŋó kwɔ, ii bhɔ́ kɛ́ɛnman kɛ táa táyisanaa o lɔ. Kɛ i tó o sháa o la, kwɛ́ɛncɛ oo nan i kwɔshaafɛ tó sínngbii lóo mínnu tɛ́wɛɛ i ta laman ŋo lɔ́bhyɛ ŋwé, ale ní olu táa kéene kɛ táa lo kwɛ́ɛnyakoywaa o lɔ. Ii lá ó sɔ́ɔ.

11Kwɔ́ kwɔ́ o la, tó sínngbii mín ŋolu í kunnanbhɔ ósɔ kɛ́nan lá ó mángbasi ni fɔ le kó: ‹Mantii o, Mantii o, lá ó láka án ɲɛ́n!› 12Wáa kwɛ́ɛncɛ ó í yawi kó: ‹Tó ní fɔ́ á yɛ́ ngó, mán á lɔ fɛ́sɛ fɛ́sɛ féu!› »

13Ɛnza ŋé o saanan o láfaa ni fɔ le kó: «Oo lɔ mínngɛ, áa tó í ɲánla, kɛ mansɔɔ mɔɔn Dhyénjɛ o, o káa nan tee mín man, óni wáati kée mínnɔn, a mán o lɔ.»

Sáanan mín ŋé bháalakɛdhye nzawa ólu ka

Luka 19.11-27

14Ɛnza ŋé wɛɛ kɛ fɔ kó: «Ala yɛ́ Mansaya ó káa kɛ́ tɛ́nmɛn íkwɔ, o lée nín: Aa lé óyoo cɛ lɔ́ táatɔ lé táamanla, aa a yɛ bháalakɛdhye ŋolu kíi kɛ a yɛ nanfoo ó kɛ́ɛfa i man. 15Aa nanfoo ó lɔ́taa kɛ kéeɲan ní í bɛ́ kée ngéenan faan o lé. Aa sɛ́ɛnmɔɔ lóo dí a lɔ mán, kɛ sɛ́ɛnmɔɔ fyáa dí a kée ngbɛ́ɛ mán, tó kɛ sɛ́ɛnmɔɔ kée ndí a tɔ kée ŋó mán, tó kɛ táa. 16Bháalakɛdhye ŋo mín ŋé sɛ́ɛnmɔɔ lóo sɔ́ɔ wé, oo a ta sɛ́ɛn ŋo kɛ́ mánnanngun né íkɔlɔ kɛ sɛ́ɛnmɔɔ lóo gbɛ́ɛ sɔɔ o julaya ó lɔ. 17Sɛ́ɛnmɔɔ fyáa é dí mín man, oo mɔɔn jónan ó tá kó ó sí kɛ sɛ́ɛnmɔɔ fyáa gbɛ́ɛ sɔɔ tɔɔn le o ɲán o mán. 18Tó sɛ́ɛnmɔɔ kée ŋé dí mín man, oo táa jáan shɛ́n tó kɛ a kunndiicɛ o, o yɛ kɛ́ɛfaman mín ŋé wé, kɛ o ɲánmanloonaan kɛ́ jáan ó lɔ.

19Wáati já ŋé tínmin, tó bháalakɛdhye ŋolu kunndii ó tó nánla kɛ bhɔ́ táaman o la. Aa fɔ i yɛ kó: ‹Ní kɛ́ɛfaman mínnu ló a bhóolɔ, áa nan ó kwaan kɛ́ ɲɛ́n.› 20Sɛ́ɛnmɔɔ lóo é dí mín man wé, oo í mángbaa kɛ sɛ́ɛnmɔɔ lóo gbɛ́ɛ di kɛ fɔ kó: ‹Mantii o! Í táatɔ óo sɛ́ɛnmɔɔ lóo lé dí mán. Ní bhɔɔ lóo gbɛ́ɛ sɔɔ kɛ fala o ka, i bɛ́ lakafonin ŋó lée nín!› 21Kunndii ó fɔ a yɛ́ kó: ‹Í wɛ́ɛ bháala bhɛ́ɛ kɛ! Íi bháalakɛdhye mín ne, í káɲin, mɔɔn ló ŋé sé kɛ lá í lá. Í wɛ́ɛ kɛ́ lánanmɔɔn lé kó fítiinin ŋolu lɔ. Ni wɛɛ kɛ́ cé, ɲáan í bhóo síi kóba shɛ́ɛman nán kwɔ́ ín nan! Nan ké ní nan an ɲaanli ɲɔ́ɔn nvɛ́!› 22Sɛ́ɛnmɔɔ fyáa é dí mín man, óo í mángbaa tó kɛ fɔ kó: ‹Mantii o! Íi sɛ́ɛnmɔɔ fyáa mín dí ne mán, ŋwɛ́ɛn sɛ́ɛnmɔɔ fyáa gbɛ́ɛ sɔɔ kɛ fala olu ka. I bɛ́ lakafonin ŋó lée nín!› 23Kunndii ó fɔ a yɛ́ kó: ‹Í wɛ́ɛ bháala bhɛ́ɛ kɛ! Íi bháalakɛdhye mín ne, í káɲin, mɔɔn ló ŋé sé kɛ lá í lá. Í wɛ́ɛ kɛ́ lánanmɔɔn lé kó fítiinin ŋolu lɔ. Ni wɛɛ kɛ́ cé, ɲáan í bhóo síi kóba shɛ́ɛman nán kwɔ́ ín nan! Nan kéni nan an ɲaanli ɲɔ́ɔn nvɛ́!› 24Sɛ́ɛnmɔɔ kée ŋó dí mín mán, oo í mángbaa kɛ fɔ kó: ‹Mantii o! Ní lɔ ŋóo í yɛ́ kó o a gbɛ́ɛ, í mán fé mín na cɛ mínnɔn, íi o tála o ywáa ó lé lɔ! I mán sɛ́ɛn kɛ́ ywáa mínnɔn, ii sunman ndɛ́ɛla o ywáa ó le lɔ 25O lé kósɔn ní sháan tó kɛ táa í yɛ́ nanfoo ó ɲánmanloonaan kɛ́ jáan lɔ. A yé nín!› 26A kunndii ó kó a man kó: bháalakɛdhye yóoɲannin ŋo, sálabhaatɔ ó! Í tɛ́ɛ lɔ ŋóo mán fé mín na cɛ mínnɔn, ni o tála o ywáa ó lé lɔ, mán sɛ́ɛn kɛ́ ywáa mínnɔn, ni sunman ndɛ́ɛla o ywáa ó le lɔ, bháa díi? 27Tó aa kɛ́ díi tó í mán táa ɲɛ́n nanfoo ó ló nanfoolamalabhaa lu bhóo ké ndɛ́ɛ tɔɔn sɔ́ɔ a ka nánnin míin ne? 28Áa a ta sɛ́ɛnmɔɔ kée ŋó myáan a lá kɛ o di sɛ́ɛnmɔɔ tá ndíi o mán. 29Aa céne, lɔ́ kɛ́ kɛ́ mɔɔn mín móo, lɔ yáa bhyáa o tíi o tá ó ka fɔ́ kɛ wasa a lɔ, waa fé ndɛ́ mín móo, míin móo, o yáa bwási a lá. 30Bháalakɛdhye ngólo míin ngwɛ́nnin, áa o tá kɛ a lafii kɛ́ɛnman diwiba ó lɔ ké aa kasi kɛ́ yénɔn ké a dinmisaninmba ó yé.»

Kíyamanwiilo ŋo

31Ɛnza ngó íkwɔ kó: «Mɔɔn mín ŋé mɔɔn Dhyénjɛ ó le, o kɛ́nan wáati mínnɔn, a nɔlɔyalaman ŋó yáa nan ni malɛɛka olu bɛ́ le, a yáa nan í síi a nɔnmɔnnaa mansayalaman ŋó lɔ. 32Síya olu bɛ́ yáa i ládhyɛ a ɲánkɔɔ, a yáa i lɔtɔnmɔn óyoo bhyáamangbɛngbɛmaa óo saa ólu ní bhá ólu bhɔ́la ɲɔ́ɔnnga tɛ́nmɛn né. 33Mansacɛ o yáa saa ólu bhyáa í bhóobhɛɛkɔɔ, tó kɛ bhá ólu bhyáa í bhóonwaan ngɔɔ. 34Mɔɔn mínnu káa kɛ́ a bhóobhɛɛkɔɔ, mansacɛ ó yáa fɔ olu yɛ kó: ‹Nvá Ala wɛ́ɛ hɛ́lɛ kɛ́ ále mínnu yɛ, áa nan lo Mansaya o lɔ! Ala é o lɔ́bhyɛ a yɛ́ dínɲan lámyaan wáati o lé lɔ. 35Kɛ mansɔɔ kɔ́ɔn é myáan mínngɛ, áa lɔ́min dí mán, jíminnɔɔ é myáan mínngɛ, áa nzɔ́ jíminnda la, ndɛ́ɛ lónan né mínngɛ, áa a bhóo síi ngɔ́ɔ a fɛ́ yé. 36Ngbóomankoo ndɛ́ɛ mínngɛ, áa nán nvɛ́ɛya bhɔ́, ndɛ́ mán ngɛ́nnɛn mínngɛ, áa í bhóo bhyáa nɔ́n, tó ndɛ́ɛ kaso lá mínngɛ, áa táa nvo.› 37O kɛ́ kɛ́, mɔɔn télenin ŋólu yáa fɔ mansacɛ o yɛ kó: ‹Mantii o, án ni í kɔ́ɔntɔ yé wáati mínnɛɛn lé lɔ tó kɛ lɔ́min di í mán, wáman kɛ í jímínnɔɔtɔ ó yé kɛ jí dí í mán? 38Án ni í yé lónanɲan bhóoman wáati mínnɛɛn le lɔ kɛ án móo síi í kɔ́ɔ, wáman kɛ í mánkoo ɲe tó kɛ í fɛ́ɛya bhɔ́? 39Án ni í mánngɛnnɛnbhaatɔ yé wáati mínnɛɛn lé lɔ wáman kɛ í yé kasola tó kɛ táa í fo?› 40Mansacɛ o yáa í yawi kó: Amiinan. ‹Ní fɔ́la a yɛ́ tínɲan in ne, ngo mɔɔn oo mɔɔn wɛ́ɛ o kɛ́ mádhyenjɛman ŋolu bɛ́ lɔ fítiinin ŋo yɛ́, o tíi o tɛ́ɛ o kɛla né lé yɛ́ wé!›

41O kɛ́ wɛɛ, a yáa fɔ a bhóonwaanngɔɔbhaa olu yɛ kó: ‹Áa táa kɛ í cɛ́bhɔ nán, ále mɔɔn dáannin ŋólu! Yaananman tá mín ŋé í lákin sɔtaannan ni a yɛ malɛɛka yóo ŋólu yɛ, áa táa o tá ó lɔ, 42kɛ mansɔɔ kɔ́ɔn é myáan, a mán lɔ́min di mán, jíminnɔɔ é myáan, a mán nzɔ́ jíminnda la, 43ndɛ́ɛ lónan ne, a mán i bhóo síi ngɔ́ɔ a fɛ́ yé. Ngbóomankoo ndɛ́ɛ, a mán nvɛ́ɛya bhɔ́, ndɛ́ mán ngɛ́nnɛn sán mínnɔn, óni ndɛ́ɛ kaso lá mínngɛ, a mán táa nvo.› 44O kɛ́ kɛ́, i yáa fɔ kó: ‹Mantii o, án ni í kɔ́ɔntɔ yé wáati mínnɛɛn lé lɔ, wáman kɛ jíminnɔɔ yé í lá, wáman kɛ í yé lónanɲan bhóoman, wáman kɛ í mánkoo ɲe, wáman kɛ í mánngɛnnɛnbhaatɔ yé, wáman mán kɛ́ í yé kasola tó án man í mángbɛ ŋo lɔ́lɔ?› 45Mansacɛ o yáa i yawi kó: Amiinan. ‹Tó ní fɔ a yɛ́ tínɲan in ne ngó mɔɔn oo mɔɔn mán o kɛ́ mádhyenjɛman ŋolu bɛ́ lɔ fítiinin ŋo yɛ́, o tíi o mán o kɛ́ né lé yɛ́ wé!› 46Ɛnza ŋé wɛɛ kɛ fɔ kó: La ndɛ́ tɔ́lɔya mínnan, o mɔɔn yóoɲannin ŋólu yáa táa o tɔ́lɔya ó lɔ, tó ɲáanmanɲan wɛ́ɛbhɛɛ oo ywáa mínnɔn, mɔɔn télenin ŋólu yáa táa yénɔn.»

اکنون انتخاب شده:

Matiyu 25: MXX

های‌لایت

کپی

مقایسه

به اشتراک گذاشتن

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

در مورد Mahou اطلاعات بیشتر کسب کنید

آیات محبوب کتاب مقدس از
Matiyu 25

ویدیوهایی برای Matiyu 25

۳۰-۱:۲۵ متّی

Lumo Project

۴۶-۳۱:۲۵ متّی

Lumo Project

Matiyu 25

آیات محبوب کتاب مقدس از
Matiyu 25

ویدیوهایی برای Matiyu 25

۳۰-۱:۲۵ متّی

۴۶-۳۱:۲۵ متّی

كتاب‌ مقدس:

Mahou

ترجمه: Mahou - MXX

Matiyu 25

Matiyu 25

آیات محبوب کتاب مقدس از Matiyu 25

ویدیوهایی برای Matiyu 25

۳۰-۱:۲۵ متّی

۴۶-۳۱:۲۵ متّی

كتاب‌ مقدس:

Mahou

ترجمه: Mahou - MXX

Matiyu 25

آیات محبوب کتاب مقدس از
Matiyu 25