1 Korintenea 8
8
O mas ašilo katal jertfe.
1Ande so dikhăl le butea jertfime le idolengă, jeanas saoŕă kă same prinjeandimos. Ta o prinjeandimos phutearăl ta o kamblimos vazdel.#Cap. 10.19. Kărd. 15.20, 29.#Rom. 14.3, 10, 14, 22.
2Kana pateal varekon kă jeanel vareso, înkă či prinjeandea sar trăbul te prinjeanel.#Cap. 13.8, 9, 12. Gal. 6.3. 1Tim. 6.4.
3Ta kana kamel varekon le Devlles, sî prinjeando le Devllestar.#Exod. 33.12, 17. Nax. 1.7. Mat. 7.23. Gal. 4.9. 2Tim. 2.19.
4Kadea, sode poa xabe jertfime le idolengă, jeanas kă ande lumea khă idolo sî sa iekh khančesa, thai kă nai dă sar khă korkoŕo Dell.#Vers. 6. Cap. 10.19. Deut. 4.39; 6.4. Is. 41.24; 44.8. Marko 12.29. Efes. 4.6. 1Tim. 2.5.
5Kă orta kana te avino kadea dinoanau „devlla”, avena ando čerii, avena pe phuw (sar i sî ande čeačimaste but „devlla” thai but „rai”),#Ioan 10.34.
6varesar anda amende nai numai khă Dell korkoŕo: o Dadd, kastar aven sa le butea thai anda kaste traisaras i ame, thai ăkh Rai korkoŕo: o Isus Kristoso, anda kaste sî sa le butea thai ande Leste i ame.#Cap. 12.3. Mal. 2.10. Ioan 1.3; 13.13. Kărd. 2.36; 17.28. Rom. 11.36. Efes. 4.5, 6. Filip. 2.11. Kol. 1.6. Evr. 1.2.
7Ta na sa sî le o prinjeandimos kadoa.Ta iekh, avindoi sîkade ji akana le idolosa, xan khă buti sar avindoi jertfime khă idolohkă; thai lengo dii, kai sî kovlo, sî marime.#Cap. 10.28, 29. Rom. 14.14, 23.
8Ta na o mas kărăl ame amen čeailine le Devllestar: či las khanči kana xas anda leste, thai či xasaras khanči kana či xas.#Rom. 14.17.
9Len sama ta na varesar kadoa slobozîmos tumaro te arăsăl ăkh baŕ ambladimahko anda kola le kovle.#Rom. 14.13, 20. Gal. 5.13.
10Kă kana dikhăl tu varekon tut, kai sî tu prinjeandimos kă bešes kai skafidi andekh templo idolengo, lehko dii, kai sî kovlo, či spidela les andal butea jertfime le idolengă?#Cap. 10.28, 32.
11Thai kadea, o, kai sî kovlo, xasaola andai doši kadale prinjeandimahko tirăhko: o, o phral, anda sao mullo o Kristoso.#Rom. 14.15, 20.
12Kana bezexarăn kadea pal phral, thai dukhaven lengo înjero o kovlo, bezexarăn poa Kristoso.#Mat. 25.40, 45.
13Anda kodea, kana khă xabe kărăl te phrales te bezexarăl, či xaua čiăkhdata mas, kaste na kărau mîŕă phrales te bezexarăl.#Rom. 14.21. 2Kor. 11.29.
اکنون انتخاب شده:
1 Korintenea 8: KALD2020
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.