ROMUDEENƆ 10

1Ma gbɛ̃nↄ, yã kɛ̀ má yezi ma swɛ̃̀ guu mɛ́ɛ a wɛ́ɛ kɛɛ Ludaan Isarailinↄ mìsina ũ. 2Mɛ́ fↄ̃ mà ń sèeda kɛ kɛ̀ aↄ̃ↄ aĩa vĩ kↄ̃n Luda yão, mↄde aↄ̃ wɛ́ɛ kɛ̃naro. 3Zaakɛ aↄ̃ↄ dↄ̃ dian Luda è tó yã bↄńyo nna nàro, ben aↄ̃ègↄ̃ wɛtɛɛ yã bↄńyo nna kↄ̃n ń zĩnda gbãaao. Dian Luda è tó yã bↄńyo nna nà, aↄ̃ↄe síro. 4Zaakɛ Kirisi Musa doka lɛ́ pàpa, lɛ yã bↄ kↄ̃n gbɛ̃ sãnda píngi kɛ̀ à à náanɛ kɛ̀o nnamɛ.

Mìsina nɛ́ gbɛ̃ píngi pↄ́mɛ

5Dian doka è tó yã bↄńyo nna nàn Musa ò a takadan à bè, gbɛ̃ kɛ̀ yã pì kɛ̀ bé é wɛ̃̀ndi e à guu. 6Dian ludanaanɛkɛna è tó yã bↄńyo nna nà kɛ̃na à yãn à bè:

Ǹton o n nↄ̀sɛn ǹ be,

dé bé eé gá ludambɛ à Kirisi pitaro,

7ke dé bé eé gá gɛ̀wãan à Kirisi bↄ gaanlo.

8Yã kɛ̀ à òn yɛ̀:

Yã pì kúnyo kĩi,

à kú n lɛ́n kↄ̃n n nↄ̀sɛo.

Ludanaanɛkɛna yã kɛ̀ weè à waazi kɛɛn yã pì ũ. 9Tó ń ò kↄ̃n lɛ́o gupuraaa kɛ̀ Yesun Dii ũ bensↄ̃ ń sì n swɛ̃̀n kɛ̀ Luda à bↄ̀ gaan, eé n mì sí. 10Zaakɛ yã pì sina n swɛ̃̀n bé è tó yã bↄnyo nna bensↄ̃ yã pì ona kↄ̃n n lɛ́o bé è n mì sí. 11À kɛ̃na Luda yãn wà bè, wí é gbɛ̃ kɛ̀ èe à náanɛ kɛɛ kũ zikiro.

12Yudanↄ kↄ̃n bori pãndenↄ e bↄ doodo kↄ̃oro, zaakɛ aↄ̃ píngi Dii dↄ̃nkↄ̃mɛ, è kaarana kɛ gbɛ̃ kɛ̀ aↄ̃è à sísinↄnɛ ń píngi. 13Zaakɛ Dii sìsirinↄ é bↄ ń píngi. 14Dian gbɛ̃nↄ é à sísi à náanɛkɛna saii? Dian aↄ̃é à náanɛ kɛ à yãmana saii? Dian aↄ̃é à yã ma waazikɛri saii? 15Tó wèe waazikɛrinↄ zĩḿmaro, dian aↄ̃é waazi kɛńnɛ nà? À kɛ̃na Luda yãn wà bè: Baarunnakparinↄ mↄna è kɛńnɛ nna fá! 16Mↄde èe kɛ baade píngi bé à baaru nnaa pì sìro. Ben Isaya bè: Dii, dé bé à wa yã sì? 17Lɛmɛ ludanaanɛkɛna è bↄ à yãmana kiiamɛ, yã pì sↄ̃ nɛ́ Kirisi yãmɛ. 18Ma bè yↄ́ↄ! Aↄ̃ↄe manloo? Aↄ̃ↄ mà.

Aↄ̃ kòto dà andunala píngi,

aↄ̃ yã'ona gàa ai tↄↄtɛ lɛ́zɛkiia.

19Ma bè yↄ́ↄ! Isarailinↄↄ e dↄ̃roↄ́? Káaku gĩa Musa bè:

Mɛ́ tó aↄ̃ nↄ̀sɛgↄ̃aanↄ kpá kↄ̃n borii kɛ̀ aↄ̃ↄ dɛ ma gbɛ̃ ũroonↄo,

mɛ́ tó aↄ̃ pↄ fɛ̃ gbɛ̃ntee wɛ́ɛsiadeenↄ yã musu.

20Ben Isaya Luda yã ò kↄ̃n kù gbãaao à bè:

Gbɛ̃ kɛ̀ aↄ̃ↄe ma kii wɛtɛroonↄ bé wà ma e,

ma a zĩnda ↄ̀dↄa gbɛ̃ kɛ̀ aↄ̃ↄe ma gbekaroonↄnɛ.

21Isarailinↄ yã musu à bè:

Zaa kↄngↄ ai uusiɛ ma ↄ dↄ̀

bori swãgbãadee kɛ̀ aↄ̃ fɛ̃̀maonↄnɛ.

اکنون انتخاب شده:

ROMUDEENƆ 10: BBB

های‌لایت

کپی

مقایسه

به اشتراک گذاشتن

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

در مورد Bokobaru Bible اطلاعات بیشتر کسب کنید

ROMUDEENƆ 10

آیات محبوب کتاب مقدس از
ROMUDEENƆ 10

بشنويد ROMUDEENƆ 10

كتاب‌ مقدس:

Bokobaru

ترجمه: Bokobaru Bible - BBB

ROMUDEENƆ 10

ROMUDEENƆ 10

آیات محبوب کتاب مقدس از ROMUDEENƆ 10

بشنويد ROMUDEENƆ 10

كتاب‌ مقدس:

Bokobaru

ترجمه: Bokobaru Bible - BBB

ROMUDEENƆ 10

آیات محبوب کتاب مقدس از
ROMUDEENƆ 10