NAANA 22
22
Isaaku kpana sa'opↄ ũ
1Beee gbɛra Luda Ibraĩ yↄ̃̀ à gwà à bènɛ: Ibraĩ! Ben à wèàla à bè: Maɛ kɛ̀! 2Ben Luda bènɛ: Ǹ n nɛ́ mɛ̀n doo kɛ̀ ń yezi Isaaku sɛ́ ǹ gáo Mↄria bùsun, ǹ sa'opↄ kɛ̀ wè ká tɛ́n à tɛ́ kũ oo kpiii kɛ̀ mɛ́ onnɛɛa. 3Kɛ̀ à fɛ̀ɛ kↄngↄ idɛ'idɛ, à gàari yì a zaakinɛ, ben à a zĩkɛrinↄ sɛ̀ gↄ̃ↄn plaa kↄ̃n a nɛ́ Isaaku pìo. À sa'oyaka pàra, ben à dà zɛ́n, èe gaa guu kɛ̀ Ludaa ònɛn. 4À gurↄ aagↄ̃dee zĩ kɛ̀ à wɛ́ɛ sɛ̀, à guu pì è kãa. 5Ben à bè a zĩkɛri pìnↄnɛ: À gↄ̃ kↄ̃n zaakio kɛ̀. Mapi kↄ̃n gↄ̃kparɛ kɛ̀o wé gá aɛ wà dↄnzi kɛ Ludanɛ, wé liara wà su wà a le kɛ̀. 6Ibraĩ sa'oyaka sɛ̀ à dì a nɛ́ pìnɛ, ben à tɛ́ kũna kↄ̃n fɛ̃ɛo, aↄ̃ↄe gaa lɛdo. 7Ben Isaaku yã ò a denɛ à bè: Baa! À wèàla à bè: Bↄ́mɛɛ nɛ́? Ben à bènɛ: Wá tɛ́ kũna kↄ̃n yàkao, sãnɛ bↄ̀rↄ kɛ̀ wé ká tɛ́n à tɛ́ kũ kú mámɛ? 8Ben Ibraĩ bè: Ma nɛ́, Luda bé eé sa'osã kpá. Ben aↄ̃ↄ tɛ́kↄ̃zi wèe gaa. 9Kɛ̀ aↄ̃ kà guu kɛ̀ Ludaa ònɛn, à sa'okii bò gwe à yàka kpàkpaàla, ben à a nɛ́ pì yì à dà yàka pìla sa'okii musu. 10Kɛ̀ à fɛ̃ɛ sɛ̀ à ↄ bↄ̀ lɛ à a nɛ́ pì kòto kpá, 11ben Dii Malaika lɛ́ zùzi zaa musu à bè: Ibraĩ! Ibraĩ! À wèàla à bè: Maɛ kɛ̀! 12Ben à bè: Ǹton ↄ na nɛ́ pìaro ǹton yãke kɛnɛro. Má dↄ̃ sa kɛ̀ ń ma vĩa vĩ, nɛ́ɛ gímɛ kↄ̃n n nɛ́ mɛ̀n doooro. 13Ibraĩ wɛ́ɛ sɛ̀, ben à sãkaro è líwakaa kà à kobazi. Ben à gàa à à kũ̀ à sa'opↄ kɛ̀ wè ká tɛ́n à tɛ́ kũ òo a nɛ́ gɛ̃ɛ ũ. 14Ben à tↄ́ kpà guu pìnɛ Diiékpa, ben wègↄ̃ oo ai kↄ̃n a gbã̀ao wè be: Dii é kpá a kpiii musu.
15Dii Malaika ɛ̀ara à lɛ́ zù Ibraĩzi zaa musu dↄ 16à bè: Mamↄma Dii má sì kↄ̃n ma kuunao ma bè, lán n yã pì kɛ̀ nà, nɛ́ɛ gí kↄ̃n n nɛ́ mɛ̀n doooro, 17mɛ́ aubarika dangu mà n borii kaarannɛ lán sↄsↄnɛnↄ bà, aↄ̃égↄ̃ pari lán ísialɛ bùsu'ãatɛ̃ bà. N boriinↄ égↄ̃ gbãa vĩ n ibɛɛnↄa. 18Mɛ́ aubarika da anduna bori píngin n borii gãzĩ, kɛ̀ n ma yã mà yãnzi.
19Kɛ̀ Ibraĩ lìara à sù a zĩkɛrinↄ kiia, aↄ̃ fɛ̀ɛ wà tà Bɛsɛba, ben à gurↄplaa kɛ̀ gwe.
20Beee gbɛra wà ò Ibraĩnɛ wà bè: N vĩ̀i Nao naↄ̃ Milika nɛ́gↄ̃gbɛ̃nↄ ì. 21À daudu tↄ́n Uzu. À dãaronↄ tↄ́n yɛ̀: Buzu, Aramu de Kɛmuɛli, 22Kɛsɛdi, Azo, Pilidasa, Yidilafa kↄ̃n Bɛtuɛlio. 23Bɛtuɛli pì bé à Rɛbɛka ì. Nɛ́gↄ̃gbɛ̃ gↄ̃ↄn sↄraagↄ̃ↄ kɛ̀ Milika ì kↄ̃n Ibraĩ vĩ̀i Naon gwe. 24À nↄ yìgisai Ruma nɛ́nↄ tↄ́n yɛ̀: Teba, Gaamu, Tasa kↄ̃n Maakao.
اکنون انتخاب شده:
NAANA 22: BBB
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bokobaru Bible with New Testament and OT Portions © Sim International, 2005.