NAANA 20
20
Ibraĩ kↄ̃n Abimɛlɛkio
1Ben Ibraĩ fɛ̀ɛ gwe à gàa Nɛgɛvi bùsun Kadɛsi kↄ̃n Suruo dagura. Kɛ̀ à gàa à vɛ̃̀ɛ Gera, 2à bè a naↄ̃ Sara nɛ́ a dãremɛ, ben Gera kí Abimɛlɛki gbɛ̃ zĩ̀ à à sɛ̀ à sùo. 3Ben Luda bↄ̀ à mↄ̀ Abimɛlɛkizi nanaa guu gwãavĩ à bènɛ: Nɛ́ ga nↄↄ kɛ̀ ń sɛ̀ pì yãnzi, zaakɛ nↄzãreemɛ. 4À mↄ̀ à lè Abimɛlɛki e daɛo kↄ̀ro, ben à bè: Dii, nɛ́ borii kɛ̀ aↄ̃ↄe yãke kɛroonↄ dɛdɛn yↄ́? 5Àmbe à bèmɛ a dãrenloo? Nↄgbɛ̃ pì sↄ̃ bè a dãgↄ̃mɛ. Ma yã kɛ̀ a zɛ́amɛ, má taari vĩro. 6Ben Luda bènɛ nanaa pì guu: Eè, má dↄ̃ kɛ̀ n yã kɛ̀ a zɛ́amɛ. Beee yãnzi ma kpannɛ ǹton durun kɛmɛro, mɛ́ɛ we n ↄ kɛ̀ nↄgbɛ̃ pìaro. 7Tia sa, à gↄ̃gbɛ̃ pì nↄↄ kpáa, zaakɛ annabimɛ. Eé adua kɛnnɛ lɛ ǹ gↄ̃ aafia. Tó nɛ́ɛ à nↄↄ pì kpáa sↄ̃ro, ǹgↄ̃ dↄ̃ kɛ̀ n gamɛ, mpi kↄ̃n n gbɛ̃nↄ a píngi.
8Ben Abimɛlɛki fɛ̀ɛ kↄngↄ idɛ'idɛ, à a gbɛ̃nↄ sìsi à yã pì tↄ̃kɛ̃̀ńnɛ ń píngi, ben vĩa ń kũ maamaa. 9Ben Abimɛlɛki Ibraĩ sìsi à bènɛ: Bↄ́yãnzi ń kɛ̀we lɛzi? Bↄ́ taarin má kɛ̀nnɛ gbasa ń tò ma gↄ̃ durundee ũ kↄ̃n ma bùsuo? N yã kɛ̀ dɛ wà kɛroo kɛ̀mɛ. 10Bↄ́ laasuu ń lɛ̀ gbasa n yã pì kɛ̀? 11Ibraĩ wèàla à bè: Mɛ́ɛ daa yã gbɛ̃kee Luda vĩa vĩ bùsu kɛ̀kii guuro, weé ma dɛ ma naↄ̃ yãnzimɛ. 12Beee gbɛra nↄgbɛ̃ pì nɛ́ ma dãremɛ yãpura. Wa de dↄ̃nkↄ̃mɛ, baade kↄ̃n a dao, ben à gↄ̃̀ ma nↄↄ ũ. 13Kɛ̀ Luda ma bↄ ma de bɛ yã, mɛ́ɛ likↄ̃aa zↄ̃ↄ, ben ma bè ma nↄↄ pìnɛ guu kɛ̀ wé gán píngi, à gbɛ̃kɛɛ kɛmɛ àgae be a dãgↄ̃n ma ũ. 14Ben Abimɛlɛki mↄ̀ kↄ̃n sãanↄ kↄ̃n zùnↄ kↄ̃n gↄ̃gbɛ̃ zĩkɛrinↄ kↄ̃n nↄgbɛ̃ zĩkɛrinↄ à kpà Ibraĩa, ben à à naↄ̃ sↄ̀kpanɛ. 15Ben Abimɛlɛki bè: Ma bùsun yɛ̀, ǹ vɛ̃ɛ guu kɛ̀ ń yezin. 16Ben à bè Saranɛ: Ma kondogi ↄↄ bↄrↄ doo kpà n dãgↄ̃a agbaakpabↄ ũ, lɛ gbɛ̃ kɛ̀ aↄ̃ↄ kúnyonↄ dↄ̃ ń píngi kɛ̀ nɛ́ɛ taari kɛro. 17Ben Ibraĩ wɛ́ɛ kɛ̀ Ludaa, ben Luda Abimɛlɛki gbà aafia kↄ̃n à naↄ̃o kↄ̃n à nↄ yìgisainↄ, lɛ aↄ̃ nɛ́ i, 18zaakɛ Dii tò Abimɛlɛki bɛ nↄgbɛ̃nↄ pãa kũ̀ yã Ibraĩ naↄ̃ yã musu.
اکنون انتخاب شده:
NAANA 20: BBB
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bokobaru Bible with New Testament and OT Portions © Sim International, 2005.