1 KƆRINTIDEENƆ 6

Yãkpaɛkɛna kↄ̃o

1Tó a gbɛ̃ke yã vĩ kↄ̃n a Yesude daaao, bↄ́yãnzi è gá yãkpaɛ kɛ kↄ̃n adeeo Luda gbɛ̃nↄ kiiaziroo, sé ludadↄ̃risainↄ kiia? 2Á dↄ̃ kɛ̀ Luda gbɛ̃nↄ bé weé yãkpaɛ kɛ kↄ̃n andunaoroo? Lán ámbe é yãkpaɛ kɛ kↄ̃n andunao nà, ée ká à yãketenↄ gↄ̃gↄ̃roo? 3Á dↄ̃ kɛ̀ wámbe wé yãkpaɛ kɛ kↄ̃n malaikanↄoroo? Weé anduna kɛ̀ki pↄ́ o dↄↄ́? 4Tó á yã beee taka gↄ̃gↄ̃na vĩ, é gbɛ̃ kɛ̀ aↄ̃ↄ dɛ sↄsi gbɛ̃nↄnɛ pↄ́ke ũroonↄ sɛ́ yãgↄ̃gↄ̃rinↄ ũↄ́? 5Ma beee ò lɛ mà wí daawa yãnzimɛ. Á gbɛ̃ke vĩ a tɛ́ kɛ̀ à ↄ̃ndↄ̃ↄ kà à a gbɛ̃nↄ yã gↄ̃gↄ̃ńnɛroo? 6Séto a gbɛ̃ doo a gbɛ̃daaa sísi yãkpaɛa Yesusaideenↄ kiiaↄ́? 7Lán á yã vĩ kↄ̃n kↄ̃o nà, a sãsã yãa kↄ̀ mámmam. Bↄ́yãnzin é we wà a takii kɛroo? Bↄ́yãnzin é tó wà a bleroo? 8Apinↄ eè gbɛ̃ takii kɛ, eè gbɛ̃ ble, baa a kↄ̃ tɛ̃ɛ. 9Á dↄ̃ kɛ̀ gbɛ̃ zaaanↄ é gɛ̃ kpata kɛ̀ bↄ̀ Luda kiia guuroo? Àton a zĩnda sãsãro, pãpãkɛrinↄ ke tãagbãgbãrinↄ ke zinakɛrinↄ ke gↄ̃gbɛ̃ kaaruanↄ ke gbɛ̃ kɛ̀ aↄ̃è daɛ kↄ̃n ń gↄ̃gbɛ̃ daaaonↄ 10ke kpãinↄ ke wãkũdeenↄ ke wɛ̃dɛrinↄ ke gbɛ̃yakarinↄ ke gbɛ̃blerinↄ, aↄ̃ gbɛ̃ke é gɛ̃ kpata kɛ̀ bↄ̀ Luda kiia guuro. 11A gbɛ̃kenↄ dɛ lɛmɛ yã, ben a zú ò, a gↄ̃ Luda pↄ́ ũ, Ludaa tò yã bↄ̀ao nna kↄ̃n Dii Yesu Kirisi tↄ́o kↄ̃n wa Luda Nini gbãaao.

Wà pãpãkɛna tó

12Eè be, á yã píngi kɛna zɛ́ vĩmɛ. Mↄde yãkenↄ àre vĩro. Eè be, á yã píngi kɛna zɛ́ vĩmɛ. Mↄde àton tó yãke bà káare a yĩnlo. 13Eè be dↄ, pↄ́blee nɛ́ nↄ̀sɛ pↄ́mɛ, bensↄ̃ nↄ̀sɛ nɛ́ pↄ́ble pↄ́mɛ. Baa kↄ̃n beeeo Luda é ń píngi kaatɛ. Mɛ̀ nɛ́ pãpãkɛbↄnlo, Dii pↄ́mɛ, bensↄ̃ Dii bé mɛ̀ pì gwàri ũ. 14Luda wa Dii bↄ̀ gaan, bensↄ̃ eé wa bↄ gaan kↄ̃n a gbãaao. 15Á dↄ̃ kɛ̀ a mɛ̀ bé Kirisi mɛ̀guunↄ ũroo? Weé Kirisi mɛ̀gu sɛ́ wà kɛ kaarua mɛ̀guu ũn yↄ́? Wàton ero! 16Á dↄ̃ kɛ̀ gbɛ̃ kɛ̀ kàkↄ̃a kↄ̃n kaaruao kɛ̀o mɛ̀ dↄ̃nkↄ̃nloo? À kɛ̃na Luda yãn wà bè, aↄ̃ gↄ̃ↄn plaaa é gↄ̃ mɛ̀ doo ũ. 17Gbɛ̃ kɛ̀ kàkↄ̃a kↄ̃n Diio kɛ̀o mɛ̀n do Ninii guu. 18À kɛ̃ pãpãkɛnaa. Durun pãnde kɛ̀ gbɛ̃ è kɛ píngi bà kú à mɛ̀oro. Pãpãkɛri sↄ̃ è durun kɛ a mɛ̀nɛmɛ. 19Á dↄ̃ kɛ̀ a mɛ̀ bé Ninii kɛ̀ Luda a gba, kɛ̀ kú a guu kpɛ́ ũroo? Ámbe á a zĩnda vĩro, 20Luda a lu, à fĩa bò. Bee yãnzi à Luda tↄ́ bↄ kↄ̃n a mɛ̀o.

اکنون انتخاب شده:

1 KƆRINTIDEENƆ 6: BBB

های‌لایت

کپی

مقایسه

به اشتراک گذاشتن

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

در مورد Bokobaru Bible اطلاعات بیشتر کسب کنید

1 KƆRINTIDEENƆ 6

آیات محبوب کتاب مقدس از
1 KƆRINTIDEENƆ 6

بشنويد 1 KƆRINTIDEENƆ 6

كتاب‌ مقدس:

Bokobaru

ترجمه: Bokobaru Bible - BBB