MALAKI 4
4
Dikiri sugɔrɔ zĩ
1Makũ Dikiri Zĩ̀karide ma pì: À ma! Gɔrɔ pì tɛn su, anigɔ̃ wãna lán tãmatɛ bà, akũsɔ̃ ĩadãrinɔ kũ yãvãnikɛrinɔ nigɔ̃ de lán sɛ̃̀ kori bà. Gɔrɔ pì ni ń kpata ń pínki, ń zĩni ke ń ɔnɛ ni gɔ̃ro. 2Ákɔ̃nɔ kũ á ma vĩna vĩnɔ sɔ̃, á surabana Ifãntɛ̃ ni bo, aafia nigɔ̃ kú a gupurai. Áni bɔtɛ àgɔ̃ vĩvĩ lán zùnɛ kũ ò ń gbárɛnɔ bà. 3Makũ Dikiri Zĩ̀karide ma pì: Gɔrɔ kũ ma bo kũ yão áni gɛ̀sɛ pɛ́tɛpɛtɛ gbɛ̃ vãninɔa, onigɔ̃ de lán túbu bà á gbá gɛ̃i.
4À tó doka kũ ma kpà ma zɔ̀bleri Musaa zaa Orɛbu gɔ̃ dɔágu, yã kũ ma dìtɛ Isarailanɔnɛ kũ yã kũ ma dàńnɛo. 5À ma! Mani annabi Ilia zĩáwa ari ma sugɔrɔ zɔ̃kɔ̃ vĩnade gɔ̃ gɛ́ ká. 6Ani tó denɔ pɔ gɔ̃ kú ń nɛ́nɔa akũsɔ̃ nɛ́nɔ pɔ nigɔ̃ kú ń denɔa. Tó lɛnlo, mani su mà ɔ pãtɛpãtɛ á bùsun mà lɛ́ kɛárɛ.
اکنون انتخاب شده:
MALAKI 4: BB2005
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bisã Bible © SIM International, 2005.