Sof 2
2
Wusoo a wo Dɛnaa Lawa li
1Ka n lɛ sɔkɔn, ka kaa kun,
kasɛn tɔrɔn sìi doɛ̃baã wolen kɛn lɛn,
2kiri pinaa kɛ laan bɛ̀ a n doe,
lɛawaan laan bɛ̀ maǹ papaɛ̃
ka kaã bɛ́ lɔn kiɛ̃ piɛ̃ li,
Dɛnaa Lawa a foo-yoo baraa
kɛ laan bɛ̀ a n doe ka-a,
Dɛnaa Lawa a foo-yoo pinaa
kɛ laan bɛ̀ a n gisĩ ka la.
3Kasɛn mɛnɛn bɛ́ din gisĩ wolen lɛa tán la,
ka n pepere,
ka ga Dɛnaa Lawa li.
A din nə peperebaa mɛn koa,
ka n yiri kɔ bɛ li.
Ka ga din gisĩ li.
Kɔntan, Dɛnaa Lawa a foo-yoo baraa
lɛawaa lɛa pinaa
ka á re kanbiɛ.
Lɛ̀nyɛɛn gɔn la wɔ paǹ li
4 #
Iza 14.29-31; Zer 47.1-7; Eze 25.15-17; Zow 4.4-8; Amɔ 1.6-8; Zak 9.5-7 Gaazaa kiwi kɛ gɔ́ɔ̃ kooro n die goɛ̃.
Asikalɔn sɛ n die n bɔ̀n biɛ.
Asidɔdi minin tá re n lui penleen tã.
Ekrɔn kiwi kɛ sɛ n die n wurii#2.4 Bɛa kiwi sii kɛ lɛ n Filisiti gána a kiwi dadaran lɛa..
5Kasɛn mɛnɛn bɛ́ boe tà lɛ-a gánan nɛ,
Kerɛti minin lɛa
bɔ̀n nə kaa wɔ lɛa.
Kiri mɛn bɛ́
Dɛnaa Lawa n die we ka ganaa,
bɛ á ke:
«Kanaan#2.5 Filisiti minin kɛn giã-n Kanaan gána nɛ, maǹ boe Kerɛti., Filisiti minin gána,
man die n bɔ̀n biɛ,
ma n minin si n la lenlen.
6Ń gána paǹ mɛn bɛ́ dia-n yìsi
mu la,
ma á re bɛ biɛ tɔɔn buu sɔ̃ ǹ
bǎã lɛa,
tɔɔn-lɛduəlin kiɛ̃ ǹ bǎã lɛa,
sèren kaa ǹ bǎã lɛa.»
7Zudaa tɔrɔn mɛnɛn yii goã koo
bǎã lɛ n die goɛ̃ bɛn wɔ lɛa.
Maǹ die ǹ tɔɔn lɛduĩ walan,
wasamiɛ̃nɛ, ǹ wo waa tán
Asikalɔn a kionən kɛn nɛ.
A giala, Dɛnaa Lawa,
Zudaa tɔrɔn Lawa n die
n yiri koɛ ǹ li, a wusoo doo,
a bǐɛ̃ kɔ ǹ ganaa ka gɔn
nyɔmiɛ̃ sonbore ne.
Lɛ̀giala gɔn la wɔ paǹ li
8 #
Iza 15.1–16.14; 25.10-12; Zer 48.1–49.6; Eze 21.28-32; 25.1-11; Amɔ 1.13-15 Má Moabu minin sɔ kɔn kɛn ma,
ka Amɔnitin din koa ǹ boon kɛn nɛ.
Maǹ nə́ sɔ kɔ maa zaman ganaa,
ǹ nə́ ǹ dinin gána gole kɔ
bɛ̀ ǹ tá maa zaman lɛ a bǎãn
tɛnɛn sii ǹ la.
9 #
SGK 19.24
Bɛ lɛ nɛ,
masɛ kanaa tumaa a
Dɛnaa Lawa Pàãyiidɛnaa,
Izirayeli a Lawa a da ǹ boo á ke:
A ma toa ma yii n koo,
Moabu n die n biɛ
ka Sodɔmu kiwi bɛ́ lɔn,
Amɔn minin kɛn man die goɛ̃
ka Gomɔɔrɔ kiwi bɛ́ lɔn,
ǹ gána n die n biɛ
nyan tewon lɛa,
yìsi yala lɛa,
ziziɛ̃-n miɛ̃ yǎa duduu.
Maa zaman a min mɛnɛn
yii goã koo,
bɛn tá re ǹ gɔn dudui.
Maa gána minin mɛnɛn
yii bɛ́ koo,
bɛn tá re ǹ biɛ kíɛ̃ lɛa.
10Ǹ bɛ́ re màn mɛn yii
ǹ din gole kɔ lɛ taman yii
bɛ n ka kɛ lɛ nɛ.
A giala, maǹ nə́ sɔ kɔ kanaa tumaa a
Dɛnaa Lawa Pàãyiidɛnaa
a zaman ganaa,
ǹ nə́ yaa wɔ ǹ ganaa,
ǹ nə́ ǹ dinin gána gole kɔ
bɛ̀ ǹ tá maa zaman a bǎãn sii ǹ la.
11Dɛnaa Lawa n die kakaarɛ koe
ǹ ganaa parsiini.
A n die bɔ̀n diɛ ǹ dì kooron
kɛn tumaa ganaa
tán la.
Gána mɛn tumaa wɔlɔ bɛ́ lui ni,
bɛn tumaa n die n toɛ ǹ gána nɛ,
ǹ nə n kuruməə tán-a a yɔrɔ-a.
Gusin a lɛ̀gɔn la wɔ paǹ li
12 #
Iza 18.1-7
Kasɛn dɔn Etiopii minin lɛn
man die ka bɔ̀n biɛ zia la!
Gɔsɛ a lɛ̀gɔn la wɔ paǹ li
13 #
Iza 10.5-34; 14.24-27; Nah 1.1–3.19 Dɛnaa Lawa n die yui gɔsɛ a
lɛ̀gɔn la gialaa.
Á re Asiirii bɔ̀n biɛ lenlen,
a Ninivu ziziɛ̃
a baa bǎã gere lɛa
ka diə gole bɛ́ lɔn.
14A n die tɔɔn waa tán-a ǹ bǎã biɛ.
Tɔɔ tɔrɔ tumaa,
kɔlɔn nɛ, tèlò bàanan nɛ,
bɛn man die lɛ̀ wɛɛ
ǹ kion a mɛnɛn mala.
Bàanan lɛ á re boe ǹ fenɛtərən lɛ-a.
Foo-ziziɛ̃ tá re goɛ̃ ǹ kiɛnlɛ-a,
ǹ tá re ǹ bìbìn woɛ̃ ǹ zũ.
15Ninivu n die goɛ̃ kɛnɛn lɛn,
asɛ mɛn bɛ́ á goã foo kɔɔ̃nbaa la,
ka là nyantoro ne,
a n pii a gɔ́ɔ̃ nɛ:
«Min kɔn ba ka wɔ bɛ́ lɔn wa!»
Sɛnɛ, Ninivu kɛbɔlɔ baa
á don siĩn duru ǹ bǎã baa.
Min mɛn tumaa bɛ́ kiɛ̃ walan,
maǹ puru diɛ a ganaa,
ǹ nə́ n gɔn pɛsɛ̃#2.15 Maǹ nə́ n gɔn pɛsɛ̃ a ganaa, bɛ n nyɛɛ mà maǹ yaa we a ganaa, hinlaa min kooron sii zɛnaa ǹ gɔn nɛ..
Zeruzalɛmu sii baraa zɛnaa sɛnɛ á re kirisibiɛ
اکنون انتخاب شده:
Sof 2: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.