Zak 4
4
Sii yɛ soorobaa ǹ wɔ: Bolon koa ǹ bǎã laanka a olivie dan
1Lon a dia dí-a wole mɛn lɛ da boo da ma nɛ, á wusoo á daa ma bũ ka min bɛ́ nyuù-n lɔn. 2Á nɔ̀n da ma la kɛnɛn: «N yii n wàa ganaa?» Má a lɛ si kɛnɛn: «Ma yii n bolon koa ǹ bǎã ganaa, sana lɛa. Nyɔɔ kaa ǹ bǎã na a ganaa a lon wɔlɔ-a. Bolon sɔbaa na a ganaa, tɛ sɔbaa n bolon lɛ a gogoonmaa ganaa. 3#SNS 11.4 *Olivie da màn paa n kunu nyɔɔ kaa ǹ bǎã lɛ li, goon nə gusin, goon nə gɔsɛ.» 4Lon a dia dí-a wole mɛn lɛ bɛ́ boo diɛ ma nɛ, má nɔ̀n da bɛ la kɛnɛn: «Kɛ n wàa giala pii, maa Dɛnaa?» 5Á ma lɛ si: «N ba bɛ doɛ̃ wa?» Má a lɛ si kɛnɛn: «Haayii, Dɛnaa.» 6#Ɛsid 5.2 Á ma lɛ si á pɛ: Kɛ n Dɛnaa Lawa a boo lɛa Zorobabeli wɔ paǹ li.
«Dí ke n gɔn,
n din a foo tãbaa hinlaa n pàã
kɛ bie die toɛ n boo la n nya wa,
sɛnɛ, ma din yiri kɛ nɛ,
Dɛnaa Lawa Pàãyiidɛnaa n pii miɛ̃.»
7Á pɛ doo:
«Kele kaaraa#4.7 Zakarii n boo diɛ kɛbɔlɔ kɛ wɔ paǹ li Lawa a kion bǎã nɛ. kɛ n die n sàabiɛ a ganaa?
Zorobabeli, n tá re bɔyɛɛ n baa nyankɔrɔ basa lɛa.
N tá re Lawa a kion a gòã
daa ǹ kɔlɔ boe a nɛ.
Minin tá re n lɛ dii,
ǹ pɛ mà á siĩni, mà á siĩni.»
8Dɛnaa Lawa wusoo á kɛ pɛ ma-n doo:
9«Zorobabeli Lawa a kion lɛ
gòã daa.
A din dɔ n die nyɔmiɛ̃.»
Bɛ̀ bɛ nə́ n zɛnaa ǹ mɛn waáraa,
ka á re doɛ̃ ka bɛ nɛ
mà Dɛnaa Lawa Pàãyiidɛnaa
na á ma dia ka li.
10 #
SNS 5.6
Doa boɛɛn mɛn nə n wɔ
sii giala kɔ waáraa,
ka nyan zín bɔ bɛ-n wa.
Zorobabeli bɛ́ re Lawa a kion
lɛ a doe giala koe,
ka doamaa-n ka n nyanyaa.
«Bolon sɔbaa kɛ n goon ka
Dɛnaa Lawa yiin ni.
Maǹ giɛ tán tumaa walan.»
11 #
SNS 11.4
Má nɔ̀n da la má pɛ: «Olivie dan kɛn bolon koa ǹ bǎã kɛa gusin ka a gɔsɛ, bɛn man wàa giala pii?» 12Má nɔ̀n da la doo: «Olivie da gɔn màn paan kɛn sana tiyoo màn paan kɛn genli, nyɔɔ yii lɔɔdɛnaa n baa sii ǹ ni, bɛn man wàa giala pii?» 13Á ma lɛ si kɛnɛn: «N ba bɛ doɛ̃ wa?» Má a lɛ si: «Haayii, maa Dɛnaa.» 14Á tɔn a giala pɛ ma-n kɛnɛn: «Giĩ màn paa mɛnɛn nə n bɔ, ǹ nə́ n koa tán tumaa a Dɛnaa a dí taman yii, bɛn manɛ.»
اکنون انتخاب شده:
Zak 4: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.