Iza 7
7
Izayii n Lawa a boo diɛ kii Ahaazi ni
1 #
Kiin2 16.5; KZS2 28.5-6 Oziasi a nɛgiĩ Zoatamu a nɛgiĩ Ahaazi a kiibaa biikoo li Zudaa gána nɛ, Siiriin kii Resini laanka Remalia a nɛgiĩ Izirayelin kii Pekaa daa zia baa Zeruzalɛmu ganaa. Sɛnɛ, ǹ gɔ̀lɔ̀baa yɛ wa. 2Lɛ dia dɔ Davida tɔrɔ Ahaazi ganaa, ka a kiodɛnan tumaa nɛ, mà Siirii minin nə́ wɔ Efrayimu gána nɛ. Bɛa kibərə lɛ bìn da kii laanka a zaman ganaa parsiini ka piɛ̃ bɛ́ bìn diɛ da ganaa lɔn. 3Dɛnaa Lawa tɔ́n pɛ Izayii-n kɛnɛn: – N nɛgiĩ Seyara-Zakɔba#7.3 Bɛa tɔ lɛ giala mà gialakun tá re wusii ǹ daa. kũ, ka wo n da Ahaazi lɛ. Á kunu mu dɔn kaaraa kɛ-a mu a baa si ǹ zii ganaa, gàra-wɔlen wuru zii la. 4N die n pɛ-n kɛnɛn: «Giã kiĩ ni, n nyan nyɛ́ɛ baa wa. Resini a foo yoo ka Siirii minin laanka Remalia a nɛgiĩ a foo yoo kɛ nyan nə n gɔ̀nɔn bìn da wa. Maǹ ka tɛ n gɔn lɛ màn paa á ke lɔn tɛmaa boe. 5Ma á doɛ̃ máa Siirii minin laanka Remalia a nɛgiĩ ka Efrayimu tɔrɔn kɛn man taasiɛ baraa we n wɔa paǹ li ǹ nə́ pii: 6Ka wɔ n ta Zudaa gána gialaa, wɔ nyɛ́ɛ da a ganaa, màn mɛn bɛ́ toɛ a n kaa kun ka wɔ nɛ, wɔ Tabeyeli a nɛgiĩ koa kii lɛa gána lɛ mìi la.» 7Sɛnɛ, á ke Dɛnaa Lawa n kɛ pii:
Bɛa yɔrɔ yii duduu wa,
a boe wa.
8A giala,
Damaasi ke Siirii a kiwi gole lɛa,
Resini n kiã lɛa walan.
Kànaa ka lɛ pɔsɔrɔ ka sooro,
Efrayimu á re yui,
a re tɔrɔ biɛ doo wa.
9Samarii kɛ dɔ Efrayimu
tɔrɔn kiwi gole lɛa,
Remalia a nɛgiĩ sɛ n kii
lɛa walan.
Bɛ̀ ka n foo doa
Dɛnaa Lawa ganaa wa,
ka a re yii-nyɛɛ yii wa.
Lawa n Emanuwɛli a yɛ boo diɛ
10Dɛnaa Lawa wusoo á kɛ pɛ Ahaazi ni: 11«Dɛnaa Lawa, n Lawa nyankɔ mà a sii a kɔnboe nyaa n nɛ boe geren piɛ hinlaa lon gɔ̀nɔn ganaa.» 12Sɛnɛ, Ahaazi ná a lɛ si kɛnɛn: «Haayii, ma a re màn kɔn nyankoe wa. Ma a re n diɛ Dɛnaa Lawa gɔ́ɔ̃ li wa.» 13Izayii tɔ́n pɛ kəni: «Davida tɔrɔn lɛn, ka bǐɛ̃ kɔ ka n too kɔ! Ka n kaa zaman nɔmɛɛ, bɛa doe ka yii li wa ka n zoɛ̃ li ka maa Lawa dɔ nɔmaa? 14#Mat 1.23 Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ". 15Maǹ die toe ka nàari laanka zoo nyɔɔ nɛ, yǎa a sii baraa laanka sii sonbore bɔ kɔnlɛ doɛ̃. 16Nɛnyaan lɛ laan bɛ̀ a n sii baraa laanka sii sonbore bɔkɔnlɛ doɛ̃, kii màn paan kɛn lɛn nyɛ́ɛ diɛ n ganaa, ǹ zaman tá re ǹ gánan toɛ walan. 17Sɛnɛ, nsɛ, Dɛnaa Lawa n die koe baraa diɛ n la, n tɔrɔn nɛ, ka n kion minin ni, koe mɛn bɛ́ a miã tɔn yɛ wa, a kũ Efrayimu gána laanka Zudaa gána a na kɔn waáraa kɛ ganaa. Koe lɛ a daa ǹ gòã n die boe Asiiriin kii li.»
Asiirii minin tá re n koe gána lɛ lɛ
18Bɛa pinaa kɛ nɛ,
Dɛnaa Lawa n die pìi pii,
a nyuunun bíi Niili laanka tà a tɔ kɔnlɛ ǹ bǎã kɛ nɛ,
ka zoon ne boe Asiirii gána nɛ.
19Ǹ tá re kiɛ
nyankɔrɔn kɛn nɛ kɔlɔ lɛa,
gɛ̀fu yalan nɛ,
tewon tumaa nɛ,
ka tɔɔn buu sɔ̃ ǹ bǎã tumaa nɛ.
20Bɛa pinaa kɛ nɛ,
Dɛnaa n die kùn dɔnbii
Efrati tà paǹ goon minin kɛn la.
Bɛ n ka Asiiriin kii ni.
Á re ka ka tumaa koɛ̃,
ka mìi ka nɛ,
ka ka lɛtoro ka dɔ din ni.
21Bɛa waáraa kəni,
didie n die dii dan goon toe
ka bòe màn paa nɛ.
22Ǹ nyɔ mu n die
mɔnɛɛ taãn-taãnɛ,
yǎa ǹ na a nàari biɛ màn-bii lɛa.
Min mɛn tumaa goã gána lɛ nɛ,
bɛn tá re n dinin toe
ka nàari laanka zoo nyɔɔ nɛ.
23Bɛa pinaa kəni,
wuru mɛn bɛ́
*rezɛ̃ da duu goon (1 000) ná a nɛ,
a n kɔnpii wɔrɔ we duu goon ne,
ǹ tá re n la boe bɛ ganaa
a nyan tewon baa.
24A nyan tewonbaa lɛ a lɛa,
ǹ tá re we a nɛ,
sa laanka kiɛn nə́ ǹ gɔn.
25Nyan tewonən lɛn taman yii,
ǹ goã wurun mɛnɛn
kɔsɛ tentenen la,
min kɔn ba re n gòã diɛ
walan doo wa.
A n die tɔɔn buu sɔ̃ ǹ bǎãn biɛ,
sèren nə tɔ wɔ a nɛ.
اکنون انتخاب شده:
Iza 7: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
Iza 7
7
Izayii n Lawa a boo diɛ kii Ahaazi ni
1 #
Kiin2 16.5; KZS2 28.5-6 Oziasi a nɛgiĩ Zoatamu a nɛgiĩ Ahaazi a kiibaa biikoo li Zudaa gána nɛ, Siiriin kii Resini laanka Remalia a nɛgiĩ Izirayelin kii Pekaa daa zia baa Zeruzalɛmu ganaa. Sɛnɛ, ǹ gɔ̀lɔ̀baa yɛ wa. 2Lɛ dia dɔ Davida tɔrɔ Ahaazi ganaa, ka a kiodɛnan tumaa nɛ, mà Siirii minin nə́ wɔ Efrayimu gána nɛ. Bɛa kibərə lɛ bìn da kii laanka a zaman ganaa parsiini ka piɛ̃ bɛ́ bìn diɛ da ganaa lɔn. 3Dɛnaa Lawa tɔ́n pɛ Izayii-n kɛnɛn: – N nɛgiĩ Seyara-Zakɔba#7.3 Bɛa tɔ lɛ giala mà gialakun tá re wusii ǹ daa. kũ, ka wo n da Ahaazi lɛ. Á kunu mu dɔn kaaraa kɛ-a mu a baa si ǹ zii ganaa, gàra-wɔlen wuru zii la. 4N die n pɛ-n kɛnɛn: «Giã kiĩ ni, n nyan nyɛ́ɛ baa wa. Resini a foo yoo ka Siirii minin laanka Remalia a nɛgiĩ a foo yoo kɛ nyan nə n gɔ̀nɔn bìn da wa. Maǹ ka tɛ n gɔn lɛ màn paa á ke lɔn tɛmaa boe. 5Ma á doɛ̃ máa Siirii minin laanka Remalia a nɛgiĩ ka Efrayimu tɔrɔn kɛn man taasiɛ baraa we n wɔa paǹ li ǹ nə́ pii: 6Ka wɔ n ta Zudaa gána gialaa, wɔ nyɛ́ɛ da a ganaa, màn mɛn bɛ́ toɛ a n kaa kun ka wɔ nɛ, wɔ Tabeyeli a nɛgiĩ koa kii lɛa gána lɛ mìi la.» 7Sɛnɛ, á ke Dɛnaa Lawa n kɛ pii:
Bɛa yɔrɔ yii duduu wa,
a boe wa.
8A giala,
Damaasi ke Siirii a kiwi gole lɛa,
Resini n kiã lɛa walan.
Kànaa ka lɛ pɔsɔrɔ ka sooro,
Efrayimu á re yui,
a re tɔrɔ biɛ doo wa.
9Samarii kɛ dɔ Efrayimu
tɔrɔn kiwi gole lɛa,
Remalia a nɛgiĩ sɛ n kii
lɛa walan.
Bɛ̀ ka n foo doa
Dɛnaa Lawa ganaa wa,
ka a re yii-nyɛɛ yii wa.
Lawa n Emanuwɛli a yɛ boo diɛ
10Dɛnaa Lawa wusoo á kɛ pɛ Ahaazi ni: 11«Dɛnaa Lawa, n Lawa nyankɔ mà a sii a kɔnboe nyaa n nɛ boe geren piɛ hinlaa lon gɔ̀nɔn ganaa.» 12Sɛnɛ, Ahaazi ná a lɛ si kɛnɛn: «Haayii, ma a re màn kɔn nyankoe wa. Ma a re n diɛ Dɛnaa Lawa gɔ́ɔ̃ li wa.» 13Izayii tɔ́n pɛ kəni: «Davida tɔrɔn lɛn, ka bǐɛ̃ kɔ ka n too kɔ! Ka n kaa zaman nɔmɛɛ, bɛa doe ka yii li wa ka n zoɛ̃ li ka maa Lawa dɔ nɔmaa? 14#Mat 1.23 Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ". 15Maǹ die toe ka nàari laanka zoo nyɔɔ nɛ, yǎa a sii baraa laanka sii sonbore bɔ kɔnlɛ doɛ̃. 16Nɛnyaan lɛ laan bɛ̀ a n sii baraa laanka sii sonbore bɔkɔnlɛ doɛ̃, kii màn paan kɛn lɛn nyɛ́ɛ diɛ n ganaa, ǹ zaman tá re ǹ gánan toɛ walan. 17Sɛnɛ, nsɛ, Dɛnaa Lawa n die koe baraa diɛ n la, n tɔrɔn nɛ, ka n kion minin ni, koe mɛn bɛ́ a miã tɔn yɛ wa, a kũ Efrayimu gána laanka Zudaa gána a na kɔn waáraa kɛ ganaa. Koe lɛ a daa ǹ gòã n die boe Asiiriin kii li.»
Asiirii minin tá re n koe gána lɛ lɛ
18Bɛa pinaa kɛ nɛ,
Dɛnaa Lawa n die pìi pii,
a nyuunun bíi Niili laanka tà a tɔ kɔnlɛ ǹ bǎã kɛ nɛ,
ka zoon ne boe Asiirii gána nɛ.
19Ǹ tá re kiɛ
nyankɔrɔn kɛn nɛ kɔlɔ lɛa,
gɛ̀fu yalan nɛ,
tewon tumaa nɛ,
ka tɔɔn buu sɔ̃ ǹ bǎã tumaa nɛ.
20Bɛa pinaa kɛ nɛ,
Dɛnaa n die kùn dɔnbii
Efrati tà paǹ goon minin kɛn la.
Bɛ n ka Asiiriin kii ni.
Á re ka ka tumaa koɛ̃,
ka mìi ka nɛ,
ka ka lɛtoro ka dɔ din ni.
21Bɛa waáraa kəni,
didie n die dii dan goon toe
ka bòe màn paa nɛ.
22Ǹ nyɔ mu n die
mɔnɛɛ taãn-taãnɛ,
yǎa ǹ na a nàari biɛ màn-bii lɛa.
Min mɛn tumaa goã gána lɛ nɛ,
bɛn tá re n dinin toe
ka nàari laanka zoo nyɔɔ nɛ.
23Bɛa pinaa kəni,
wuru mɛn bɛ́
*rezɛ̃ da duu goon (1 000) ná a nɛ,
a n kɔnpii wɔrɔ we duu goon ne,
ǹ tá re n la boe bɛ ganaa
a nyan tewon baa.
24A nyan tewonbaa lɛ a lɛa,
ǹ tá re we a nɛ,
sa laanka kiɛn nə́ ǹ gɔn.
25Nyan tewonən lɛn taman yii,
ǹ goã wurun mɛnɛn
kɔsɛ tentenen la,
min kɔn ba re n gòã diɛ
walan doo wa.
A n die tɔɔn buu sɔ̃ ǹ bǎãn biɛ,
sèren nə tɔ wɔ a nɛ.
San Bible Protestant Edition © Bible Society of Burkina Faso, 2011.