Iza 20
20
Ezipti minin laanka Etiopii minin gɔn waa manɛ
1Kɛ na á kɔnpɛ bɛ̀ Asiiriin kii Sargɔn ná a sɔraasin goledɛnaa dia á woo zia baa Asidɔdi ganaa Filisiti gána nɛ. Sɔraasin goledɛnaa lɛ yoo kiwi lɛ gialaa á kũ. 2Bɛa waáraa lɛ nɛ, Dɛnaa Lawa pɛ Amɔsi a nɛgiĩ Izayii-n kɛnɛn: «Gɛ̀ koa ǹ mɔnaa ke n binbin ni ka n gòãn ganaa ǹ kɔsɔnɔn kɛn nɛ, bɛn waa n nə ǹ bɔ n ganaa.» Izayii lɛ kɔ, á n gɔ̀nɔn kooro da, á tɔ wɔ a gòã kooro ne. 3Dɛnaa Lawa tɔn pɛ kəni: «A lɛ̀ sɔɔ n ka kɛ nɛ maa dí-nyali Izayii tá n bibiĩ a gɔ̀nɔn laanka a gòã kooro ne. Bɛ n sii a kɔnboe ka gɔn waa lɛa, Ezipti gána laanka Etiopii gána wɔ lɛa. 4Asiiriin kii á re Ezipti minin biɛ bɛ̀rɛn lɛa, a Etiopii minin goa a wo ǹ ne. A n die woe ǹ ne, nɛ tenən laanka min zizin ni, ǹ gɔ̀nɔn laanka ǹ gòã kooromaa, ǹ tontoro n diɛ nɛ. Bɛ á re sìi biɛ Ezipti minin ganaa. 5Min mɛnɛn nə n foo doa Etiopii gána ganaa, hinlaa ǹ nə́ n dinin gole koe Ezipti a dɔmalɛn taman yii, nyɛ́ɛ á re bɛn kuĩ, sìi nə ǹ wɔ baa.» 6Bɛa pinaa kɛ nɛ, min mɛnɛn bɛ́ giã-n Yìsi mu gole lɛkoro lɛ-a, bɛn tá re pii: «Wɔ foo bɛ́ doa-n min mɛnɛn ganaa, sii mɛn bɛ́ bɛn yii, bɛ n ka kɛ nɛ! Wɔ n wɔ́ goã wáa wɔ n duru ǹ li, ǹ nə n dɔ wɔ lɛ, ǹ wɔ si Asiiriin kii la. Sɛnɛ, wɔ n die siɛ lɔn wɔ kirisibaa sisia kəni?»
اکنون انتخاب شده:
Iza 20: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.