Iza 18
18
Etiopii minin gɔn waa manɛ
1 #
Sof 2.12
Ebe, gána goon tan Etiopii tàn kio
nyàa kan wuu n boe a nɛ.
2Bɛa gána lɛ n dia dí-a wolen
diɛ yìsi mu la,
ka tà dɔ nɛ,
mu la ǹ goo ne zɛnaa-n
ka gɛnkurun da nɛ!
Dia dí-a wole yii fuunaan lɛn,
ka wo tɔrɔ sɔsɔrɔ gɔ̀nɔn tɛ-pɛle kɛ li.
Ka wo tɔrɔ kɛ li nyɛ́ɛ diɛ
bǎã tumaa nɛ,
pàã nə ǹ lon,
ǹ nə́ ǹ zɔ́ɔn yɔyɔrɛ.
Tàn man kiɛ̃ ǹ gána nɛ.
3Kasɛn kanaa tumaa minin,
kasɛn mɛnɛn bɛ́ tán piɛ̃,
bɛ̀ ka zazan yɛ tenten la
biikoo mɛn li,
ka ga!
Bɛ̀ ka sère gɔ̀lɔ̀ bɛn wuu ma
ǹ mɛn waáraa,
ka n too kɔ!
4A giala,
Dɛnaa Lawa pɛ ma-n kɛnɛn.
Ma bɛ́ giã-n bǎã mɛn nɛ,
man zoɛ̃ li ma giã kiĩni,
ka kaa-piɛ waáraa labara bɛ́ lɔn.
Man zoɛ̃ li ma ga gongon,
ka sɛ̀fuu waáraa a wasa bɛ́ lɔn.
5Kaa-piɛ laan bɛ̀ a dɔ,
ǹ mɛn waáraa bɛ̀ *rezɛ̃ da
buũ kɔ á nya,
a nɛ n zoɛ̃ li a ma,
gùrùn mɛnɛn bɛ́ ǹ là
ná a banban,
maǹ bɛn boe ka kuku ni.
Maǹ nə ǹ kuri, maǹ a gɔnɔn boe.
6A din yɔrɔ goon la,
Etiopii minin dɔn tá re n toɛ walan
kele la ǹ sían laanka don mànan gɔn.
Sían tá re ǹ mui bɔ̀nɔn,
don mànan nə ǹ sɔ̃ taãlan.
7Bɛa biikoo li kəni, tɔrɔ sɔsɔrɔ gɔ̀nɔn tɛ-pɛle kɛ á re gɔn mànan koe Dɛnaa Lawa Pàãyiidɛnaa la, ǹsɛn kɛn lɛn nyɛ́ɛ diɛ bǎã tumaa nɛ, pàã nə ǹ lon, ǹ nə́ ǹ zɔ́ɔn yɔyɔrɛ, tàn nə́ kiɛ̃ ǹ gána nɛ. Maǹ woe bɛa gɔn mànan lɛn nɛ *Siɔn kele la, ka bǎã kɛ nɛ Dɛnaa Lawa Pàãyiidɛnaa tɔ n la.
اکنون انتخاب شده:
Iza 18: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.