Oz 14
14
1Samarii minin doamaa nɛ
ǹ nə n sii baraa giɔ̀mɔ saraa,
a giala maǹ nə́ n piã ka ǹ Lawa nɛ.
Zia á re ǹ dii ǹ gã,
ǹ tá re ǹ nɛ tiɛɛ̃nɛn yɔyɔrɛ,
ǹ tá re ǹ lɔ nɔ̀naan nɔ̀ wɔsɛ.
Bɔyaa ka nyin dii
2Izirayeli, wusoo n da
Dɛnaa Lawa, n Lawa li,
a giala,
n sii baraa lɛ na á toa n mɛnaa.
3Ka boo yɔrɔ bɔ
ka wusoo ka da Dɛnaa Lawa li,
ka pɛ nɛ:
Sii baraa tumaa papaã,
n lɛ kɔ sii sonbore tumaa ganaa.
Wɔ n wɔ lɛgɔ́ɔ̃ ǹ boo koe n la
*wúlu màn lɛa,
dii gɔ̀lɔ̀n bǎã nɛ.
4Asiirii a boe la a wɔ kirisibaa wa,
wɔ a re dii sùin la wa.
Wɔ dinin gɔnɔn nə mànan
mɛnɛn zɛnaa,
wɔ a re pii bɛn man doo:
"wɔa Lawa" wa.
A giala nɛ toen nə kiɛ n din yele.
5Ma á re Izirayeli a piã ka
Lawa-n kɛ boe
ma bɔ a ganaa,
ma a re narɛ ka ma foo tumaa nɛ.
Maa foo yoo lɛ á re n kanɛɛ
a n bɔ li.
6Man die goɛ̃ ka pele bɛ́ lɔn
Izirayeli ganaa.
A n die buũ koe ka da bɛ́ lɔn,
a gòonən nə wɔ tán
ka Liban a daã kɛ bɛ́ lɔn.
7Á re gɔnɔn nyoɛ̃,
a siĩnbaa n die goɛ̃
ka Olive da bɛ́ lɔn,
a gìĩ a kɔɔ̃nbaa n die goɛ̃
ka Liban wɔ bɛ́ lɔn.
8Min mɛnɛn nə goã giã nɛ
a wúlu li,
ǹ tá re wusii ǹ daa.
Ǹ tá re wusii ǹ *belee kɔsɔ,
ǹ tá re buũ koe
ka *rezɛ̃ da bɛ́ lɔn,
ǹ tá re a boo diɛ
ka Liban a duvɛ̃ kɛ bɛ́ lɔn.
9Efrayimu,
maa wàa n kɔn ka dìn kɛn nɛ doo.
Ma din nə n lɛ sii,
ma din nə n lɛduĩ.
Masɛ n ka siprɛsi da bɛ́ lɔn,
ma luu n tì biikoo yii li.
N nɛ kɔ n boe masɛ li.
10Die yiri n wooro,
a n bɛa mànan kɛn bɔ kɔn lɛ we?
A yiri ná a tan a nə́ ǹ doɛ̃?
Hiĩ Dɛnaa Lawa a ziin tá tele ne,
min peperen tá re tɔ we la,
sɛnɛ, piã-wɔlen tá re mɛnɛɛ.
اکنون انتخاب شده:
Oz 14: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.