Oz 13
13
Efrayimu a gɛ̀
1Efrayimu bɛ́ á goã boo diɛ,
nyɛ́ɛ na á goã min tumaa ganaa,
a giala nyɛɛnaandɛnaa
gole ne Izirayeli gána nɛ.
Á zɛ̀rɛ da a din-a
a *Baali guguru kɔ a lɛa,
bɛ lɛ nɛ á gã.
2Kanna kəni,
maǹ woe nyɛɛnɛ ka ǹ sii
baraa zɛnaa nɛ.
Ǹ nə́ ǹ wɔrɔ yo ǹ nə́ màn
nyínin zɛnaa nɛ,
manə ǹ dinin foo sii dì zɛnɛɛ,
ǹ tumaa n gɔn dí-nyalin
màn zɛnaan lɛa.
Maǹ pii ǹ wɔ paǹ li:
Wɔ doamaa nɛ wɔ wúlu mànan
kɔ ǹ la!
Minin man dii nɛn nyínin
guguru koe!
3Bɛ lɛ nɛ, minin kɛn tá re papaɛ̃
ka baayɛlɛ labara bɛ́ lɔn,
ka pele bɛ́ kiɛ lɔn,
ka wii duwəə ǹ bǎã a
kaã bɛ́ woe piɛ̃ li lɔn,
ka tɛmaa bɛ soe sìã-n lɔn.
4A kũ n soo Eziptin ganaa,
Izirayeli man Dɛnaa Lawa,
n Lawa lɛa,
n ba Lawa kɔsɔ doɛ̃ masɛ kio wa.
N kirisibaali kɔsɔ banban
bɛ̀ á n bɔ masɛ nɛ.
5 #
TDP 8.11-17
Man má n dɔ̃ diə ne,
lɛ̀ gere gána nɛ.
6N dɔ buu sɔ̃ ǹ bǎã-n lɔn gɔrɔ,
n bòo nya.
N bɛ́ n kã, n nə́ n din gole kɔ.
Bɛ lɛ nɛ n yiri bɔ ka ma nɛ.
7Bɛ lɛ nɛ ma á re n biɛ ka yàra
bɛ́ lɔn ka tumaa ganaa,
ka goe bɛ́ lɔn durii ni zii giala-a.
8Ma á re ka kuĩ ka gòon
màn babaraa nɛn dan bɛ́ lɔn
ǹ ná a nɛ si la,
ma á re ka tìãbii toɛ̃ kɔn.
Man die ka soɛ̃ ka yàra nɛn dan bɛ́ lɔn,
don mànan tá re ka geren wɔ̃woɛ̃ kɔn.
9Izirayeli, n wɔ ziziɛ̃,
ma dinsɔɔ̃ n boe la ma da n gú ganaa.
10 #
Sam1 8.5-6
N kii lɛa maa kəni?
Asɛ mɛn doamaa nɛ a n kirisibaa
n kiwin ni?
N bɔ sii-n wolen lɛn man maa?
N pɛ ǹ mɛnɛn lɛn manɛ,
mà ǹ kii kɔ nsɛ la
ka nyɛɛnaandɛnan nɛ.
11 #
Sam1 10.17-24; 15.26 Má kii kɔ n la ma foo n yoo ne
n li,
má wusoo má si ka foo busii ni.
12Yiri a boe
ka Efrayimu a sii baraan lɛn nɛ wa,
maǹ koa nɛ bǎã biɛ̃n nɛ.
13A là paparɛ n die,
ka lɔ a nɛ yɛ a biikoo wɔ á ke lɔn.
Sɛnɛ nɛnyaan too kaka nɛ,
a yɛ biikoo li,
a nə n piɛ̃
mà a soe a n bɔ ǹ dan gɔ́ɔ̃-n wa.
14 #
Kor1 15.55
Masɛ Dɛnaa Lawa,
ma doamaa nɛ,
ma bɛa minin kɛn waa
ma ǹ bɔ geren piɛ,
ma á re ǹ kirisibiɛ gɛ̀ ganaa.
Gɛ̀, n pàã lɛ a ma-a?
Geren piɛ, n gɛ̀ dɛ ǹ pàã lɛ a ma-a?
Man die n yii tiɛ̃,
ma a re makara doɛ̃ doo wa.
15Ta Efrayimu tɔ bɔ ǹ dɔɔ̃nɔn bii,
lɛ̀giala piɛ̃ á re die,
Dɛnaa Lawa a piɛ̃ lɛa,
boe diə gole ne.
Mu yala á re piɛ̃, mu á re damɛ.
Ǹ tá re kaa naforon goɛ,
ka gɔn màn giɔ̀mɔ kakan kɛn,
ǹ wo ka bɛn nɛ.
اکنون انتخاب شده:
Oz 13: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.