Eze 19
19
Kiin siin mɛnɛn nə n nyaa ka boo tìn ni
1Dɛnaa Lawa tɔ́n pɛ ma nɛ mà ma foo ziziɛ̃ ǹ loe kɛ lɔ Izirayeli minin nyɛɛnaandɛnan kɛn wɔ paǹ li:
2N náa yàra dan lɛ,
waa-n tán kun ka yàra san nɛ,
waa-n tán yàra tenən bii,
a na á goã a nɛnyaanan toe.
3A ná a nɛ lɛ goon too,
bɛ́ daa á yàra kaka baa.
Á n daraa siĩ kũ ganaa,
á minbuiinin dinin sɔ̃.
4Gána kɔsɔn ná a boo ma minin lɛ-n,
bɛn nə́ nyankɔrɔ fɔ̃ ǹ nə́ kũ ni,
ǹ nə́ zan da a nyin ni,
ǹ nə́ baã,
ǹ nə́ woo-n Ezipti gána nɛ.
5Yàra dan lɛ bɛ́ á n yii da á fɔ̃,
foo doa ǹ bǎã bɛ́ a banban doo wa,
a ná a nɛ lɛ a kɔsɔ kũ,
á too á yàra kaka baa.
6A bɛ́ á yàra kaka baa,
á goã n bibiĩ kun ka yàra san nɛ.
Á n daraa siĩ kũ ganaa,
á minbuiinin dinin sɔ̃.
7Á kiin kɛbɔlɔ kaa,
á ǹ kiwin yuyu.
A wɔɔsaa lɛ bɛ́ á bɔ,
nyɛ́ɛ gána lɛ a minin kũ.
8Gána kɔsɔn mɛnɛn bɛ́ ǹ lɛnpɛnɛ,
bɛn nə́ soo ǹ giã ǹ bǎãn nɛ,
ǹ nə́ daa a lɛnpɛnɛ.
Ǹ nə́ biɛ koa nɛ,
ǹ nə́ kũ,
ǹ nyankɔrɔ mɛn fɔ̃,
bɛ́ kũ.
9Ǹ nə́ da màn nɛ,
zan kɛ ná a nyin ni,
ǹ nə́ woo kɔ Baabiloniin kii la.
Ǹ nə́ woo da kele yala-n,
màn mɛn bɛ́ toɛ,
min baran a lɛ ma
Izirayeli kelen kɛn la doo wa.
10N dan kɛ na á goã ka *rezɛ̃ da
bɛ́ lɔn,
ǹ nə́ zumu mu lɛkoro-a.
Mu gigiã lɛ taman yii,
a na á goã nɛ koe,
a n luu lɛa ka kɛkɛ.
11A gùrùn man nə́ goã ǹ tan dadara,
a gùrùn nə́ kiin kiibaa ǹ bàlàn baa.
Rezɛ̃ da lɛ gole kɔ,
á la ǹ miã dan manɛ.
A sasabaa lɛ taman yii,
a gùrùn lɛn gigiãbaa taman yii,
ta min dɔ wɔlɔ n sɔsɔɔ, a n yii.
12Sɛnɛ, ǹ nə́ woɛ̃ ka foo ne,
ǹ nə́ zũ tán.
A nɛ mɛn kaa tán,
lɛ̀giala a piɛ̃ kɛ bɛ laa,
a gùrù dadaran lɛn nə́ laa,
tɛ nə́ ǹ kũ.
13Sisia kəni,
ǹ nə́ rezɛ̃ da lɛ zumu don gɔ́ɔ̃ nɛ,
ǹ nə́ zumu tán fu gere la.
14Tɛ soo da lɛ gùrùn ni,
a ná a gùrùn laanka a nɛ kũ.
Gùrù dadaran ba rezɛ̃ da lɛ
ganaa doo wa,
kiin kiibaa ǹ bàlà a yii a ganaa
doo wa.
Kɛa loe kɛ n siĩni a n lɔ
foo ziziɛ̃ ǹ loe lɛa.
اکنون انتخاب شده:
Eze 19: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.