BLS 6
6
1Má koe sii goon yɛ kanaa kɛ nɛ,
á guguru minin mìi ni.
2Min nə ke,
Lawa naforo kɔ la,
ka gɔn màn laanka yii gugurubaa nɛ.
Màn woo màn sii tá a ganaa,
bɛ kɔn wɛɛ̃ ba a ganaa wa.
Sɛnɛ, Lawa na a bii ǹ lɛ kɔ la wa,
a giala min kɔsɔ n die bii.
Bɛ dɔ giala banban,
a n koe sii kaka lɛa.
Nyin sasa laanka a mìi gɔ́ɔ̃ ǹ siin
3Ta min na á nɛgiĩ paabiɛ yɛ,
á lɛ̀ gigiã yɛ kanaa,
ta a lɛ̀ lɛ n mɔnaa-n lɔn,
bɛ̀ a yii-nyɛɛ yɛ wa,
ka bɛ dɔ nɛ,
bɛ̀ a bĩ ǹ yala yɛ wa,
man pii máa nɛ mɛn bɛ́ á yɛ gere lɛa,
máa bɛ á soɛ nɛ.
4A giala,
bɛa nɛ gere kɛ lɛ na á daa kooro,
a n woe wɔlɔ tì li,
a boo na á nya.
5Ka bɛ dɔ nɛ,
a yii wasa yɛ wa, a dɔ̃ wa.
Susui tá a lon á la goon kɛ lɛ nɛ.
6Ta goon kɛ lɛ din na á nyin sasa yɛ,
á woo n timəə lɛ̀ duu goon la gunyin paa,
a yii-nyɛɛ yii wa.
Táa ǹ tumaa a woo ǹ bǎã n goon?
Màn ba minbuiin nɛ boe wa
7Minbuiin nɛ a dí na a lɛ wɔ lɛa,
sɛnɛ, a foo dɔ a nyɛɛ wa.
8Sonbore,
sii-dɔ̃li paǹ mɛn nə soɛ baãnaa nɛ?
Doobaa mɛn bɛ́ tɔ we doɛ̃ minin yɔrɔ-a,
bɛ dɔ wɔ paǹ mɛn nə soɛ?
9Yii a màn yɛ á soɛ,
yiri koa màn ganaa nɛ.
Bɛ dɔ giala banban,
a n piɛ̃ loo lɛa.
10Màn mɛn bɛ́ a tan,
tɔ nə́ n wɔ bɛ-a gɔrɔ.
Minbuiin nɛ bɛ́ màn mɛn lɛa,
wɔ́ á doɛ̃.
Sɛnɛ, bɛ̀ min mɛn pàã la nɛ,
a ba bɛ lɛ kara yiɛ wa.
11Bɛ̀ boo tá mɔnaa nɛ,
a n die ka sii kooro gigiã nɛ.
Minbuiin nɛ a wàa là n bɛ nɛ?
12A minbuiin nɛ toa a yii ń koo,
a bɛ́ lɛawaan mɛnɛn zɛnɛɛ kanaa,
yii ná a doe ǹ gɔ́ɔ̃-n wa,
bɛn man kiɛ̃ fufuu ka wúlu bɛ́ lɔn.
Bɛa lɛawaan lɛn gɔ́ɔ̃ nɛ,
màn mɛn bɛ́ siĩn minbuiin nɛ wɔ lɛa,
die n bɛ doɛ̃?
Sii mɛn bɛ́ re minbuiin nɛ yii a kanaa toa kio,
die n boe la a bɛ pɛ nɛ?
اکنون انتخاب شده:
BLS 6: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.