Amɔ 2
2
Moabu minin
1 #
Iza 15.1–16.14; 25.10-12; Zer 48.1-47; Eze 25.8-11; Sof 2.8-11 Dɛnaa Lawa na á pɛ kɛnɛn:
Moabu minin kɛn nə́
sii baraa gigiã zɛnaa.
Ǹ sii mɛn zɛnaa,
á kiɛ̃ a bǎã la.
A giala,
ǹ nə́ Edɔmu minin kii kɛ wen tã,
ǹ nə́ baa ton lɛa.
Bɛ lɛ n ke, ma á ǹ zɛ̀rɛ biɛ,
ma a re wusii maa da ǹ boo
kio wa.
2Man die tɛ diɛ
Moabu kiwi kɛ ganaa,
tɛ á re Keriyɔti kiwi a duru ǹ bǎã
kakan kɛn kuĩ.
Moabu minin kɛn tá re giɛ̃
lɛ-dɛ wuu li,
zia nɛn lɛ-dɛ wuu li,
bɛn wuu li.
3Ma á re ǹ kii kɛ dii ma bɔ ǹ kiwi,
ma á re a kiodɛnan kɛn tumaa dii
kun ni.
Dɛnaa Lawa na á pɛ miɛ̃.
Zudaa minin
4Dɛnaa Lawa na á pɛ kɛnɛn:
Zudaa minin kɛn nə́
sii baraa gigiã zɛnaa.
Ǹ sii mɛn zɛnaa, á kiɛ̃ a bǎã la.
A giala
ǹ nə́ Dɛnaa Lawa a dí-pɛn kɛn tii,
ǹ na a landa boon kɛn tamaa wa.
A giala, ǹ nə́ n saa soɛ siin li,
ǹ digolon nə kɔ soɛ siin mɛnɛn lɛ,
bɛ lɛ na á toa ǹ nə́ papaã.
Bɛ lɛ n ke, ma á ǹ zɛ̀rɛ biɛ,
ma a re wusii
maa da ǹ boo dɔ kio wa.
5Ma á re tɛ diɛ Zudaa gána
kɛ ganaa,
tɛ á re Zeruzalɛmu a duru ǹ bǎã
kakan kɛn kuĩ.
Izirayeli minin
6Dɛnaa Lawa na á pɛ kɛnɛn:
Izirayeli minin kɛn nə́ sii
baraa gigiã zɛnaa.
Ǹ sii mɛn zɛnaa, á kiɛ̃ a bǎã la.
A giala,
ǹ nə́ min pepere kũ ǹ nə́ sã wɔrɔ-a,
ǹ nə́ doobaa lonkɔ ka kɔsɔ nɛ.
Bɛ lɛ n ke, ma á ǹ zɛ̀rɛ biɛ,
ma a re wusii maa da ǹ boo
kio wa.
7Ǹ bɛ́ giɛ sii mɛn li, bɛ n ka kɛ nɛ:
maǹ sìi diɛ doobaa ganaa.
Maǹ mɛnɛɛ nɔmaa-wɔle la.
Nɛ laanka ǹ di n paɛ̃
nɛniɛ goon ganaa,
maǹ bɛa sii lɛ zɛnɛɛ,
ǹ nə́ ma tɔ sonbore kɛ ziziɛ̃ nɛ.
8Ǹ mɔnaan mɛnɛn si doobaan la
giɔ̀mɔ lɛ koa ǹ mànan lɛa,
maǹ bɛn naɛ tán wúlu bɔ ǹ
bǎãn nɛ,
ǹ nə́ wɛɛ ǹ la.
Ǹ duvɛ̃ mɛn si ka pàã nɛ,
maǹ bɛ mii ǹ dì kionən kɛn nɛ.
9 #
TDP 3.8-11
A da yaa,
masɛ din nə má
Amɔɔrɔ tɔrɔn kɛn dɛ
má ǹ bɔ ǹ nyɛɛnɛ.
Bɛa minin kɛn lɛn man sɔsɔrɔ
ka da sasa tɔrɔ nɛ,
maǹ gegere
ka da kaka tɔrɔ nɛ.
Sɛnɛ, má ǹ nɛ sɔlɔ má bɔ ǹ la,
má ǹ gòonən woɛ̃ má ǹ bɔ tán.
10Ma din lɛ dɔ-n má ka waa
má ka bɔ Ezipti gána nɛ,
má ka nyɛɛnaan bɔ diə gole kɛ nɛ
lɛ̀ pusi gɔ́ɔ̃ nɛ,
yǎa ká Amɔɔrɔ tɔrɔn gána kɛ si ǹ la.
11 #
MNS 6.1-8
Má kaa nɛnyaanan
kɔnɔn dɔn dinin bɔ
maa boo gii-dalin lɛa,
má kaa tɔntɔraa tenən kɔnɔn bɔ,
din-kɔlen lɛa, maa dí kɛa lɛa.
A n zɛnaa miɛ̃ wa,
Izirayeli minin lɛn?
Masɛ Dɛnaa Lawa n nɔ̀n diɛ ka la!
12Min mɛnɛn nə n dinin kɔ
maa dí taman yii ǹ nə́ duvɛ̃ mi tii,
ka n ká duvɛ̃ kɔ bɛn lɛn la ǹ nə́ mi,
ká maa boo gii-dalin kurəə,
mà ǹ baran maa boo gii da wa!
13Á ke masɛ n die ka yɔyɔrɛ,
ka wotoro piɛ̃maa á ke
á bɔ màn la lɔn.
14Ma á boe baa la,
bɛa re n boe a-n wa,
pàã tá ma lon,
bɛa là á re yii n na-a wa,
maa boe zia la,
bɛa re n nyin sii wa.
15Sa zũ doɛ̃ wole a re n gòãn doɛ wa,
boo baa la wole a re baa sii a la wa,
sùi da-baali a re boe la
a n din nyin si wa.
16Bɛa pinaa kɛ lɛ nɛ,
min mɛn foo bɛ́ tã
boo zia la wolen lɛn bii,
bɛ á re baa sii ka a tontoro ne.
Dɛnaa Lawa a da ǹ boo ne.
اکنون انتخاب شده:
Amɔ 2: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
Amɔ 2
2
Moabu minin
1 #
Iza 15.1–16.14; 25.10-12; Zer 48.1-47; Eze 25.8-11; Sof 2.8-11 Dɛnaa Lawa na á pɛ kɛnɛn:
Moabu minin kɛn nə́
sii baraa gigiã zɛnaa.
Ǹ sii mɛn zɛnaa,
á kiɛ̃ a bǎã la.
A giala,
ǹ nə́ Edɔmu minin kii kɛ wen tã,
ǹ nə́ baa ton lɛa.
Bɛ lɛ n ke, ma á ǹ zɛ̀rɛ biɛ,
ma a re wusii maa da ǹ boo
kio wa.
2Man die tɛ diɛ
Moabu kiwi kɛ ganaa,
tɛ á re Keriyɔti kiwi a duru ǹ bǎã
kakan kɛn kuĩ.
Moabu minin kɛn tá re giɛ̃
lɛ-dɛ wuu li,
zia nɛn lɛ-dɛ wuu li,
bɛn wuu li.
3Ma á re ǹ kii kɛ dii ma bɔ ǹ kiwi,
ma á re a kiodɛnan kɛn tumaa dii
kun ni.
Dɛnaa Lawa na á pɛ miɛ̃.
Zudaa minin
4Dɛnaa Lawa na á pɛ kɛnɛn:
Zudaa minin kɛn nə́
sii baraa gigiã zɛnaa.
Ǹ sii mɛn zɛnaa, á kiɛ̃ a bǎã la.
A giala
ǹ nə́ Dɛnaa Lawa a dí-pɛn kɛn tii,
ǹ na a landa boon kɛn tamaa wa.
A giala, ǹ nə́ n saa soɛ siin li,
ǹ digolon nə kɔ soɛ siin mɛnɛn lɛ,
bɛ lɛ na á toa ǹ nə́ papaã.
Bɛ lɛ n ke, ma á ǹ zɛ̀rɛ biɛ,
ma a re wusii
maa da ǹ boo dɔ kio wa.
5Ma á re tɛ diɛ Zudaa gána
kɛ ganaa,
tɛ á re Zeruzalɛmu a duru ǹ bǎã
kakan kɛn kuĩ.
Izirayeli minin
6Dɛnaa Lawa na á pɛ kɛnɛn:
Izirayeli minin kɛn nə́ sii
baraa gigiã zɛnaa.
Ǹ sii mɛn zɛnaa, á kiɛ̃ a bǎã la.
A giala,
ǹ nə́ min pepere kũ ǹ nə́ sã wɔrɔ-a,
ǹ nə́ doobaa lonkɔ ka kɔsɔ nɛ.
Bɛ lɛ n ke, ma á ǹ zɛ̀rɛ biɛ,
ma a re wusii maa da ǹ boo
kio wa.
7Ǹ bɛ́ giɛ sii mɛn li, bɛ n ka kɛ nɛ:
maǹ sìi diɛ doobaa ganaa.
Maǹ mɛnɛɛ nɔmaa-wɔle la.
Nɛ laanka ǹ di n paɛ̃
nɛniɛ goon ganaa,
maǹ bɛa sii lɛ zɛnɛɛ,
ǹ nə́ ma tɔ sonbore kɛ ziziɛ̃ nɛ.
8Ǹ mɔnaan mɛnɛn si doobaan la
giɔ̀mɔ lɛ koa ǹ mànan lɛa,
maǹ bɛn naɛ tán wúlu bɔ ǹ
bǎãn nɛ,
ǹ nə́ wɛɛ ǹ la.
Ǹ duvɛ̃ mɛn si ka pàã nɛ,
maǹ bɛ mii ǹ dì kionən kɛn nɛ.
9 #
TDP 3.8-11
A da yaa,
masɛ din nə má
Amɔɔrɔ tɔrɔn kɛn dɛ
má ǹ bɔ ǹ nyɛɛnɛ.
Bɛa minin kɛn lɛn man sɔsɔrɔ
ka da sasa tɔrɔ nɛ,
maǹ gegere
ka da kaka tɔrɔ nɛ.
Sɛnɛ, má ǹ nɛ sɔlɔ má bɔ ǹ la,
má ǹ gòonən woɛ̃ má ǹ bɔ tán.
10Ma din lɛ dɔ-n má ka waa
má ka bɔ Ezipti gána nɛ,
má ka nyɛɛnaan bɔ diə gole kɛ nɛ
lɛ̀ pusi gɔ́ɔ̃ nɛ,
yǎa ká Amɔɔrɔ tɔrɔn gána kɛ si ǹ la.
11 #
MNS 6.1-8
Má kaa nɛnyaanan
kɔnɔn dɔn dinin bɔ
maa boo gii-dalin lɛa,
má kaa tɔntɔraa tenən kɔnɔn bɔ,
din-kɔlen lɛa, maa dí kɛa lɛa.
A n zɛnaa miɛ̃ wa,
Izirayeli minin lɛn?
Masɛ Dɛnaa Lawa n nɔ̀n diɛ ka la!
12Min mɛnɛn nə n dinin kɔ
maa dí taman yii ǹ nə́ duvɛ̃ mi tii,
ka n ká duvɛ̃ kɔ bɛn lɛn la ǹ nə́ mi,
ká maa boo gii-dalin kurəə,
mà ǹ baran maa boo gii da wa!
13Á ke masɛ n die ka yɔyɔrɛ,
ka wotoro piɛ̃maa á ke
á bɔ màn la lɔn.
14Ma á boe baa la,
bɛa re n boe a-n wa,
pàã tá ma lon,
bɛa là á re yii n na-a wa,
maa boe zia la,
bɛa re n nyin sii wa.
15Sa zũ doɛ̃ wole a re n gòãn doɛ wa,
boo baa la wole a re baa sii a la wa,
sùi da-baali a re boe la
a n din nyin si wa.
16Bɛa pinaa kɛ lɛ nɛ,
min mɛn foo bɛ́ tã
boo zia la wolen lɛn bii,
bɛ á re baa sii ka a tontoro ne.
Dɛnaa Lawa a da ǹ boo ne.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.