याकूब 1
1
शोभकामनां
1परमेसर दे ते प्रभु यीशु मसीह दे दास याकूब थमां उनै बारें गोत्रें गी जेड़े तितर-बितर ओईयै रौंदे न नमश्कार पूजे।
परिख्या दा मतलब
2मसीह च मेरे प्राओं, जेसलें तोस कई केसम दी परिखीयें च पवो, तां ओस बेलै गी पूरी खुशी दी गल्ल समझो, 3एसकरी तोस जानदे गै ओ, के थुआड़े बश्वास दी परख कित्ती जाने कन्ने सबर पैदा ओंदी ऐ। 4लेकन तोस सारीयें गल्लें च सबर करना सिखो, तां जे तोस आत्मिकता च सयाने ते सेध ओई जाओ, के थुआड़े बेच कुसे अच्छी गल्ल दी बी कमी नेई रवै।
5लेकन जेकर थुआड़े बिचा कुसे गी दमाक दी कमी उवै तां परमेसर थमां मंगै, जेड़ा बगैर लामां दिते दे सबनी गी खुशी कन्ने दिंदा ऐ, ते उसी दमाग दित्ता जाग। 6लेकन विश्वास कन्ने मंगो, ते केछ शक नेई करो; किके शक करने आला समुंद्र दी लैरें आला लेखा ऐ, जेड़ी अवा कन्ने रुढ़दी ते उछलदी ऐ। 7ए जेया मनुक्ख ए नेई समझै के मिकी प्रभु थमां केछ मिलग 8ओ मनुक्ख दों मनें च पेदा ऐ, ते अपनी सारीयें गल्लें च चैंचल ऐ।
तनी ते गरीब
9विश्वासी दीन प्रा अपने उच्चे ओदे उपर कमंड करै ते खोश उवै के परमेसर ने ओदा आदर कित्ता ऐ। 10ते मीर मानु अपनी दीनगी दी आलत उपर; किके ओ काह दे फोल्ल आला लेखा मुकी जाग। 11किके सूरज चढ़दे गै कड़ाके दी तोप्प पौंदी ऐ ते काह गी सकाई दिंदी ऐ, ते ओसदा फोल्ल चढ़ी जंदा ऐ, ते ओदी सुन्दरता मुकी जन्दी ऐ। इसै चाली मीर विश्वासी बी अपने रस्ते उपर चलदे-चलदे मिट्टी कन्ने मिली जाग।
परमेसर परिख्या नेई लैंदा
12तन्न ऐ ओ मनुक्ख, जेड़ा परिख्या च टिका रौंदा ऐ; किके ओ विश्वास च खरा निकलियै जिंदड़ी दा ओ मोकट पाग, जेसदा बायदा परमेसर ने अपने प्यार करने आलें कन्ने कित्ते दा ऐ। 13जेसलै कुसे दी परिख्या उवै, तां ओ ए नेई आखे के मेरी परिख्या परमेसर थमां ओंदी ऐ; किके नां गै बुरी गल्लें थमां परमेसर दी परिख्या ओई सकदी ऐ, ते नां गै ओ कुसे दी परिख्या अप्पुं करदा ऐ। 14लेकन अर एक मनुक्ख अपनी गै दुष्ट इच्छै कोलां खचोइयै ते फसीयै परखै च पौंदा ऐ। 15पी इच्छया गर्भवती ओईयै पाप गी जन्म दिन्दी ऐ ते पाप जेसलै बदी जांदा ऐ तां मौत गी पैदा करदा ऐ।
16ए मेरे प्यारे विश्वासी प्राओ, तोखा नेई खायो। 17किके अर एक छैल वरदान ते अर एक बदियै दान परमेसर पिता थमां उपर दा ऐ, ते लोईं दे पिता थमां मिलदा ऐ, जेस च नां ते कोई अदली-बदली ओई सकदी ऐ, ते नां अदल-बदल दे कारन ओस उपर न्हेरे दी छाऊं पौंदी ऐ। 18ओसने अपनी गै मर्जी कन्ने असेंगी सच्चाई दे वचन कन्ने जन्म दित्ता, तां जे अस ओसदी बनाई दियां चीजें बिचा पैले फल आला लेखा ओचै।
सुनना ते ओस उपर चलना
19ए मेरे प्यारे विश्वासी प्राओ, ए गल्ल तोस जानी लियो; अर एक मनुक्ख सुननें आसतै तौला ते बोलने च आसता ते गुस्सै च ठंडा उवै, 20किके मनुक्ख दा गुस्सा परमेसर दे तर्म गी पूरा नेई करी सकदा। 21इसै आसतै सारी दिले दी मैल ते बददी बैर-पाव गी दूर करियै, ओस परमेसर दे वचन गी लीमी कन्ने लेई लियो जेड़ा दिले च राया गीया ते जेड़ा थुआड़े प्राणें गी बचाई सकदा ऐ। 22लेकन परमेसर के वचन दा पालन करने आले बनो, ते सेर्फ सुननें आले गै नेई जेड़े अपने आप गी तोखा दिंदे न। 23किके जेड़ा कोई वचन दा सुननें आला उवै, ते ओस उपर चलने आला नेई उवै, तां ओ ओस मनुक्ख आला लेखा ऐ जेड़ा आम तोर अपना मुंह शीशे च दिखदा ऐ। 24एसकरी के ओ अपने आप गी दिखियै चली जन्दा ते फौरन पूली जन्दा ऐ के आऊँ के नेया हा। 25लेकन जेड़ा मनुक्ख अजादी दी सेध कनून उपर त्यान दिन्दा रौंदा ऐ, ओ अपने कम च एस आसतै वरकत पाग के ओ सुनीयै पुलदा नेई लेकन उवै जियां गै कम करदा ऐ।
पकती दा सच्चा रसता
26जेकर कोई अपने आप गी पगत समझै, ते अपनी जिभ उपर लगांम नेई ला, लेकन अपने दिले गी तोखा दियै, तां ओसदी पगती बेकार ऐ। 27साड़े परमेसर पिता दे कोल निष्कलंक ते साफ़ पगती ए ऐ, के अनाथें ते विधवें दे दोख च उन्दी सम्बाल लेचै, ते अपने आप गी दुनिया दे दुष्ट कम्में थमां शोद्ध रखचै।
اکنون انتخاب شده:
याकूब 1: DOG
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
This work is licensed under Creative Commons Attribution-ShareAlike 4.0 License.