آیات محبوب کتاب مقدس از याकूब 1

به اشتراک گذاشتن

मसीह च मेरे प्राओं, जेसलें तोस कई केसम दी परिखीयें च पवो, तां ओस बेलै गी पूरी खुशी दी गल्ल समझो, एसकरी तोस जानदे गै ओ, के थुआड़े बश्वास दी परख कित्ती जाने कन्ने सबर पैदा ओंदी ऐ।

लेकन जेकर थुआड़े बिचा कुसे गी दमाक दी कमी उवै तां परमेसर थमां मंगै, जेड़ा बगैर लामां दिते दे सबनी गी खुशी कन्ने दिंदा ऐ, ते उसी दमाग दित्ता जाग।

ए मेरे प्यारे विश्वासी प्राओ, ए गल्ल तोस जानी लियो; अर एक मनुक्ख सुननें आसतै तौला ते बोलने च आसता ते गुस्सै च ठंडा उवै

लेकन तोस सारीयें गल्लें च सबर करना सिखो, तां जे तोस आत्मिकता च सयाने ते सेध ओई जाओ, के थुआड़े बेच कुसे अच्छी गल्ल दी बी कमी नेई रवै।

लेकन परमेसर के वचन दा पालन करने आले बनो, ते सेर्फ सुननें आले गै नेई जेड़े अपने आप गी तोखा दिंदे न।

तन्न ऐ ओ मनुक्ख, जेड़ा परिख्या च टिका रौंदा ऐ; किके ओ विश्वास च खरा निकलियै जिंदड़ी दा ओ मोकट पाग, जेसदा बायदा परमेसर ने अपने प्यार करने आलें कन्ने कित्ते दा ऐ।

किके अर एक छैल वरदान ते अर एक बदियै दान परमेसर पिता थमां उपर दा ऐ, ते लोईं दे पिता थमां मिलदा ऐ, जेस च नां ते कोई अदली-बदली ओई सकदी ऐ, ते नां अदल-बदल दे कारन ओस उपर न्हेरे दी छाऊं पौंदी ऐ।

किके जेड़ा कोई वचन दा सुननें आला उवै, ते ओस उपर चलने आला नेई उवै, तां ओ ओस मनुक्ख आला लेखा ऐ जेड़ा आम तोर अपना मुंह शीशे च दिखदा ऐ। एसकरी के ओ अपने आप गी दिखियै चली जन्दा ते फौरन पूली जन्दा ऐ के आऊँ के नेया हा।

साड़े परमेसर पिता दे कोल निष्कलंक ते साफ़ पगती ए ऐ, के अनाथें ते विधवें दे दोख च उन्दी सम्बाल लेचै, ते अपने आप गी दुनिया दे दुष्ट कम्में थमां शोद्ध रखचै।

जेसलै कुसे दी परिख्या उवै, तां ओ ए नेई आखे के मेरी परिख्या परमेसर थमां ओंदी ऐ; किके नां गै बुरी गल्लें थमां परमेसर दी परिख्या ओई सकदी ऐ, ते नां गै ओ कुसे दी परिख्या अप्पुं करदा ऐ। लेकन अर एक मनुक्ख अपनी गै दुष्ट इच्छै कोलां खचोइयै ते फसीयै परखै च पौंदा ऐ।

विश्वासी दीन प्रा अपने उच्चे ओदे उपर कमंड करै ते खोश उवै के परमेसर ने ओदा आदर कित्ता ऐ।