1 तीमुथियुस 6
6
मसीही दासें दा चाल चलन
1जिन्नें विश्वासी जेड़े दास न, ओ अर चाली अपने-अपने मालकें गी बड़े आदर दे लायेक समझन, तां जे दुए लोक परमेसर दे नां दी ते ओदी शिखया दी निंदया नेई करन। 2ते जिनैं दे मालक विश्वासी न, उनेंगी ओ मसीही प्रा ओनें दे कारन तोच्छ नेई समझन, लेकन ओ ओर बी मेंनत करन, किके एदे थमां फायदा लेनें आले विश्वासी ते ओ उनेंगी मसीही प्रा समझीयै प्यार करदे न। इनें गल्लें दी शिखया दिंदा ते उक्म मननें लेई उनेंगी औसला दिंदा रो।
3जेकर कोई एदे थमां लग्ग शिखया दिंदा ऐ, ते साड़े प्रभु यीशु मसीही दे सच्चे संदेश ते परमेसर दी पक्ति दी शिखया कन्ने सेंमत नेई ओंदा, 4ते ओ मान्नी ओई गीया ऐ, ते केछ नेई जानदा; लेकन ऐसा मनुक्ख बगैर मतलबी गल्लें उपर दुए कन्ने बैस ते लड़ाई करना चांदा ऐ, ते एदे कन्ने निंदया ते गलत-गलत छक्क पौंदे न, 5ते उनै मनुक्खें दे बेकार चगड़े कदें मुकदे नेई, ते उन्दी बुद्धि बिगड़ी गेदी ऐ, ते ओ अजां तकर नेई जांनदे के सच्चाई के ऐ, जेड़े समझदे न, के परमेसर दी पक्ति थमां मीर बनी सकनयां न। 6लेकन ए बैतर ए जेलै अस मन कोलां परमेसर दी पक्ति करनयां न, तां ओ असेंगी जिनैं चीजें दी लोड ओंदी ऐ दिंदा ऐ। 7किके जेसलै अस जमें हे, अस खाली अथ्थ आए हे, ते जेसलै मरगे तां खाली जानां ऐ। 8जेकर साड़े कोल खाणे ते लानें आसतै जे केछ ऐ, ओदे उपर गै तस्सली करना चाईदी। 9लेकन जेड़े मीर ओंना चांदे न, ओ तौलै गै पाप ते बराई दे तोखे च फसी जंदे जियां डंगर फा बेच फसी जंदा ऐ, ओ लोक ओ कम करना चांदे न, जेड़े उन्दे आसतै बेबकूफी ते खतरा बनी जंदा ऐ, ते ए खुआशां उनेंगी नाश आले पासेगी लेई जंदियां न। 10किके पैसें दा लालच अर चाली दी बराईयें दी जड़ ऐ, केई लोकें बलें जिये मसीही दा विश्वास ते शिखया गी छुड़ी दित्ता किके ओ बड़े मीर ओना चांदे ते मते सारे दोख चेलदे जियां कोई थ्यार कन्ने छनोई जंदा ऐ।
अच्छा गलती दा मननां
11लेकन ए परमेसर दे सेवक तीमुथियुस, तू इनें गल्लें छा नस, ते तर्म दे कम करने दी कोष्ट कर, परमेसर दी पक्ति लेई जी, मसीही उपर परोसा रख, दुए कन्ने प्यार कर, मुश्कल दे बेलै आर नेई मनयां लोकें उपर गुस्सा नेई करयां। 12योद्द दी लड़ाई च एक सपाई आला लेखा जेड़ा कदें आंरदा नेई, तो बी परमेसर उपर परोसा रखने च ते ओदा उक्म मननें लेई कदें आंरना नेई चाईदा; ते ओस मेशा दी जिंदड़ी गी पकड़ी लै, जेस आसतै तुं बलाया गेदा, ते मती गुआईयें दे सामनें तो मसीही गी मननां आखे दा ऐ। 13आऊँ तुगी परमेसर दा उक्म दिनां ऐं, जेड़ा सारे गी जिंदा रखदा ऐ, ते परमेसर ते मसीह यीशु गी गवाह रखियै जेड़ा अर एक आसतै अपनी जांन दिंदा ऐ, जेन्नें पुन्तियुस पिलातुस दे सामनें अच्छी गुआई दिती, 14के तू साड़े प्रभु यीशु मसीह दे बापस परकट ओनें तकर एस उक्म गी जेड़ा तुगी दिते दा ऐ, निष्कलंक ते दोष दे पूरा कर, 15परमेसर जेड़ा राज करने आला राजा मैमा दे जोग, राजें दा राजा, ते प्रभुयें दा प्रभु, मसीही गी अपने ठीक बेलै उपर परकट करग, 16ते ओ एक गै जेड़ा मेशा दा ऐ, ते मैमा दी लोई च रौंदा जिसी कुसे दिखया नेई ते नां कदें दिखी सकदा ऐ। ओसदी शक्ति ते मैमा ते राज योग-योग रौग। आमीन।
मीरें गी शिखया
17एस दुनिया दे मीर लोकें गी उक्म दे के ओ मान्नी नेई ओंन ते थुड़े देंन दी तन-दौलत उपर आस नेई रखन, लेकन परमेसर उपर परोसा करन जेड़ा साड़े सोख्ख आसतै सारा केछ अच्छे कोलां अच्छा दिंदा ऐ। 18उनेंगी बोल के ओ पलाई करन, ते पले कम्में च तन्नी बनन, ते खुशी कन्ने देनें आले ते दुए दी मदद करने आसतै त्यार रौंन, 19ते ऐसा करने कन्ने, ओ अपने आसतै पले कम जेड़े ओ करदे न, खजाने आला लेखा किट्ठा करदे जेड़ा औने आले सोर्ग लेई एक मजबूत नीं बनदी ते उनेंगी मेशा दी सच्चाई दी जिंदड़ी मिलग।
विश्वास दी रखया
20ए तीमुथियुस, जेड़ा केछ तुगी परमेसर ने सोंपे दा ऐ उसी सम्बालीयै रख; ते जेड़ीयां गल्लां परमेसर दी सच्ची शिखया दे खलाफ न, ते जिन्नें गी गलती कन्ने ज्ञान आखया जंदा ऐ, उन्दे कोलां दूर रो। 21किन्नें लोकें एस चुठे ज्ञान गी पाई लेते दा ऐ, ते उयांगै चला करदे न, ओ सच्ची शिखया कोलां पडकी गेदे न। आऊँ प्रार्थना करना के थुआड़े सबनी उपर परमेसर दी क्रपा ओंदी रवै।
اکنون انتخاب شده:
1 तीमुथियुस 6: DOG
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
This work is licensed under Creative Commons Attribution-ShareAlike 4.0 License.