آیات محبوب کتاب مقدس از 1 तीमुथियुस 6

به اشتراک گذاشتن

योद्द दी लड़ाई च एक सपाई आला लेखा जेड़ा कदें आंरदा नेई, तो बी परमेसर उपर परोसा रखने च ते ओदा उक्म मननें लेई कदें आंरना नेई चाईदा; ते ओस मेशा दी जिंदड़ी गी पकड़ी लै, जेस आसतै तुं बलाया गेदा, ते मती गुआईयें दे सामनें तो मसीही गी मननां आखे दा ऐ।

किके पैसें दा लालच अर चाली दी बराईयें दी जड़ ऐ, केई लोकें बलें जिये मसीही दा विश्वास ते शिखया गी छुड़ी दित्ता किके ओ बड़े मीर ओना चांदे ते मते सारे दोख चेलदे जियां कोई थ्यार कन्ने छनोई जंदा ऐ।

लेकन ए बैतर ए जेलै अस मन कोलां परमेसर दी पक्ति करनयां न, तां ओ असेंगी जिनैं चीजें दी लोड ओंदी ऐ दिंदा ऐ।

किके जेसलै अस जमें हे, अस खाली अथ्थ आए हे, ते जेसलै मरगे तां खाली जानां ऐ।

एस दुनिया दे मीर लोकें गी उक्म दे के ओ मान्नी नेई ओंन ते थुड़े देंन दी तन-दौलत उपर आस नेई रखन, लेकन परमेसर उपर परोसा करन जेड़ा साड़े सोख्ख आसतै सारा केछ अच्छे कोलां अच्छा दिंदा ऐ।

लेकन जेड़े मीर ओंना चांदे न, ओ तौलै गै पाप ते बराई दे तोखे च फसी जंदे जियां डंगर फा बेच फसी जंदा ऐ, ओ लोक ओ कम करना चांदे न, जेड़े उन्दे आसतै बेबकूफी ते खतरा बनी जंदा ऐ, ते ए खुआशां उनेंगी नाश आले पासेगी लेई जंदियां न।

उनेंगी बोल के ओ पलाई करन, ते पले कम्में च तन्नी बनन, ते खुशी कन्ने देनें आले ते दुए दी मदद करने आसतै त्यार रौंन, ते ऐसा करने कन्ने, ओ अपने आसतै पले कम जेड़े ओ करदे न, खजाने आला लेखा किट्ठा करदे जेड़ा औने आले सोर्ग लेई एक मजबूत नीं बनदी ते उनेंगी मेशा दी सच्चाई दी जिंदड़ी मिलग।