LUUTI MAGONA YƐPƐI
MAGONA YƐPƐI
Ndiilɛli yɛpɛ wove kɔlooni Luuti ma, i yɛ kpundɛ watiisia hu lɔ Kitileweblɛisia ti Ngɔlɛi hu. Luuti, Moabaitimɔi nyahei, i yɛlɔ hinijɔɔyahu a Isleɛlaitimɔ. Ji i haani, Luuti koya waa veilɔ ngi Isleɛlaiti yemɔi wɛ kɛ livalama waa Isleɛl Yewɔi wɛ. Kɛlɛmei, i hinii nina majɔilɔ ngi hinii mbondɛisia lia, tawao hinijɔi ji hu mia i woteni a Devidi ngi mamahumami, Isleɛl maha wai.
Kitileweblɛisia ti yɛpɛ wove i kpundɛ hinda hu gɛlɔ na wani ji Ngewɔ nungeisia ti woveni ngi ma. Luuti lubei na gɛlɔ na wani kɛnyɛmɔi na gama i woteni Isleɛl Yewɔi gama, tawao famia i woteni a lanayableisia ye ngila.
Njɛpɛwoi nasia ti Kɔlɛi ji hu
Naomi yamanga Bɛtilɛmi taa Luuti 1:1-22
Luuti i Boasi malenga 2:1—3:18
Boasi i Luuti wumbunga nyahajɔya hu 4:1-22
اکنون انتخاب شده:
LUUTI MAGONA YƐPƐI: RMB
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Mende Bible Portions © Bible Society in Sierra Leone and Lutheran Bible Translators, 2020.