NAHUMU 2
2
1Atĩrĩrĩ, mũharagania nĩagũtharĩkĩire! Nuna ita ciaku, nao arangĩri aku maikare macũthĩrĩirie njĩra; wĩhotorere thũ, wĩyũmĩrĩrie wĩĩkĩre hinya mũno. 2(Nĩ gũkorũo Jehova nĩaracokeria Jakubu ũkaru wake, o ta ũkaru wa Isiraeli, o ũkaru ũrĩa wathahirio ta ũinĩkĩtwo nĩ mũinĩkani, na ũkoinĩkanga ta mũthabibu uunĩkangĩte honge ciaguo ciothe). 3Ngo cia njamba ciake iria irĩ hinya icangararĩte ta gĩcango kĩa mũnyaka, o nao andũ ake arĩa akaru makehumba nguo ndune ta gakarakũ; nacio ngari ciake cia ita ikahenagia o kũhenia mũthenya wa gwĩthagathaga gwake, namo matimũ mao magathukagio mũthukĩrie wĩ itua-nda. 4Ngari cia ita nĩ kũrumia irarumia thĩ njĩra-inĩ ikĩhanyũkanganagia ũũ na ũũ ing’aratua-inĩ, nacio ikonagwo ihaana ta icinga cia mwaki, na mũhiũko wacio no ta wa rũheni. 5Nao andũ ake arĩa me igweta nĩaramaroria na mbere ta ekũmatindĩka nakuo, o na harĩa marahĩngwo magĩthiĩ; marahiũhahiũha nĩ getha makinye rũthingo-inĩ rũakuo, na mehaarĩrie kũrũgitĩra. 6Hingĩrĩrio cia njũĩ nĩ hingũre, o nayo nyũmba ya ũnene ĩiyũrĩte kĩmako. 7Huzabu nĩ mũcume nguo, na akarindũrũo, na airĩtu ake mekũrĩra na mĩgambo ta ya ndutura nĩ kĩeha, makĩĩhũraga ithũri. 8No rĩrĩ, Nineve, gwata o tene, rĩtũire rĩhaana ta irengeta rĩa maĩ, na rĩu andũ arĩo mekũũra o ta maĩ megũtherera. Kũraanĩrĩrũo gũkiugwo atĩrĩ, Ta rũgamai! Ta rũgamai! No rĩrĩ, gũtirĩ mũndũ o na ũmwe ũngĩĩhũgũra na thutha. 9Tahanai betha, o na mũtahane thahabu, nĩ ũndũ harĩa ihaĩtwo itingĩthira o na atĩa, naho nĩho harĩ mũthithũ wa indo irĩ riri cia kwendeka mũno.
10Nĩ rĩtheri, na rĩtirĩ ũrĩa rĩrĩ, na nĩ ikiru ihooru; ngoro cia andũ nĩ kũhũa ihũĩte, namo maru mao makagũthangana, nacio njohero ciao othe igatuura, nao othe magathita gĩthiithi. 11Kĩmamo kĩrĩa gĩtũũraga mĩrũthi kĩĩ ha rĩu, o na kũndũ kũrĩa kwarĩagwo nĩ ngatia nyanake, o kũrĩa ngatia ya njamba na ya mũgoma ciatũire hamwe na kĩana gĩacio, na itiguoyohe? 12Mũrũthi ũcio nĩwarembũranaga nyama cia kũhũnwo nĩ njaũ ciaguo, o na ũgĩita nyamũ cia kũhũnia mĩgoma yaguo, ningĩ ũkĩiyũria ngurunga ciaguo nyamũ iria wenyitĩire, na ũkĩiyũria imamo ciaguo nyamũ iria watamburangĩte. 13Atĩrĩrĩ, Jehova Mũnene wa Ita ekuuga ũũ: Nĩ niĩ ngũũkĩrĩire, nacio ngari ciaku cia ita nĩ gũcina ngacicina ithire o igĩtogaga ndogo, naruo rũhiũ rũa njora rũrĩe ngatia ciaku icio nyanake rũcinine biũ; na ndũcoke gũtamburanga nyamũ gũkũ thĩ, naguo mũgambo wa arekio aku ndũgacoke kũiguwo o na rĩ.
اکنون انتخاب شده:
NAHUMU 2: OGKBIBLE
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
©Bible Society of Kenya, 2019