MALAKI 4
4
Lidiku lia Yahova
1Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba. 2Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego. 3Ku lidiku lia ndikola yaga mulakaguuti avandu vachamu kandi valakave kuli luguchi isi wi vilenge vienyu.
4“Mwizurizi amigizu kandi amalago gu mutumikiri wange Musa, ga ndahaana kuye ha kiguru cha Sinai ku vandu vosi va Isiraeli vaduuki kugatia.
5“Navuzwa lidiku linene kandi liukutihiza liange nilikikiri kuduuka, ndakamutumiri muporofeti Elija. 6Alakaleete lihambana ni mirembe hagati ha vababa na vana; nigataveeye ndio, ngano ndayiza kudiviza kivala chiinyu.”
اکنون انتخاب شده:
MALAKI 4: LOGOOLI
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
©Bible Society of Kenya, 2019