1 Ayṯ-Kurinṯ 16
16
Ṣṣaḏaqa i ȓmuminin ṣṣaliḥin ḏi ṯendint n Lquds
1Ƹlaḥsab ṣṣaḏaqa i ȓmuminin ṣṣaliḥin, swejḏeṯ kenniw mammec ṯent weṣṣiɣ i ṯjumaƹ n ȓmuminin ḏi lʼiqlim n Galaṭya. 2Ḏi nhar amezwaru n kuȓ simana, kur ijjen zzaywem itxeṣṣa-yas aḏ ikkes ca n tmenyaṯ ƹlaḥsab lmanḍa nnes aṯent ixemmeȓ. Maci aȓ d ɣa aseɣ nec ƹaḏ aḏ tebḏam aḏ tesmunem tmenyaṯ-a. 3Menbaƹd, iƹni xmi iy d ɣa awḍeɣ nec, ataf aḏ d ssekkeɣ yinni iy ɣa ṯsejjlem ḏi ṯebraṯin belli ḏaysen ttiqeṯ aḏ raḥen aḏ awin ṣṣaḏaqa-ya iy ṯesmunem ɣar ṯendint n Lquds. 4Meȓa u labud aḏ raḥeɣ uȓa ḏ nec, akiḏi raḥen.
Arrasul Bulus ḏ yinni iy kiḏes ixeddmen i Siḏiṯneɣ
5Fa xmi ɣa ƹḏuɣ Masidunya aɣarwem d aseɣ, qa nec ƹaḏ aḏ d kkeɣ ssenni x Masidunya. 6Imken akiḏwem qqimeɣ ijjen n ȓweqṯ niɣ akiḏwem seƹḏuɣ ȓmecta bac aḏayi ṯƹawnem ḏeg usafar inu mani ma ruḥeɣ. 7Ȓexxu war xseɣ ca akenniw ẓreɣ minzi axawem d kkeɣ waha; Lla, tmenniɣ ƹaḏ akiḏwem qqimeɣ ijjen n lmudda iƹni meȓa ixes Arebbi. 8Nec aḏ qqimeɣ ḏi ṯendint n Ufasus aȓ ɣa d yaweḍ Ȓƹiḏ n nhar wis xemsin.#16.8 Ȓƹiḏ n nhar wis xemsin ḏ ijjen n ȓƹiḏ n Ayṯ-Israʼil itas-d xemsin yum menbaƹd i Ȓƹiḏ ameqqran nsen. 9Aqa ṯnurzem-ayi-d ijjen n ṯewwarṯ ḏ ṯameqqrant i ȓxeḏmeṯ walakin yinni ig itƹarraḍen aqaṯen mujudin.
10Meȓa yusa-d Timutawus thellam ḏayes mliḥ bac war ḏayes itiȓi ca umnus ȓaḥeqqac netta itegg ȓxeḏmeṯ n Siḏiṯneɣ amecnaw nec. 11Itxeṣṣa uȓa ḏ ijjen war aṯ iseḥqar ca. Ƹawnem-ṯ ḏeg usafar nnes bac aɣari d iƹqeb ḏi ȓehna ȓaḥeqqac nec trajiɣ-ṯ ak ayṯmaṯneɣ.
12U ƹlaḥsab umaṯneɣ Apullus, ttareɣ zzayes aṭṭas ḥima aɣarwem d yas ak ayṯmaṯneɣ nneɣni walakin netta yugi aɣarwem d yas ȓexxu. Aɣarwem d yas axmi aɣares ṯiȓi ijjen n lfurṣa. 13Iȓiṯ ƹlalbal, beddeṯ nican ḏi lʼiman, iȓiṯ ḏ iryazen, iȓiṯ ṯjehḏem. 14Marra min ɣa ṯeggem kenniw teggem-ṯ s ȓemḥibbeṯ.
15-16Aqa ṯessnem Stifanus ḏ ȓeḥbab nnes ḏ niṯni iy yumnen zi Lmasiḥ ḏ imezwura ḏi lʼiqlim n Uxaya, ṭewwƹen ixef nsen aḏ sexxaren i ȓmuminin ṣṣaliḥin. Ay ayṯma, tettareɣ zzaywem aḏ tṭaƹem i yiwḏan-a am yina u ḏ yinni marra icarrcen ḏi ȓxeḏmeṯ-a tamaran ḏayes aṭṭas. 17Nec farḥeɣ wami d usin Stifanus ḏ Furtunaws ḏ Axeykus ȓaḥeqqac ƹemmaren imucan nwem. 18Niṯni sreyyaḥen uȓ inu ḏ wuȓ nwem. Iwa weqqareṯ iwḏan am yina.
Lxitam n ṯebrat-a
19Ṯijumaƹ n ȓmuminin ḏi lʼiqlim n Asya tseǧament-id xawem. Akilas ḏ Priskila ḏ yinni iǧan ḏi jmaƹeṯ n ȓmuminin ḏi ṯeddarṯ nsen tseǧamen-d xawem aṭṭas ḏi Siḏiṯneɣ. 20Tseǧamen-d xawem marra aymaṯneɣ. Seǧamem x wayawya s yijjen n sȓam iṣfa.
21Sȓam-a uriɣ-ṯ nec Bulus s ufus inu. 22Wenni war ixsen ca Siḏiṯneɣ aḏ itwaḥarrem. Araḥ-d a Mawlana! 23Arḍa n Siḏiṯneɣ Ƹisa akiḏwem yiȓi. 24Ȓemḥibbeṯ inu akiḏwem ṯiȓi kenniw marra ḏi Ƹisa Lmasiḥ. Amin.
اکنون انتخاب شده:
1 Ayṯ-Kurinṯ 16: RIF
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید