1 Ayṯ-Kurinṯ 10
10
Ṯaɣennant n Ayṯ-Israʼil nettaṯ ḏ ijjen n lƹibra i neccin
1Cuf ay ayṯma, war xseɣ ca aḏ tettum belli ȓejḏuḏ nneɣ tuɣaṯen qaƹin swadday i useynu#10.1 Ayṯ-Israʼil wami arewȓen zi Miṣra, Siḏi Arebbi iggur ɣar zzaṯ nsen amecnaw ij useynu. Aseynu nni tuɣaṯ am yijjen n upilar iseḍhar-asen-d abriḏ s uziȓ. S ǧireṯ tuɣaṯ amecnaw ijjen n ṯmessi, ṯimessi nni tegg-asen ṯfawṯ ḥima aḏ uyuren s ǧireṯ ḏ uziȓ. Aseynu nni ḏ ṯmessi nni s ṯnayen iḏsen tuɣaṯen qqimen ḏinni ȓebda ɣar zzaṯ i Ayṯ-Israʼil. nni iḥeṭṭa-ṯen. Marra niṯni ẓwan ɣar ujemmaḍ-in n Ȓebḥar Azeggwaɣ.#10.1 Wami arewȓen Ayṯ-Israʼil zi Miṣra, uwḍen ɣar Ȓebḥar Azeggwaɣ abriḏ nsen ibelleƹ ƹȓayen axasen d ḥeȓṯen ȓƹaskar n Miṣra. Ȓexddenni ikkar Siḏna Musa isarreḥ fus nnes ɣar ujenna n ȓebḥar nni issekk-d Siḏi Arebbi asemmiḍ ḏ ccarqi ijheḏ yarra ȓebḥar aȓ ṯcarmin, s ǧiȓeṯ nni yarri-ṯ ḏ ṯamurṯ ṯuzeɣ. Iqqim ȓebḥar nni inefreq x ṯnayen, ẓwan Ayṯ-Israʼil ḏi ȓwesṭ x ṯmurṯ nni yuzɣen. Aman ḏewȓen amecnaw ṯnayen n ȓeḥyuḍ ijjen x uẓeȓmaḍ ijjen x ufusi. 2Marra niṯni twaṭehharen s waman ƹlaḥsab Musa wami ƹḏun ḏeg useynu nni ḏ ȓebḥar nni. 3Marra niṯni ccin zeg yijjen n lmakla ruḥiya. 4Marra niṯni swin zeg yijjen n ṯsessi ruḥiya. Liʼanna niṯni swin zeg uɣbaȓ nni n uzru#10.4 Ayṯ-Israʼil wami ṣafi arewȓen zi Miṣra qqimen ugguren ḏi ȓexȓa, war ufin min ɣa swen qqimen yiwḏan tceṯcan x Siḏi Arebbi ḏ Siḏna Musa. Iysi Siḏna Musa ṯaɣȓiṯ nnes zzaṯ i Siḏi Arebbi mammec ṯ yumar. Ikkar Siḏna Musa ḏ umas Harun ijmeƹ-d ccaƹb zzaṯ i yijjen n uzru ḏ ameqqran inna-asen Siḏna Musa: "Ṣennṭem a yinni war iteggen ca array i Arebbi, ma itxeṣṣa-yaneɣ aḏawem d nsufeɣ aman zeg uzru-ya?" Ȓexddenni isiȓi Siḏna Musa fus nnes yuwṯa azru nni marrṯayen iḏweȓ ḏ aɣbaȓ. Duqzen zzayes waman aṭṭas, swin ccaƹb ḏ ȓeksibeṯ nsen zeg uɣbaȓ n waman nni. ruḥiya iy ṯen iḏeffaren, aɣbaȓ nni n uzru tuɣaṯ netta ḏ Lmasiḥ. 5Waxxa amenni ȓebƹaḏ zzaysen waha mixef yarḍa Arebbi, inneɣni menḍaren ḏinni ḏ immurḍas ḏi ȓexȓa nni.
6Ṯimesȓayin-a weqƹent ḏ ijjen n lƹibra i neccin. Mayemmi? Bac war ḏayneɣ itiȓi mezȓi x ccarr mammec tuɣa cehhan niṯni. 7War ƹebbḏeṯ ca lʼaṣnam mammec ggin ȓebƹaḍ zzaysen. Mammec iqqar Lkitab: <Iwḏan nni qqimen aḏ swen aḏ ccen, uca kkaren aḏ zhun.> 8Itxeṣṣa war nfesseḏ ca mammec ggin ȓebƹaḍ zzaysen, mmuṯen wḍan ɣar ṯmurṯ can ṯȓaṯa u ƹicrin aȓaf zzaysen ḏeg yijjen n nhar. 9Itxeṣṣa war nzeƹƹem ca a nẓer min ɣa igg Lmasiḥ, mammec ggin ȓebƹaḍ zzaysen uca twanɣen s ifiɣeran. 10Itxeṣṣa war netceṯca ca mammec ggin ȓebƹaḍ zzaysen wami xasen iqḍa Ƹazȓayen.
11Weqƹent-asen ṯimesȓayin-a ḏ ijjen n lƹibra i neccin. Zemmmen-ṯent ḥima azzaysent neȓmeḏ neccin, iƹni xeḍȓent-id xaneɣ aȓ uneggaru-ya n zmanaṯ. 12S manaya wenni umi itɣiȓ-as qa ibedd war iweṭṭi ca, itxeṣṣa-yas aḏ d yarr ȓbaȓ nnes. 13Ṯimesȓayin nni ṯinni ig itiȓin ȓebda ak bnaḏem ḏ ṯinni iy kenniw itɣarran. U Arebbi netta ḏayes ttiqeṯ, war kenniw itejji ca aḏ twaɣarram s min war ṯzemmarem aḏ teṣbarem; Lla, aḏawem iḏebbar ijjen n ṯewwarṯ ḥima aḏ teṣbarem i manayenni.
14S manayenni ay imƹizzen inu, arewȓeṯ zi lʼaṣnam. 15Ssawaȓeɣ akiḏwem ɣarwem ȓaƹqeȓ nwem, meyyzeṯ min qqareɣ ma ḏ ṣṣaḥ ma lla. 16Ȓkas nni n lbaraka iy zi netbarak neccin, zzayes iy ncarrec ḏeg iḏammen n Lmasiḥ. Aɣrum nni iy netrezza, zzayes iy ncarrec ḏi ddat n Lmasiḥ. 17Ḏinni ijjen n ṯxebbast n uɣrum waḥḏes, s ssabab-a neccin ḏ ijjen, waxxa ḏinni aṭṭas iy iḏneɣ. Minzi neccin marra iḏneɣ ncarrec ḏeg yijjen n ṯxebbast. 18Fekkareṯ ḏi Ayṯ-Israʼil, yak yinni itetten dbiḥaṯ niṯni carrcen ḏi ȓmeḏbaḥ nni, niɣ lla? 19Min xseɣ nec aḏ iniɣ? Ma qqareɣ belli lmakla nni itqeddamen i lʼaṣnam nettaṯ ḏ ca n ȓḥajeṯ? Niɣ qqareɣ belli lʼaṣnam niṯni ḏ ca n ȓḥajeṯ? 20Lla, walakin qqareɣ belli min ɣarrṣen lkuffar ḏ dbiḥaṯ tqeddamen-ṯent i ccayaṭin maci i Arebbi. Nec war xseɣ ca akiḏsen ṯcarcem ak ccayaṭin. 21War ṯzemmarem ca aḏ teswem zi ȓkas n Siḏiṯneɣ niɣ zi ȓkas n ccayaṭin s ṯnayen iḏsen. War ṯzemmarem ca aḏ tcarcem ḏi missa n Siḏiṯneɣ ḏ missa n ccayaṭin s ṯnayen iḏsent. 22Ma nrezzu a nesƹeṣṣeb Siḏiṯneɣ s lɣira? Niɣ ma nejheḏ xas neccin?
Lḥurriya n ȓmuminin
23Marra ṯimesȓayin ḥeǧȓent, walakin maci marra ṯimesȓayin testenfaƹent. Marra ṯimesȓayin ḥeǧȓent, walakin maci marra ṯimesȓayin aḏaneɣ sjehḏent. 24War rezzuṯ ca ȓxir i yixef nwem, rzum-ṯ i wajjar nwem. 25Cceṯ min ma ṯufim itmenza ḏi ssuq n igezzaren, war tseqsam ca jjeṯ ḍḍamir nwem mertaḥ. 26Liʼanna iqqar: <Ṯamurṯ-a nettaṯ ḏ marra min ḏayes n Siḏi Arebbi.>
27Meȓa can yijjen maci ḏ ȓmumen iƹareḍ-ikenniw bac aḏ teccem akiḏes u kenniw ṯrezzum aḏ traḥem, cceṯ min ma ṯufim sersen-t zzaṯ nwem war tseqsam ca, jjeṯ ḍḍamir nwem mertaḥ. 28Walakin meȓa inna-awem ḥadd qa manaya qeddmen-ṯ ḏ dbiḥeṯ i lʼaṣnam, war t tettem ca. Manaya ƹlaḥsab wenni iy ḏawem ṯ iqqaren u ƹlaḥsab ḍḍamir. 29Iƹni ḍḍamir n wenni iy kenniw iƹarḍen, maci ḏ ḍḍamir nwem. Ȓaḥeqqac nec mayemmi ḍḍamir n yijjen nneɣni aḏ iḥkem x lḥurriya inu? 30Meȓa cekkareɣ Arebbi x can lmakla, mayemmi iy ḏayi ɣa ḥasben x manayenni iy zi cekkareɣ Arebbi?
31Iḏen, meȓa ṯsessem niɣ tettem niɣ min ma teggem, ggeṯ marra manayenni bac aḏ itwasemɣar Arebbi. 32War ɣeṭṭȓeṯ ḥadd waxxa niṯni ḏ israʼiliyen niɣ ḏ iyunaniyen niɣ ḏ jmaƹeṯ n ȓmuminin n Arebbi. 33Nec rezzuɣ aḏ sarḍiɣ marra iwḏan ḏi marra min teggeɣ. War rezzuɣ ca ȓxir i yixef inu, rezzuɣ-ṯ i marra iwḏan bac aḏ nejmen.
اکنون انتخاب شده:
1 Ayṯ-Kurinṯ 10: RIF
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید