Luke 7
7
Chapter 7.
1TL haada geu gu il gushu-elthdaiandlu, Capernaum ai il kudsaian.
2Waigien nung centurion-ga gītsadang kwōyādaian stigan gien kotulthdalan.
3Waigien tlistleuon Jesus alth gialthing-e il gudang-andlu, Jews haada k'ēas la ā il kilistīidan, waigien il gītsada il kogundie da la alth il kiānang-an.
4Waigien tlistleuon Jesus un il istla-āwon-dlu, kwunan la alth il hiānung āwon, Adshi la un dung isdie un il lāgung;
5Itil gia gwai-gang-ai il kwōyādas gien la kodan ishin itil gia synagogue-nagai tloulthagun altha, waigien hin il shu-āwon.
6Waigien Jesus la alth kaidāwon. Waigien tlistleuon nai un il dōng-ēlandlu, nung centurion-gas tou-alung la ā kilistīidan, waigien hin la il shudāwon, Shalana, gum lth gudung-ung lthkwīdadang; di kwulth dung kudsie un gum di lāans altha;
7Althji althū ltha kodan dung ā kogai un gum di lā-ung-ung lth gudung-gun; hing-an lth gushu, waigien di gītsada ngīstlāashang.
8Di un ishin tl itlagadas altha, waigien di ishin soldier haade un itlagadāgung; waigien, Kaidltha, hin nung swon lth shudasdlu, il kaidung-gung; Halūt, hin ishin nung swon lth shudasdlu, il katlagung-gung; Adshi lth isdi, hin ishin gītsadang lth shudasdlu, il isda-gung-gung, hin il shu-āwon.
9Waigien tlistleuon Jesus adshi gudang-andlu, la un il kuldung-āgan, waigden shkūla la dla istals gwī ung-a il dlisdlaian, Israel haade shu-hun gum hin nung yetdatlju lth keng-ung-gun dalung ga lth shudang, waigien hin tla il shudaian.
10Waigien ga il kilistīidan-gai nai gwī silthgang stēlan, waigien nung gītsadas ligulths il keng-āwon.
11Waigien gum jīng-ang-gundān Nain hin lana kyā ā il kaidan; waigien lagia disciplesgai isgien tl shkūl-euon ishin la alth ijan.
12Waigien ilnagai keu-e un il dōng-ēlandlu, nung kotalā tl ādlāwaugan, waigien tlan la swonan il ou kaian gien, il ou dliangan; waigien ilnagai haade kwon la alth ijan.
13Waigien Shalana il kang-andlu, la kalth-shint il gudang-an, Gum lth sailthang, waigien hin la il shudaian.
14Waigien āanan il katlagan gien, gin alth la tl ahgundals ing-gu il tl-dulthdaian, waigien ga ahgundalan-gai tljūgiāagan. Nung itaninās, kalthultha, hin dung lth shudang, waigien hin il shouon.
15Waigien nung kotulāgan yā kou-on gien il gushu-īdan. Waigien il ou ga la il isdaian.
16Waigien tl wautliwon lthwaugalan; waigien Shanung-itlagadas un tl yāgudang-an. Nung prophetga euon ū itil shu isīlgung, hin tl shouon gien, Shanung-itlagadas gyang haad-gai keng-atlang, hin ishin tl shouon.
17Waigien adshi alth gialthing-e Judæa tligai ashkwau-hun gut isgien, odō tliga ijan wautliwon ēt ishin lang-a king-ā-kokūstlūaian.
18Waigien John gia disciplesgai a gin is wautliwon la ga shudaian.
19Waigien John gyang disciples-gai stung un aiang-an gien, Shalana ā la il kilistiidāwon, Nung katla-ung-kasas gu dung is? nung kulat ga gu talung khatsū-ash? waigien hin il shu-āwon.
20Waigien tlistleuon tl īlthansidas la un istlagandlu, hin il shū-āwon, John Baptist dung ā itil kilistīidun, Nung katla-ung-kasas gu dung is? nung kulat ga gu talung khatsūash? hin il shugung, hin il shūāwon.
21Althsgai ashkoshgut gūt tl sti kwon i-gien, tl stigaga ishin, hants dāung-a gi ā isisgai ishin, il tl-ligalan; waigien ga hang-kaga kwon ishin hung-i il tla-helthilthgaian.
22Waigien hin hang-lthang la il shudāwon, Istīidultha, waigien gin dalung kens isgien, gin dalung guduns ishin John ga lth shūdū; ga hang kagasgai ū hung-i helthilth-gang, ga kwolū kōdas istalgung-gung, leprosy alth ga stisgai shkwūnagulgung, ga geudanas-gai gin gudung-gung, ga kotulthgiasgai kālthougadung-gung, waigien ga kong-ushgitaigasgai geu gu gialthang lā alth tl gushugang.
23Waigien gum di nung gū-dāung-uns ū lā-gung, hin hanglthang la il shudāwon.
24Waigien tlistleuon John la ā ga kilistīidan-gai istīidandlu, ga shkūlasgai ga John alth il gialthindīidan, Gūsh dalung kang-gai un ū tligunltha ā dalung istīidang? kunchich tudsou alth hu-yhilduns gwau?
25Gūsh kang-gai un tlou dalung ijang? nung īlthing-a gin lthtuna giandas gwau? Gwokeng, gin lā ga giandasgai isgien, tou lā ga tasgai ishin, ga king-gas gia nai ā ijung.
26Gūsh kang-gai un tlou dalung ijang? nung prophetga gwau? Ang, nung prophetga telg āgwi nung et dalung keng-āgan dalung ga lth shudang.
27Althunis edē ū hin kalung-āgung, Gwokeng, dung konast gitsadang lth kilkaidung, waigien dung gia keu-e dung konast il ēlthgīdā-ashang, hin kālung-āgung.
28Tl jāada ga kaiwosgai shū gum John telg nung edang-gung; waikian Shanung-ītlagadas gia kingdomgai gu nung īḵutsū isis hawun la telg edung dalung ga lth shūgung, hin Jesus shouon.
29Waigien tl haada wautliwon isgien, giashouganung-lēalung ishin, tlistleuon tl gudang-andlu, Shanung-itlagadas tl yetdaian, John gia baptism-gai alth tl baptize-diāgan altha.
30Waigien Pharisee haade isgien, tuking-go-gang-lēalung ishin, Shanung-itlagadas kil ga gwou-aian, waigien gum tla il baptize-dang-an.
31 Waigien Jesus hin tl shudaian, Gūsh ging-an ū wēt hāade lth etdāashang, waigien gūsh ging-an ū tl ēdung?
32Gyā gu tl wahdas gu tl āḵutila tlō-wons gien, gūt ga kiāgang-guns ging-an tl ēdung; Dalung un talung hūking-ang-gun, waigien gum dalung hyalthang-gun; talung kīlthdsū-gun, waigien gum dalung saigang-gun, hin tl shugung-gung; āū tliku wēt haade ishin ēdung.
33John Baptist katlagundlu, gum la ga tā-ug-gīni, wine ishin gum il nīltliang-gīni; waigien hants dāung-a la ā ising dalung shugun.
34Nung haada Git katlas gien, il lthdanūgung-gung; waigien nung īlthing-a kwotaga isgien, wine-nēlēga ishin, giashouganung-lēalung isgien ga daung-asgai tou-i ishin il ising dalung shugung!
35Waigien nung kutung-as gitalung wautliwon il kutung-as kendagung-gung, hin Jesus shouon.
36Waigien Pharisee haade swon la alth il lthdanūe da il gudang-an. Waigien nung Pharisee haadas kwulth il kudsaian gien lthdanūe un il kou-on.
37Waigien ilnagai gu nung jada ijan dāung-aian; waigien nung Pharisee haadas gia nai ā il lthdanūs un il ūnshidalandlu, tō alabaster kulg ā ijan il shkugang-an.
38Waigien il stai sha il giāagan gien il sailthai-an, waigien il stai hung-ung hou alth il tīlthdīidan gien, kuts-ung alth lang-a il gīshouon, waigien il stai il shkwuntlaian gien, tō alth lang-a il tōdaian.
39Waigien nung Pharisee haada la un aiang-an kang-andlu, hin il gudang-an, Anung īlthing-as prophetgasdlu, tliku nung jada et la ing-gu tl-dulthdas un il ūnshit-lthing-āgan, il daung-as altha, hin il gudang-an.
40Simon, dung ga gin shudie da di gudung-gung, waigien hin Jesus hanglthang il shudaian. Di ga lth shudi, nung itlagadas, waigien hin il shouon.
41Waigien Jesus hin il shudaian, Nung giashildadalēga tl stung giashildadaian; nung swon pence hundredgai tlēlth shildaian, nung swon gia ishin tlāale-tlēlthaian.
42Tlistleuon gin alth la ga giashoulthing-e gum kang-gang-andlu, il stung-won ga il dang-āwon. Ginasū il kwōyādā-dsilthīishang? hin la il shudaian.
43Nung gia kwon wau ga il dang-an il kwōyādādsilthīishang lth gudung-gung, hin Simon hanglthang shouon. Dung gū-yetdang, waigien hin la il shudaian.
44Waigien nung jadas gwī il kiaian gien, hin Simon il shudaian, Dung kwulth lth kudsagundlu, gum di stai un untl di ga dung isdang-gun; la tlou hung-ung hou alth di stai tilthildagun gien, kuts-ung alth il gīshūgun.
45Gum di dung shkwuntlang-gun; la tlou lth kudsagun sta gum hawun tlan di stai shbwūnakung-gung.
46Gum di kuts dung tōdang-gun; la tlou di stai tō alth tōdagun.
47Althji alth il dāung-ie kwons-kianan lang-a ga gakung-uug dung ga lth shugung; di il kwōyād-euon-gun altha; lthing-an nung dāung-as gagakunsdlu tlou, althunis lthing an tl kwōyādagung-gung, hin Simon il shudaian.
48Dung dāung-as gagakung-gung, waigien hin nung jadas il shudaian.
49Gīshdu tl dāung-as gabung-gung? waigien hin ga lthdanāwon-gai gudang-an.
50Dung yetdie ū dung bogundang; gudung-ai dlaia alth lth kaid, waigien hin nung jadas il shudaian.
اکنون انتخاب شده:
Luke 7: HAIDA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
First published by the British and Foreign Bible Society 1891-1899.
