Luke 5
5
Chapter 5.
1WAIGIEN la odō tl shkūlēlan gien, Shanung-itlagadas kil tl gudang-andlu, Gennesaret shu-e jin-gu ii giāang-an;
2Waigien kontlu kē-stung shu-e ā gī-haguns il kang-an; ga āada-lēgasgai tlou wau sta istāalan gien, āade ung-a tl dlan-an.
3Waigien kontlū-e ke-swon Simon gia ijan gwē il katlīgan, waigien kotgwl tligai sta la il tlū-kusalan. Waigien il kouon gien, kontlū-e gwau sta tl shkūlas gin il shkotadaian.
4Waigien tlistleuon tlan il gushouondlu, Kotga lthdling-gai ā lth tlū-kusi, waigien chān ga āade ung-a isdi, dung āadie una, hin Simon il shudaian.
5Nung itlagadas, al shoshgu talung āadagun, waigien gum gin talung ḵutliidang-gun; waikianan tliku dung shūs ging-an chān ga āade ung-a lth isdāashang, waigien hin Simon hanglthang shouon.
6Waigien tlistleuon hin il wau-awondlu, shkolthung kwon-euon il chitlāwon, waigien āade lang-a adsilthidawon;
7Waigien kontlū kulat gwau tou-alung isāwon hung-a il tlū-uldung-āwon, la da il tlāadawe una. Waigien il tlū-katla-āwon gien, kontlū-e ke-stung-un il sta-hūdāwon, waigien chahatēidan.
8Waigien tlistleuon Simon Peter kang-andlu, Jesus kwolū hetgu il tīgūstlū-aian, Shalana, di sta lth kaid, nung īlthing-a dāung-a di isis altha, waigien hin il shouon.
9La isgien, la alth ga ijan wautliwon ishin, shkolthung kwon-euon tl isdaian un kuldung-āgan altha;
10Waigien James isgien John ishin, Zebedee gitalung ijan, Simon alth gudī āadlēgagan ishin kuldung-āgan. Gum lth lthwaugang; adshi sta tl hāada dung isdāashang, waigien hin Jesus Simon shudaian.
11Waigien tlistleuon kontlue dit-gwī ga ung-a il isdāwondlu, gin wautliwon il tlistlāawon gien, la dlā il istiidāwon.
12Waigien hawun ilnagai swon gu il ijundān, nung īlthing-a leprosy alth stāūgāgan gu ijan; waigien tlistleuon Jesus il kang-andlu, il tīgūstlūaian gien, la ā singlthgang il gushouon, Shalana, dung gwūlasdlu di dung tlashkwunagal-lthing-āgung, waigien hin il shouon.
13Waigien stlang il jistlaian gien, la ing-gu il tl-dulthdaian, Di gwūlāgung; shkwunagul-ltha, waigien hin il shouon. Waigien hawīdan leprosy-gai la sta gūēlan.
14Waigien gum nung ga il shudalthangan, Kaid-ltha, waigien lth nung liplētgas agung kendi, waigien tliku Moses tuking-go-gang-an ging-an lth dung shkwunagulths alth gin isda, dung ligulths un tl ūnshidai una, waigien hin il shouon.
15Waigien wautelg āgwī la alth gialthing-e king-ā-kokūstlu-aian; waigien tl shkūl-euon il kil gudung-ai un isgien, tla il tl-ligulai un ishin, gudā ijan.
16Waigien tla sta tligunltha ā il kaidan gien, singlthgang il gushouon.
17Waigien althsgai shantlanai swon gut gin tla il shkotadaian; waigien Pharisee haade isgien, king-goguns shkotadālē-alung ishin gu tlō-daian, waigien Galilee gu isgien, Judæa gu ishin, Jerusalem gu ishin, lana ijan wautliwon sta u tl ijan; waigien tla il tl-ligulai un Shalana gia dugwīgai la alth ijan.
18Waigien tl īlthansida sti dliida alth nung stis ūnchāang-ū ing-gu isīs la ā tl isdaian; waigien anā ga la tl isdas gien, la hetgu il āūgai da tl gudang-an.
19Waigien tl shkūlas alth gum tliku anā ga la tl isdalthing-e kang-gang-andlu, nas ing-gwī ga tl isdlalthaian gien, Jesus tla yākosīa ijan hetgu nas ing-gu sta ūnchāangwē dung-alth la tl yhitadsaian.
20Waigien tl yetdas il kang-andlu, Nung īlthing-as, dung dāung-as gagakung-gung, hin il shouon.
21Waigien tukālung-lēalung isgien, Pharisee haade ishin, edē ā kāūgīidan, Gīshd ā is ū gushou dāung-a shudang? Gīshdū tl dāung-as gakang-lthing-āgung, tlan Shanung-itlagadas swonan-a? waigien hin tl shouon.
22Waigien gin ā tl kāūgas un Jesus unshidalandlu, hin hanglthang tla il shudaian, Gūsh odō dalung kwūlthilgung?
23Dung dāung-as ga gakung-gung, hin shougai isgien, Kālthūltha waigien lth kā, hin shougai ishin, gīshgai-ū yang-alang?
24Waigien nung haada Git hēt-tligai gu tl dāung-as gakang-gai un dugwīas un dalung unshidai un lth shugung, hin tla il shudai-an; Kālthūltha, waigien lth ūnchāang-we ung-a isdi, waigien lth nai ā ung-a kaid, hin dung lth shudang, (waigien hin nung sti dlīidas il shudaian).
25Waigien hawīdan tla hang-gu il kālthāwon gien, gin ing-gu il tīdaian ung-a il isdaian gien, nai ā ung-a il kaidan, waigien Shanung-itlagadas un il yāgūdang-an.
26Waigien tl wautliwon kuldung-āgan, waigien Shanung-itlagadas un tl yāgūdang-an; waigien tl lthwaugulth-euon-an, Aiat gin akaia talung keng-gun, waigien hin tl shouon.
27Waigien adshi dlā il kagwaulan, waigien gya gu tl giashous gu nung giashouganung-lēga kou-os il kang-an, Levi hinū il kyāgan; Di dlā lth kā, waigien hin la il shudaian.
28Waigien gin il tustl-ōdsou-on gien, il giāagan, waigien la dlā il kaidan.
29Waigien Levi gyang nai ā lagunung-euon la un tloulthaian; waigien ga giashouga-nung-lēga shkūl-euon isgien, tl kulat ishin, lthdanūe un tla alth tlō-daian.
30Waigien Pharisee haade isgien, tlagia tukālung-lēalung ishin lagia disciplesgai un gudung-ai stigan, Gushintlou giashouganunglē-alung isgien, ga dāung-asgai ishin alth dalung lthdanūgung? waigien hin tl shouon.
31Waigien Jesus hin hanglthang tl shudaian, Ga althinsgai ū gum tla nung tl-ligal-lēgas ga stalthagung-ung-gung; ga stisgai tlou ga stalthagung-gung.
32Gum ga lasgai un ai-ing-ai un lth ka-tla-ang-gung; ga dāung-asgai gudung-ung stīlthdie un ū lth katlang, hin tla il shudaian.
33Waigien hin la tl shudaian, John gia disciplesgai kesalgīgung-gung, waigien singlthgang tl gushugigung-gung; Pharisee haade gia disciplesgai ishin ging-an ēdung-gung; dung gia disciplesgai tlou lthdanūgung-gung, hin la tl shudaian.
34Waigien hin Jesus tl shudaian, Hawun nung jatanēlths tou-alung wau kwulth iskialthk gu tla dalung kēsal-dalthing-ā-ūsh?
35Waigien nung jatanēlths tla sta tl isdāases shantlanai isisang, gai sing-ai gut tl kēsalashang, hin Jesus tl shudaian.
36Waigien kēgang alth tla ā il gushouon; Gum nung swonshung-hun kōdats outla sta gin dung-gītlas gien, kodats kēga ā il gūshgīd-ung-ung-gung; ging-an il wausdlu, nung outlas il dung-īlth-gwai-ishang, waigien nung outlas sta ga isgai ishin gum nung kēgas un lā-ung-ashang.
37Waigien gum nung swonshung-hun wine outla gin kul kēga ai isdagung-ung-gung; ging-an il wausdlu, wine outlas gin kul is tla-kwong-ashang, waigien ū ging-gūashang; waigien gin kul is ishin gūashang.
38Waigien wine outla gin kul outla ai tl isdie ū lāgung.
39Waigien gum nung swonshung-hun wine kēga nīlthsdlu, ga outla ga stalthagung-ung-gung; ga kēgas lang il shūs altha, hin il shouon.
اکنون انتخاب شده:
Luke 5: HAIDA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
First published by the British and Foreign Bible Society 1891-1899.
