SIEMPU LAIBU 3
3
Thunuom Biehnate
1Na biehna pen thunuom biehna ahi a, bawnghon lah panin anu ahi sihle apa na tawi leh Topa mai-ah genbaang lo khat hi ding hi. 2Biehna ganhing lutungah na khut ngamin kikhopna buh tunkotah na go ding hi; Aaron’ suon siempute in maitam kimvelah gansi the ding uhi. 3Thunuom biehna panin Topa tungah mei tawh biehna dingin a gilpi tuom a thaute le a sungkuote kima om a thaute zosie tawh; 4a kawnga om a kal tegel le a kal tegel tunga om a thau, le a kal tegel tawh kilahtha ding ahi a sin tunga beh a tepkaite na pie ding hi. 5Tua ciengin Aaron’ suonte in mei tunga om sing tunga meihal biehnate tawh maitam tungah tuate hal ding uhi. Tua khu Topa dinga a gimnamtui mei tawh kihal biehna ahi hi.
6 Topa tunga na tawi thunuom biehna khu tuu le keel honte lah panin anu ahi a, apa ahi zongin a genbaang lo khat hi ding hi. 7Biehna dinga tuuno khat na tawi leh Topa mai-ah na peipi ding a, 8gan lutungah na khut na ngam ding hi. Kikhopna buh mai-ah tua gan kigo ding a, Aaron’ suonte in maitam kimvelah a si the ding uhi. 9Topa tungah meihal biehna dingin thunuom biehna panin a thaute, a ngumgu dong cienga ki-attan a meithau zosie le a gilpi tuom a thaute le a sungkuo kima om a thaute zosie tawh; 10a kawnga om a kal gela a thaute tawh, a kal gel tawh kilahtha ding ahi a sin tunga beh a tepkai pie ding hi. 11Tua ciengin siempu pa in Topa tungah mei tawh kihal an tawh biehna dingin maitam-ah tua teng hal ding hi.
12Na biehna khu keel khat ahile Topa mai-ah tua keel na peipi ding a, 13tuale a lutungah na khut na ngam ding hi; tua pen kikhopna buh mai-ah na go ding hi; tuale Aaron’ suonte in maitam kimvelah tua gansi the ding uhi. 14Tua lah panin Topa tungah meihal biehna dingin a gilpi tuom a thaute le a sungkuote’ tunga om a thau zosie tawh; 15a kawnga a kal gel le a thau tawh, a kal tegel tawh kilahtha ding ahi a sin tunga beh a tepkai na pie ding hi. 16Tua ciengin siempu pa in a gimnamtui dingin mei tawh kihal an tawh biehna dingin maitam tungah tuate hal ding hi. A thau zosie Topa -a’ ahi hi. 17Tua khu na khang tawntung vua na tenna uh mun zosie-ah a kip tawntung thukham hi ding hi: Note in a thau ahi sihle a si kici poma na ne vawt sih ding uhi.
اکنون انتخاب شده:
SIEMPU LAIBU 3: ZBOTF01
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Zo Bible © Bible Society of Myanmar, 2018.