SIEMPU LAIBU 12
12
Nausuo Zaw Cienga Numeite Kisiensuona
1 Topa in Moses hopi a, 2Israel mite kungah tam bangin gen in, a ci hi:
Numei khat gai-in ta pasal khat a nei leh a nin nei lai ma bangin ni sagi sung tua nu a sieng lo hi ding hi; 3a ni giet ni-in a tapa a tep kitan ding hi.#Pien 17:12; Luk 2:21 4A siluonna panin a kisiensuo nading hun pen nisawm thum le ni thum sung hi ding hi; a kisiensuona ni a cin masangin a siengtho na khatpopo tham thei lo ding a, mun siengtho sungah zong lut thei lo ding hi. 5Ama in ta numei khat a nei leh a nin nei hun lai ma bangin nipikal ni sung a sieng lo hi ding hi; a siluonna a kisiensuo nading hun pen ni sawm guh le ni guh sung hi ding hi.
6A kisiensuona ni a cin zaw ciengin, tua nu in a tapa ading ahi a, a tanu ading ahi zongin kikhopna puonbuh lutna siempu pa kungah meihal biehna dingin kum khat a pha tuuno khat, le khielna biehna dingin paalva khat ahi sihle vakhu khat peipi ding hi. 7Ama in Topa mai-ah tuate peipi-in tua nu adingin thoidamna bawlpieh ding hi; tua ciengin a siluonna panin tua nu a sieng hi ding hi. Tam pen tanu hitale tapa hitale a nei nu adingin zui ding ngaina ahi hi. 8Tua nu in tuuno a pieh zawh sih leh paalva ni ahi sihle vakhu ni tawi ding a, khat pen meihal biehna le adang khat pen khielna biehna hi ding hi; tuale siempu pa in tua nu adingin thoidamna bawlpieh ding a, ama a sieng hi ding hi.#Luk 2:24
اکنون انتخاب شده:
SIEMPU LAIBU 12: ZBOTF01
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Zo Bible © Bible Society of Myanmar, 2018.