PIENCILNA 15
15
Abram tawh Pasien’ Thuciemna
(Heb 11:8-10)
1Tam teng zaw ciengin a mangmuna sungah Topa’ kammal Abram tungah tung a, “Abram aw, zau sin, keima na lum ka hi hi. Na thaman gol mama ding hi,” a ci hi. 2Ahi vangin Abram in, “Topa Pasien aw, kei bang nei pie diei? Azieh pen ta ka nei nai sih a, ka inn luo ding pen Damascus#15:2 Heb ah a khietna kicien lo hi. khuo mi Eliezer ahi hi,” a ci hi. 3Abram in, “Nangma in suonlehlah nei pie sih a, tuaci’n ka inn sunga a suoh sila khat ka gamhluo ding ahi ta hi,” a ci hi. 4Ahi vangin a kungah Topa’ kammal tung a, “Tam mipa pen na gamhluopa ahi sih ding hi; nangma-a’ tahtah lo buong koima na gamhluopa ahi sih ding hi,” a ci hi. 5Ama in a pulamah Abram peipi a, “Van lam enin aasite na sim thei leh sim in,” a ci hi. Tua ciengin ama in, “Na suonlehlahte tua bang ahi ding hi,” a ci hi.#Rom 4:18; Heb 11:12 6Tuale ama in Topa a um a, Topa#15:6 Heb “ama” in tua khu dihna-in a simpieh hi!#Rom 4:3; Gal 3:6; Jas 2:23
7Tua ciengin ama kungah, “Tami gam na luo nading vua Chaldea gam Ur khuo pana note ang peipi pa keima Topa ka hi hi,” a ci hi. 8Ahi vangin ama in, “Topa Pasien aw, tua gam ka luo ding lam bangci thei ding ka hei?” a ci hi. 9Ama in, “Bawnglaa kum thum a cingsa khat, keelnu kum thum a cingsa khat, tuutang kum thum a cingsa khat, gam vakhu no khat le palva no khat ka kungah hing peipi in,” a ci hi. 10Ama in tam teng zosie peipi a, tuate phal ni ciet suo-in phal khat le phal khat kimai ngatin a koi hi; ahi vangin vate phal ni a suo sih hi. 11Ganhing site tungah sasielne vate a tuh uh ciengin Abram in tuate a heumang hi.
12Ni a tum ciengin Abram a kimut a suoh mama a, tuale ama tungah a zauhuoi mielkingpi khat tu hi.#Job 4:13-14 13Tua ciengin Topa#15:13 Heb “ama” in Abram kungah, “Amau’ gam ahi lo gam khatah na suonlehlahte pemta-in a om ding vua, khum munah amate sila suohin kum zali sung kibawlsie ding hi, ci theicien in!#Pei 1:1-14; Sawl 7:6 14ahi vangin a na a seppieh uh minamte tungah thukhenna ka tungsah ding a, tua zaw ciengin nei le lam tampi tawh amate a peikhie ding uhi.#Pei 12:40-41; Sawl 7:7 15Nang na hi leh na pu na pate kung lungnuom tahin na zuon ding a, a vuoikawnin ang kivui ding hi. 16Khang lina ciengin amate tam munah a peikia ding uhi; azieh pen Amor-te’ mawna kicing nai lo hi,” a ci hi.
17Ni a tum zaw khuo a miel ciengin a kiphalsuo sate kikalah meikhu beel khat le meivah kuong khat a pei hi. 18Khum ni-in Topa in Abram tawh thuciemna bawl a, “Na suonlehlahte tungah tam leitang, Egypt gun panin Euphrates gun cieng dong,#Sawl 7:5 19Ken-te, Keniz-te, Kadmon-te, 20Hit-te, Periz-te, Rephaim-te, 21Amor-te, Canaan-te, Girgash-te, le Jebus-te’ leitang ka pie hi,” a ci hi.
اکنون انتخاب شده:
PIENCILNA 15: ZBOTF01
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Zo Bible © Bible Society of Myanmar, 2018.