PEIKHIETNA 17
17
Suongpi panin Tui
(Gam 20:1-13)
1 Topa’ thupiehsa bangin Israel mi buppi Sin senel gam panin Israel mi buppi a banbanin khuol a zin uhi. Amate in Rephidim-ah giephuol a sat uhi, ahi vangin khum munah mite dawn ding tui om lo hi. 2Moses tawh mite a kihau vua, “Ka dawn ding uh tui ei pie’n,” a ci uhi. Moses in a kung vuah, “Bang dinga kei nei phin uh ahei? Bang dinga Topa na zelah uh ahei?” a ci hi. 3Ahi vangin khum munah tui du-in mite a dangta uhi; tuale Moses tungah mite phunin, “Bang dinga dangta-a si dingin Egypt panin kote, ka tate ule ka ganhingte uh ei peitopi na hei,” a ci uhi. 4Tuaci’n Topa tungah Moses kiko a, “Tam mite bang ka law ta diei? Suong tawh ei seplia dinga kisa ahi ta uhi,” a ci hi. 5Topa in Moses kungah, “Israel upate pawlkhat zawpi inlen mite mai-ah pei in; na khut sungah Nile gun na satna ciengkhut tawi inlen pei in,” a ci hi. 6Horeb-a suongpi tung na mai-ah keima ka na ding ding hi. Tua suongpi sat lacin mite dawn thei dingin tua suongpi panin tui ang phul ding hi. Israel upate muna-ah tua bang ma-in Moses a gamta hi. 7Ama in khum mun pen Massah#17:7 “Zelahna” a cina ahi hi. le Meribah#17:7 “Kihauna” a cina ahi hi. ci-in a min phuo hi, bang ding ahei cile Israel-te in, “Eite’ lahah Topa a om amah, a om sih ahei,” ci-in a kihau vua, amate in Topa a zelah uhi.#Gam 20:2-13
Amalek-te in Israel Simin Lel.
(Pien 14:7; Gam 13:29; 14:25)
8Tua ciengin Amalek-te kuonin Rephidim-ah Israel-te tawh a kido uhi. 9Moses in Joshua kungah, “Eite dingin mi pawlkhat teelin Amalek-te do dingin kuon in. Keima in zing ciengin ka khut sungah Pasien’ ciengkhut tawi-in muol dawnah ka ding ding hi,” a ci hi. 10Tuaci’n Moses’ gensa ma bangin Joshua gamta a, muoldawn ah Moses, Aaron, le Hur-te a kato laitahun Amalek-te tawh a kido uhi. 11Moses in a khut a sangkhai laisie Israel-te in a zo vua, a khut a niemkhieh ciengin Amalek-te in a zo uhi. 12Ahi vangin Moses a khut a kham hi. Tuaci’n amate in suongtum khat la-in ama’ nei-ah a koi vua, tua suong tungah Moses a tosah uhi. Aaron le Hur-te, khat langkhatah, a khat a lang khatah pangin a khut gel a dom uhi; tuaci’n nitum cieng dongin a khut gel kipden hi. 13Joshua in Amalek le ama’ mite namsau tawh a zo gawp hi.
14Tua ciengin Topa in Moses kung ah, “Ciemtena ahi dingin laibu sungah tami thu giel inlen, Joshua’ zahin tua thu sim in: Keima in vansin nei panin Amalek-te kiphawna ka phietmai ding hi,” a ci hi.#Thkna 25:17-19; 1Sam 15:2-9 15Moses in maitam khat lam a, tua khu Topa in keima’ zawna diel ahi hi, ci-in a min phuo hi. 16Ama in, “Topa’ zawna diel tunga khut!#17:16 Cn: Heb ah a khietna kicien lo hi. Topa in a khang khangin Amalek-te a do ding hi,” a ci hi.
اکنون انتخاب شده:
PEIKHIETNA 17: ZBOTF01
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Zo Bible © Bible Society of Myanmar, 2018.