PEIKHIETNA 1
1
1Tam teng pen Jacob tawh Egypt gama a zawhton, a innkuon ciet utawh ahi Israel’ tapate’ min ahi hi: 2Reuben, Simeon, Levi, le Judah, 3Isschar, Zebulun, le Benjamin, 4Dan le Naphtali, Gad le Asher-te ahi hi.#Pien 46:8-27 5Jacob pana a pieng zosie a unpi-in sawm sagi a pha hi. Joseph pen Egypt gamah a na om zo ta hi. 6Tua ciengin Joseph, a sanggamte zosie, le tua khangmi zosie a si sieng uhi. 7Ahi vangin Israel-te cipha-in tampi a pha uhi; amate tamin hat citahin a hat vua, tuaci’n gam sung teng a dim uhi.#Sawl 7:17
Israel-te Kibawlsie
8Tu-in Egypt gamah Joseph a thei lo kumpi khat a khang hi.#Sawl 7:18 9Ama in a mite kungah, “En un, Israel mite ei sangin tam zaw-in zong a thahat zaw uhi. 10Hing pei un, pilvang tahin amate bawl vai, tua banga i bawl sih leh amate ang pung ding a, gal le sa hing om leh ei do dingin i galte ang pawl ding vua, i gam panin ang taimang ding uhi.#Sawl 7:19 11Tua ahi ziehin thona-aana sepsahna tawh amate a gawt dingin a tung vuah nasem uhte a koi uhi. Amate in Pharaoh adingin ankholna khuopite ahi, Pithom le Rameses-te a lam uhi. 12Hinanle a kibawlsiet ciengin amate tampi pha semsemin a kizelthang zaw vua, tuaci’n Egypt-te in Israel-te giing mama uhi. 13Egypt-te in Israel-te na semsahin a gawgam mama vua, 14buoncil nasep le a hamsa tehlei bawl nasep le lolai-a nasep namkim tawh a hinkhuo uh a genthei sah uhi. A sepsahna zosie vuah amate a gawgam mama uhi.
15Egypt kumpipa in Hebrew naudomte, khat’ min Shiphrah, le adang khat’ min Puah a kicite kungah, 16“Hebrew numeite nau na dop ciengun nausuona topha tungah a to nausen en unlen, tapa ahile that un; tanu ahileh na hinkhawi ding uhi,” a ci hi. 17Ahi vangin naudomte in Pasien a giing uhi; amate in Egypt kumpipa thupieh mang loin nausen pasalte a hinkhawi uhi. 18Tuaci’n Egypt kumpipa in naudomte hlansahin amate kungah, “Bang dinga tam bang na na sep vua, nausen pasalte na hinkhawi uh ahei?” a ci hi. 19Naudomte in Pharaoh kungah, “Hebrew numeite pen Egypt numeite tawh kibang lo hi; bang ding ahei cile amate a thahat mama vua, naudomte tun masangin a na suoh zo ta uhi,” a ci uhi. 20Tua ahi ziehin Pasien in naudomte a limbawl hi; tuale mite pungin a thahat mama uhi. 21Naudomte in Pasien a giin ziehun amate tungah Pasien in innkuonte a pie hi. 22Tua ciengin Pharaoh in ama’ mite zosie thupie a, “Hebrew-te#1:22 Sam Gk Tg: Heb ah “Hebrew-te tungah” kici om lo hi. sung panin a pieng tapa zosie Nile gun sungah na pai ding vua, ahi vangin tanu kici popo na hinkhawi ding uhi,” a ci hi.#Sawl 7:19
اکنون انتخاب شده:
PEIKHIETNA 1: ZBOTF01
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Zo Bible © Bible Society of Myanmar, 2018.