Marcu 16
16
A resurrezzione di Ghjesù
(Mt 28,1-8; Lc 24,1-12; Ghjv 20,1-10)
1È, finitu u sabbatu, Maria Matalena, Maria a mamma di Ghjacumu, è Salomea cumpredenu u balzamu, per andà è imbalzamà à Ghjesù, 2È a mane à bon'ora, u primu ghjornu di a semana, andonu à u sepolcru, à l'esce di u sole. 3È dicianu trà di elle: «Quale ci caccerà u teghjone da a bocca di u sepolcru?» 4Feghjendu, s'accorsenu chì u teghjone chì era bellu pisiu era statu vultulatu. 5È entrendu ind'u sepolcru, videnu un ghjuvanottu chì pusava à manu destra, ammantatu d'un vestitone biancu, è fermonu spaventate. 6Ma quellu li disse: «ùn vi spaventate; cercate à Ghjesù u Nazarenu, u crucifissatu? Hè resuscitatu, ùn hè micca quì. Eccu u locu duv'elli l'avianu messu. 7Ma andate è dite à i so discepuli è à Petru: và innanzu à voi in Galilea. Quallà u viderete cum'ellu a v'hà detta#16,7 Vede Mc 14,28..» 8Ma elle, esciute da u sepolcru, si ne fughjinu spaventate è trimulendu, è da a peura ùn dissenu nunda à nimu.
Ghjesù cumparisce à Maria Matalena
(Mt 28,9-10; Ghjv 20,11-18)
(Finale longu)
9[Resuscitatu a mane di u primu ghjornu di a semana, Ghjesù cumparse prima à Maria Matalena, chì da ella avìa scunviatu sette demonii, 10È ella andò à falla sapè à quelli ch'eranu stati cun Ghjesù, è chì fecianu u dolu è pienghjianu. 11Ma elli, sentendu ch'ellu era vivu, è ch'ella l'avia vistu, ùn ci credianu. 12Dopu cumparse cù una altra forma, à dui discepuli, chì eranu per strada, è andavanu in campagna. 13Quelli vultonu per falla sapè à l'altri ma mancu elli funu creduti.
A missione di i discepuli
(Mt 28,16-20; Lc 24,36-49; Ghjv 20,19-23; At 1,6-8)
14In ultimu cumparse à l'ondeci chì eranu attavulinati. Li rimbeccò a so poca fede è a durezza di i so cori, per vìa ch'elli ùn avìanu credutu à quelli chì l'avìanu vistu ressuscitatu. 15È li disse: «andate in lu mondu sanu è annunziate u Vangelu à tuttu u creatu#16,15 Paragunà cù At 1,8.. 16À chì crederà è serà battezatu serà riscattatu, à chì ùn crederà sera cundannatu. 17Ed eccu i segni chì accumpagneranu quelli chì averanu credutu è parleranu lingue nove. 18Piglieranu i sarpi [in manu], è s'elli beienu un velenu, mancu li fera male, impuneranu e mane à i malati è quelli migliureranu.»
L'ascenzione di Ghjesù
(Lc 24,50-53; At 1,9-11)
19È u Signore Ghjesù, dopu d' avelli parlatu, fù purtatu in celu è pusò à a destra di Diu#16,19 Paragunà cù At 1,9-11.. 20È elli, andonu à predica in ogni locu è u Signore agìa cun elli è dava forza à a Parolla cù i segni chì l'accumpagnavanu.]
(Finale cortu)
[È fecenu sapè subitu à Petru è à i cumpagni tutti i cumandi chì l'eranu stati fati. Dopu, Ghjesù stessu i incaricò di sparghje da livante à punente a predicazione sacra è chì ùn hà da more, quella di a salvazione eterna. Amme.]
اکنون انتخاب شده:
Marcu 16: 4EvCors
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Société biblique française, 1994
