Ghjuanni 15
15
Ghjesù hè a vigna vera
1«Eiu socu a vigna vera#15,1 Paragunà cù Is 5,1-4., è u me Babbu hè u vignaghjolu. 2Ogni vita di meiu chì ùn feci fruttu a tadda, è ogni vita chì dà u fruttu, a puta ch'edda ni dia di più. 3Voi seti aghjà putati par via di a parola ch'e' vi aghju dittu; 4steti in mè, ed eiu in voi; com'è a vita ùn pò dà u fruttu da par edda s'edda ùn istà nantu à u calzu, cusì mancu voi sì voi ùn isteti in mè. 5Eiu socu a vigna, è voi i viti; à chì stà in mè, ed eiu in eddu, dà fruttu assai, parchì senza di mè ùn pudeti fà nudda. 6À chì ùn istà in mè, hè lampatu fora com'è u putizzu. Si ni secca, l'accoddini, u lampani in u focu, è brusgia. 7Sì vo' steti in mè è i me paroli in voi, dumandeti ciò chì vo' vuleti, è vi sarà fatta. 8Cusì hè glurificatu u me Babbu: chì vo' diati u fruttu assai è chì vo' diventiti i me discipuli. 9Com'eddu m'hà tinutu caru u me Babbu, ancu eiu vi aghju tinutu cari; steti in u me amori. 10Sì vo' tiniti i me cumandi, firmareti in u me amori, com'e' aghju tinutu i cumandi di u me Babbu è fermu in u so amori. 11Vi aghju parlatu cusì chì a me alicria sia in voi è ch'edda sia cumpiita a vostra alicria#15,11 Paragunà cù Is 9,2; 35,10..
12«Eccu u cumandu meiu: chì vo' vi tenghiti cari trà voi com'e' vi aghju tinutu eiu. 13Nimu hà un amori più maiò cà quiddu chì laca u fiatu pà i so amichi. 14Voi seti i me amichi sì vo' feti ciò ch'e' vi cumandu. 15Ùn vi chjamu più schiavi, parchì u schiavu ùn sà ciò ch'eddu faci u patronu; ma vi aghju chjamatu amichi, parch'e' vi aghju fattu cunnoscia tuttu ciò ch'e' aghju intesu da u me Babbu. 16Ùn mi eti micca sceltu voi chì vi aghju sceltu eiu è vi aghju stabbulitu da chì vo' voghiti è dà u fruttu, ch'eddu fermi u vostru fruttu, è chì tuttu ciò chì vo' dumandareti à u Babbu in nomu meiu, ch'eddu a vi dia. 17Eccu u me cumandu: di tena vi cari trà voi.»
L'odiu di u mondu
18«Sì u mondu vi odia, sappiati chì prima hà udiatu ancu à mè. 19Sì vo' fussiti di u mondu, u mondu tinaria caru ciò chì hè soiu; ma parchì vo' ùn seti di u mondu è ch'e' vi aghju sceltu eiu for di u mondu, u mondu vi odia. 20Raminteti vi a parola ch'e' vi aghju dittu: ùn ci hè schiavu chì sia più altu cà u patronu#15,20 Paragunà cù Mt 10,24; Lc 6,40; Ghjv 13,16.; s'eddi mi ani parsiguitatu, parsiguitarani ancu à voi; s'eddi ani tinutu a me parola, tinarani ancu a vostra. 21Ma tutti issi cosi i vi farani par via di u me nomu, parch' ùn cunnoscini micca quiddu chì mi mandeti. 22S'e' ùn fussi vinutu è ùn li avissi parlatu, ùn avariani piccatu; ma avà, scusa pà u so piccatu ùn ni ani. 23À chì odia à mè, odia ancu u me Babbu. 24S'e' ùn avissi fattu ind'è eddi opari ch'eddu ùn hà fattu altru nimu, piccatu ùn ni avariani, ma avà ani vistu, è odiani à mè è à u me Babbu. 25Par ch'edda venghi cumpiita a Parola scritta in la so Legi: mi ani udiatu senza mutivu#15,25 Sal 35,19; 69,5..
26«Quand'eddu sarà vinutu u Difinditori ch'e' vi mandaraghju da ind'è u Babbu, u Spiritu di a virità chì esci da u Babbu, quiddu mi farà da tistimoniu, 27è voi dinò, tistimunieti, chì da u principiu seti cù mecu.
اکنون انتخاب شده:
Ghjuanni 15: 4EvCors
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Société biblique française, 1994
