ÀfaꞋa MèngàꞋa

MèngàꞋa

Àkata àfaꞋa bɔntu̧ Yesò a wua ndà̧à̧nà ànəa bɔ shɨ a èbem àkatè Luêk la. Ndâ ànəa nɨ̧ a shuà la wu ndɨ Fo Mbɔ̧ɔ̧mà li ngɨ̀ bòt bu bɔ̀ le wua nkuŋà a Yesò àfɨꞋa mbì la e me ghȩ̀ȩ̀na ntsɔ̀tà Ntu̧ Ntsɔ̧̀ tò “A Jèlusalèm, nè àlaꞋa Jùdià àgème, nè Sàmalìà a mànga bètɔꞋɔ ngɔ̀ŋ bàgème” la (1:8). Wu ànəa ènɔ̧̂ Bèklɨtèn bu e li mbùꞋ ayɔɔ Bèjuê, me ghà ne mbì ntsìꞋi àghɨa bòt ngɔ̀ŋ bàgème e zǐ èntɨ̧ɨ̧ wɔb adù̧ la. Wòt tà shɨ àkatè yaa la li ngua nkɨa mɨ̧̂ nê bòt bɔ̀ɔ tɔ àkata mbɔŋ la è ko nê Bèklɨtèn ntsě bòt bɔ li ngua nùà nkɨ shuke ampayà bòt Luêm asi la. Tà wua mě nkɨa bɔɔ ko nê àghɨ yu Bèklɨtèn e zi èntɨ̧ɨ̧ wɔb adù̧ la ntsě ànəa fi, wu ànəa Mbɔ̧ɔ̧mà li ndzaŋe kàꞋa bòt Izəèlȩê a te la.

BetsiꞋa bɔ ghàbtè àkata àfaꞋa bɔntu̧ Yesò yaa ane èbâ nɨ̧ betat, nyɨ̀Ꞌta ndɨ bɔ li ngua ntsɔ̀tà Ntu̧ Ntsɔ̧̀ yu ane ànəa Yesò la a èdziꞋi edziꞋ ngà nè mbì tè chɔsì tò è bɔ̀ tèghaŋ ti la:

1. MèmbùꞋu ènɔ̧̂ Bèklɨtèn a Jèlusalèm mbɨ̀Ꞌɨ̀ Yesò kɔꞋ ngà a ègwet la.

2. Mànga a èdziꞋi Palìstȩên ko.

3. Màmpaa eghǎ a beko nè èdziꞋ, èlaꞋ bu a ngèt èdzî Mèdìtèlenìà la, eghǎ tê e wu a Luêm.

Àghɨa nɨ̧ àko a èbem àkata àfaꞋa bɔntu̧ Yesò yaa wu àfàꞋa Fo Mbɔ̧ɔ̧mà yu è li nkɨ̀Ꞌɨ̂ nè mètàŋ adù̧ bòt bu bɔ li ndzì mèntɨ̧ɨ̧ mɔb ane Yesò a Jèlusalèm ane àlia Pentekɔ̀s la. Fo mbɔŋ li ngua nyɨ̀Ꞌta mè ndzìà mèntɨ̧ɨ̧ bòt Yesò nè bɔɔjuŋ bu ayɔɔ yɔb la ane àghɨ àgème bɔ shɨ a èbem àkatè yaa la. Luêk li shɨ mèngǎ̧ kǒ bɔntu̧ Yesò e li ngua ndàꞋà la a èbem àkatè yaa. Àtsəa ntu̧ yu ènɔ̧̂ mbì bòt Yesò e li ngua ntsɔ̀tà la a wu ane mèngǎ̧ Mbɔ̧ɔ̧mà mu a èbem àkatè yaa la. Mèngǎ̧ maa nè èghɨ bɔ shɨ a èbem àkatè yaa la, è nyɨꞋte mètàŋ Mbɔ̧ɔ̧mà ane mèntsèke bòt Yesò nè àbù̧ù̧tè àyɔb.

Ndɨ bɔ ghàbtè àkatè yaa la:

1. Màntaŋka e me làꞋa ànəa Yesò 1:1-26.

1 a. Ànəa Yesò li ndìà shu nê bɔkatè bi è me ghɨ̀ la, nè àyea tà li nkàꞋ la 1:1-14.

1 b. Wòt tà li nɨ àdziꞋa Judàs mbɨ̀Ꞌɨ̀ wantu̧ Yesò la 1:15-26.

1 2. Bɔ tsɔ̀tè èngǎ̧ Yesò a Jèlusalèm 2:1-8:3.

1 3. Bɔ tsɔ̀tè èngǎ̧ Yesò a Jùdià bɔ̂ Sàmalìà 8:4-12:25.

1 4. ÀfaꞋa Pɔ̂l 13:1-28:31.

1 a. Ngwè mbì Pɔ̂l nɨ ànəa Yesò ngà àlaꞋa tsa la 13:1-14:28.

1 b. Àbù̧ù̧ta Jèlusalèm 15:1-35.

1 c. Ngwè tebe Pɔ̂l nɨ ànəa Yesò ngà àlaꞋa tsa la 15:36-18:22.

1 d. Ngwè tetat Pɔ̂l nɨ ànəa Yesò ngà àlaꞋa tsa la 18:23-21:16.

1 e. Èghɨ e li ngɨ̀ ane Pɔ̂l a Jèlusalèm, nè Sisalìà mè nè Luêm mbɨ̀Ꞌɨ̀ wɔ̀tèfȩ la 21:17-28:31.

اکنون انتخاب شده:

ÀfaꞋa MèngàꞋa: mnf

های‌لایت

کپی

مقایسه

به اشتراک گذاشتن

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

در مورد Mundani اطلاعات بیشتر کسب کنید

ÀfaꞋa MèngàꞋa

آیات محبوب کتاب مقدس از
ÀfaꞋa MèngàꞋa

كتاب‌ مقدس:

Mundani

ترجمه: Mundani - mnf