Judit 3
3
Ang Delegasyon sa Kalinaw ngadto kang Hari Nabucodonosor
1Kining tanang mga nasod nagpadala ug usa ka delegasyon sa kalinaw ngadto kang Hari Nabucodonosor uban niining mensahe: 2“Kami nagpabilin nga maunongon kanimo, gamhanang Hari Nabucodonosor ug andam kami sa pag-alagad kanimo ug pagsugot sa bisan unsang sugo nga buot mong ihatag kanamo. 3Ang among mga balay, ang tanan namong yuta, ang among kaumahan sa trigo, ang among kahayopan ug ang among mga tolda anaa gibutang sa imong pagbuot. Gamita kini sa bisan unsang paagi nga imong gusto. 4Ang among katawhan imong mga ulipon ug mahimong gamiton nimo ang among mga lungsod sumala sa imong gusto.”
5Human madala sa delegasyon sa kalinaw kining maong mensahe, 6gidala ni Holofernes ang kasundalohan ni Nabucodonosor ngadto sa baybayon sa Mediteraneo. Gibutangan niyag mga guwardiya ang tanang mga lungsod nga pinarilan ug nagpili siyag mga tawo gikan sa tagsatagsa ka lungsod ingon nga mga tropa nga reserba. 7Ang mga tawo sa kalungsoran ug sa silingang kayutaan midawat nga maabiabihon kang Holofernes pinaagi sa pagdala ug mga korona nga mga bulak ug sa pagsayaw dinuyogan sa tingog sa mga tambor. 8Apan#Exo. 34:13; 2 Cron. 17:6. giguba ni Holofernes ang tanan nilang dapit nga alampoanan ug gipanghabas ang ilang sagrado nga mga kahoy. Gihatagan niyag kasugoan nga laglagon ang tanang mga diosdios sa yuta aron ang tanang mga nasod ug tribo magsimba lamang kang Nabucodonosor ug mag-ampo kaniya ingon nga dios.
9Unya miagi si Holofernes latas sa Walog sa Jezreel duol sa Dotan nga nag-atubang sa ulohang bungtod sa kabukiran sa Juda 10ug nagkampo siya taliwala sa Geba ug Sitopolis. Nagpabilin siya didto ug usa ka bulan aron makakuha siya sa mga gikinahanglan sa iyang kasundalohan.
اکنون انتخاب شده:
Judit 3: MBBCEB99
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Maayong Balita Biblia © Philippine Bible Society, 1999.