SILBAWLTE 12
12
Suhduhdahna: Peter mat a um
1Huleh hulai velin kumpipa Herod in kouhtuamte laha kuate aha suhduhdah tum in a khut a lehta a. 2Huleh John sanggampa Jakob chu namsaau in a saatlum a. 3Huleh hihin Judate a kipaahsah chih a muh jiahin, Peter zong mat a tum sawn a (Hulai chu tanghou tol sohlouh nite a hi). 4Huleh, amah a mat tahin suangkul ah a khum a, sepaih honli li chiat jelin a veen kheelsah a; chiahkaan kuut zohin mipite kawmah puidoh a tum hi.
Peter suahtaatna diing a haamteina
5Hujiahin Peter chu suangkul ah a koih tadih a; hizongleh, kouhtuamte’n amah diingin phatuamngaitahin Pathian kawmah a haamteisah zing uhi. 6Huleh Herod in a puidoh diing ni, hu jan ngei in Peter chu sepaih nih kikal ah khainiang nih bulh in a ihmu a; huleh, a veengtute’n zong kotkhaah bul a um in suangkul chu a veeng uhi. 7Huleh ngai in, Lalpa angel khat a kawmah a hung a, suangkul sungah vaah ahung taangta a, huleh Peter chu a pang beeng in a phawng a, Thou kin in, a chi a, Huleh khainiangte a khut apat a keta hi. 8Huin angel in a kawmah, Na kawng gaah inla, na keengtophah but in, a chi a. Huleh ama’n huchibangin ahih a. Huin angel in a kawmah, Na puan silh inla, hung jui in, a chi a. 9Huin Peter chu a pawt a, a juita a; angel silbawl chu a tah ahih a he sih a; manglama a muh a sa zaw hi. 10Veengtu masa leh a nihna a pelh nungun, khopi luutna siihkot chu a tungta va; Huchu amahuh diingin amahin ahung kihongta hi; huleh a pawt va, kotzing khat a paipeel va; huin angel in a paisanpahta hi. 11Huleh Peter a halh tahin, Lalpa’n angel ahung sawl a, Herod khut leh Juda mite kinepna zousiah akipanin ahung hundohta chih tuin chiantahin ka heta, a chi a. 12Huleh hu sil a ngaihtuah zohin, John, Mark a chih uh nu Mari inn ah a va chiah a; hu ah chu haamteina nei in mi tamtah ana umkhawm uhi. 13Huleh Peter in kotkhaah a kiuh tahin, a min Rhoda kichi nungaah khat a dawng diingin a hung a. 14Huleh Peter aw ahih a heet tahin a kipaah jiahin kot chu hong louin a tai luut kiit zawta a, Peter kotkhaah bul ah a ding chih a va soi hi. 15Amahun a kawmah, Angol hi teh, a chi va. Hizongleh ama’n chu thudih ahi chi'n a pang teitei a. Huin, amahun a angel ahi, a chi va. 16Hizongleh Peter in chu kot a kiukiu a; huleh kot chu a hon tahun, amah a mu va, limdang a sa mahmah uhi. 17Hizongleh ama’n a sipna diingun a khut in a jap a, Pathian in suangkul apat amah a puidohdan chu a hilhta a. Hi thute Jakob leh unaute kawmah va hilh un, a chi a. Huin a pawt a, mun dang ah a chiahta hi. 18Huin ni a suah tahin, sepaih haw chu Peter khoia um ahiai? chi'n buai chihtahin a buaita uhi. 19Huleh, Herod in a hawl a, a muh louh tahin, a veengtute chu a endih a, thah diingin thu a peta hi. Huin Herod chu Juda gam a kipan Caesarea khua ah a chiahsuh a, hu ah a um zingta hi.
Herod sihna
20Huleh Herod chu Tura leh Sidon khua a mite tungah a lungkim sih mahmah a; hizongleh, amahun Blasta kumpipa innsung vaipotu chu a kizolhpih va, thukhat a luang in a kawmah a hung va, a khaw lamte uh chu kumpipa khawlama buh po jel ahih jiahun kilemna a ngen uh. 21Huleh a ni chiam niin Herod in a lalpuan a silh a, a laltouphah tungah a tou a, a kawmvah thu a soi hi. 22Huleh mipi chu kikou in, Hi chu Pathian aw ahi, mihinga ahi sih, a chi va. 23Huleh Pathian kawma paahtawina a piah louh jiahin, Lalpa angel in amah a manpah ngal a; huut in a ne a, a sita hi. 24Hizongleh Pathian thu chu a dalh a, a pung jel hi. 25Huleh Barnaba leh Saul chu a natoh uh a zohun, Jerusalem khua akipat a kiih kiitta va, John, a mintah Mark chu a kawmvah a pui uhi.
اکنون انتخاب شده:
SILBAWLTE 12: SIMTBSI
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.
