ROM 4
4
Abraham enkhina chu
1Anleh, Abraham, taksa dâna ei thlatu khan ieng am a hlâwkpui hril ding ei nei a?
2Abrahamin chu a thilthawhai leia thiem inchangtir ni sien chu, suong ding iemani chu nei a tih; Pathien hmaa ruok chun nei naw nih.
3 #
Gen 15.6; Gal 3.6 Pathien Lekhain ieng am a hril a? “Abraham chun Pathien a ring a, chu ringna chu a felnaa ruot a nih,” tiin a hril a nih.
4Chun, sinthawtu hlaw chu lunginsietnaa ngai a ni naw a, bat anga ngai a ni lem a nih.
5Amiruokchu, mi, a thilthawa innghat lova, Pathien hre nawhai thiem inchangtirtu ring lemtu ringna chu, a felnaa ngai a nih.
6Mi, a thilthaw ngaituo lova, Pathienin fela a ingaihai hamṭhatzie chu David khawmin:-
7“An bawsietnahai ngaidama umhai le,
An suolhai inkhuma um chu An hamṭha.
8 #
Sm 32.1-2
Lalpain suol neia a ingai naw chu an hamṭha,” tia a hril ang khan.
9Anleh, chu hamṭhatna chu sertanhai chung chau âm a ni a um, sertan nawhai chunga khawm? “Abraham ringna chu a felnaa ruot a nih” ei ti si a.
10Chu chu iengti ziea ngai am ni tâng a ta? A sertan hmain am a ni, a sertan hnungin? A sertan hnungin a ni naw a, a sertan hmain a ni lem a nih.
11 #
Gen 17.10
Chuongchun, sertan lova a um laia, ringnain felna chu a hmu ti inhrietna, sertan inchikna chu a hmu a, chu felna chu an ta dinga ruot a nina dingin sertan lohai laia ringtuhai po po pa a ni theina dingin,
12sertanhai pa khawm a ni thei bawkna dingin sertanhai pa chau a ni naw a, ama, ei pa Abraham sertan lova a um laia, ringna a nei anga nei fâwmhai pa a ni lem a nih.
Thutiem chu ringnaa hriet a nih
13 #
Gen 17.4-6; 22.17-18; Gal 3.29 Dân leiin Abraham le a thlahai kuoma chun khawvêl ro hluo ding thu chu tiem a ni naw a, ringnaa felna lei a ni lem.
14 #
Gal 3.18
Dâna mihai rohluotuhai an ni si chun, ringna ienga khawm hmang a ni ta naw a, thutiem khawm chu iengkhawm a ni ta nawh;
15Dân chun lunginsenna a siem hlak si a; Dân um nawnaa chun bawsietna khawm a um bawk nawh.
16 #
Gal 3.17
Chuleiin, lunginsietna a ni theina dingin, ringna leiin a nih hi suon po pohai chun thutiem chu matheilova an hmu chu. Dân nei mi chauin an hmu ding a ni naw a, Abraham ringna ang ringna neihai khawmin hmûng an tih. Abraham chu ei rênga pa a nih,
17mithihai sukhringtu le, thil umnawhai a taka inumtirtu, a iring Pathien mithmua chun; “Chi tamtakhai pain siem ka ti che” tia ziek ang khan.
18Beiseina âwm a um naw khawmin beiseitakin a ring a, chi tamtakhai pa a hung ni theina dingin, “Khi zât khin i thlahai la um an tih,” tia hril ang khan.
19 #
Gen 17.5; 15.5; 17.17 Chun, ringna detlo chuong lovin, a taksa thi tah anga um chu a ngaituo a, ama chu kum za lai mi a ni si a, Sara ching khawm a ngaituo bawk a.
20Nisienlakhawm, ringna tlasamin Pathien thutiem chu a ringhla chuong naw a, Pathien a châwimawi a;
21a thutiem chu ân hlawtling tir thei ti a ring hle bawk a, a ringna chu a hung det lem ta a.
22Chuleiin a ringna chu a felnaa ngai a hung ni tah.
23Chuongchun, a ringna chu a felnaa ngai a ni ti ama ta ding chaua ziek a ni naw a,
24Isu, ei Lalpa mithi laia inthawka keithotu ringtu einihai ta ding khawmin a nih, ei ringna chu felnaa ngai nîng a tih.
25 #
Is 53.4-5
Chu Isu chu ei suolna leiin inmantirin a um a, thiem ei changna dingin keithoin a um bawk a.
اکنون انتخاب شده:
ROM 4: HMOVBSI
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.