ZEKARIA 6
6
Tawlailîr pali chu
1Chun, ka mithai ka hang inlên nâwk a, tlâng pahni inkâra sa- kawr tawlailîr pali hung suok hi ka hmuh a, ka en zing a; chu tlânghai chu dârsen tlâng an nih. 2Tawlailîr pakhatnaa chun sakawr senhai an um a; tawlailîr pahninaa chun sakawr dumhai an um a;
3 #
Tp 6.2-8 tawlailîr pathumnaa chun sa- kawr vârhai an um a; tawlailîr pali- naa chun sakawr rânghai an um a.
4Chun, vântirko a mi betu chu ka dawn a, a kuomah, “Pu, hienghai hi ieng am an na?” ka ta.
5 #
Tp 7.1 Vântirko chun a mi dawn a, ka kuomah, “Hieng hi vân thlarau pali, leihnuoi po po Lalpa hmaa ngîr hlaka, fe suok hlakhai chu an nih.”
6Tawlailîr sakawr dum ihnûk chu hmâr ram tieng a fe suok hlak a; a vâr ihnûk chun a zui a; chun, a râng ihnûk chu simtieng rama chun a fe suok a.
7A senhai chu an fe suok a, hnuoi chung kil tin kil tanga an fe thei dân ding an zawng a; “Hitaka inthawkin suok unla hnuoi chung kil tin kil tangah fe ro,” a ta. Chuongchun, hnuoi chung kil tin kil tanga chun an fe tah a.
8Chun, ka kuomah a hung khêk a, “Ngai ta, hmâr tieng rama fehai khan hmâr tieng rama chun ka lungril chu an suksâwldam tah,” a ta.
Thil inentirnaa Josua Lallukhum inkhumtira a um thu
9Chun, Lalpa thu chu ka kuomah a hung tlung a,
10“Heldai hai, Tobija hai, Jedaia hai, sala intânghaia inthawkin la la; chun, chu ni ma chun hung la, Babulona inthawka an hungna, Zephania naupa Josia ina chun fe rawh:
11anih, tangkaruo le rângkachak lapêk la, lukhum siem la, Jehozadak naupa thiempu lal Josua lua chun bel rawh;
12 #
Is 4.2; Jer 23.5; 33.15; Zek 3.8 chun, a kuoma chun hril la, ‘Sipaihai LALPA chun hieng ang hin a tih: Ngai ta, mi pakhat a hming chu Kau a nih; ama chu a hmuna inthawkin hung inṭhang a ta, LALPA biekin chu hung bâwl a ta:
13LALPA biekin ngei chu hung bâwl a tih; ama chun ropuina chu khum a ta, a lalṭhungphaa ṭhungin ro rêl a tih; a lalṭhungpha chunga chun thiempu nîng a ta, an pahnia inkâra chun inremna thurêl chu um a tih,’ tiin.
14Chun, lallukhum chu Heldai hai, Tobija hai, Jedaia hai le Zepha- nia naupa Josia hai ta dinga, LALPA biekina hriet zingna dingin nîng a tih.
15Chun, ram hlataka umhai khawm chu hung an ta, LALPA biekin chu hung bâwl an ta; chun, sipaihai LALPA chun in kuomah a mi hung tir a nih ti hre tâng in tih. Hieng thilhai hi la hung tlung ngei a tih, LALPA in Pathien râwl chu nguntaka in zui phawt chun,” tiin.
اکنون انتخاب شده:
ZEKARIA 6: HMARCLBSI
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.